Dóm­nefnd telur Karl Axels­son hæsta­rétt­ar­lög­mann hæf­ari til setu í Hæsta­rétti en Davíð Þór Björg­vins­son og Ing­veldi Ein­ars­dótt­ur, þó menntun þeirra og reynsla af dóm­ara­störfum sé mun meiri.

Reynsla Karls í stjórn­sýslu- og lög­manns­störfum var þó meiri og vó þyngra í mati dóm­nefnd­ar. Þetta kemur fram á vef RÚV.

Kast­ljós hefur undir höndum umsögn dóm­nefndar sem dag­sett er í gær, að því er fram kemur í umfjöll­un­inni. Aug­lýst var eftir stöðu hæsta­rétt­ar­dóm­ara í júlí síð­ast­liðn­um.

Þrír umsækj­endur voru um stöð­una og þóttu öll hæf til að gegna emb­ætti dóm­ara. Ing­veldur Ein­ars­dóttir hér­aðs­dóm­ari og settur dóm­ari við Hæsta­rétt, Davíð Þór Björg­vins­son, doktor í lögum og dóm­ari við Mann­rétt­inda­dóm­stól Evr­ópu auk Karls Axels­sonar hæsta­rétt­ar­lög­manns. Sér­stök dóm­nefnd hefur svo það hlut­verk að fara yfir umsókn­irnar og gera til­lögu til ráð­herra um skipan dóm­ara.

For­maður nefnd­ar­innar er Gunn­laugur Claessen, fyrr­ver­andi hæsta­rétt­ar­dóm­ari. Tveir nefnd­ar­manna eru til­nefndir af Hæsta­rétti, þriðji nefnd­ar­mað­ur­inn af dóm­stóla­ráði og sá fjórði af Lög­manna­fé­lagi Íslands. Fimmti nefnd­ar­mað­ur­inn skal svo kos­inn af Alþingi.