Fjöl­mörgum við­skipta­vinum við­skipta­bank­anna þriggja, Arion banka, Íslands­banka og Lands­bank­ans, hefur borist greiðslu­krafa frá Flótta­manna­hjálp Íslands, áhuga­manna­fé­lagi upp á 990 krón­ur. Kröf­urnar eru merktar sem „Fé­lags­gjöld“ jafn­vel þó eng­inn sem hefur haft sam­band við Kjarn­ann hafi nokk­urn­tíma heyrt af félag­inu.

Flótta­manna­hjálp Íslands, áhuga­manna­fé­lag var stofnað í jan­úar 2014. Hvorki UNICEF né Rauði kross Íslands hafa nokkru sinni heyrt um þetta félag. Bók­halds­deild Rauða kross­ins hefur borist mörg sím­töl í dag þar sem spurt er hvort greiðslu­krafan sé á vegum Rauða kross­ins. Í kjöl­far þess að Kjarn­inn hafði sam­band birt­ust til­kynn­ingar á sam­fé­lags­miðlum Rauða kross­ins um að þessar kröfur beri að var­ast.

Sam­kvæmt upp­lýs­ingum frá Neyt­enda­stofu ber fólki ekki skylda til að borga kröfur sem það hefur sann­ar­lega ekki skuld­bundið sig til að borga. Að öllum lík­indum sé hér um val­greiðslu­kröfu að ræða.

Þrátt fyrir ítrek­aðar til­raunir hefur ekki náðst í for­svars­menn Flótta­manna­hjálpar Íslands, áhuga­manna­fé­lags í dag.