Hanna Birna Krist­jáns­dótt­ir, fyrr­ver­andi inn­an­rík­is­ráð­herra, hefur enn ekki skilað inn frek­ari athuga­semdum við frum­kvæð­is­at­hugun umboðs­manns Alþing­is, á sam­skiptum hennar og Stef­áns Eiríks­son­ar, fyrr­ver­andi lög­reglu­stjóra höf­uð­borg­ar­svæð­is­ins, í tengslum við rann­sókn leka­máls­ins svo­kall­aða. Hanna Birna óskaði eftir fresti í des­em­ber til að koma að frek­ari sjón­ar­miðum við frum­kvæð­is­at­hugun umboðs­manns, en sá frestur rennur út 8. jan­ú­ar.

Emb­ætti umboðs­manns stað­festir í skrif­legu svari við fyr­ir­spurn Kjarn­ans að Hanna Birna hafi enn ekki skilað inn frek­ari sjón­ar­mið­um, og því liggi ekki fyrir hvenær nið­ur­staða umboðs­manns í mál­inu verður birt.

Umboðs­maður áform­aði að birta nið­ur­stöðu frum­kvæð­is­at­hug­un­ar­innar í nóv­em­ber, en dráttur varð á því eftir að emb­ætt­inu barst ábend­ing um til­tekið atriði í tengslum við athug­un­ina. Í byrjun des­em­ber lauk svo umboðs­maður athugun sinni á ábend­ing­unni, en í henni fólst að afla frek­ari upp­lýs­inga og fá afstöðu frá­far­andi ráð­herra til þeirra. Nokkrum dögum síðar greindi umboðs­maður frá því að fyrr­ver­andi inn­an­rík­is­ráð­herra hefði óskað eftir fyrr­greindum fresti til að koma að frek­ari sjón­ar­miðum við frum­kvæð­is­at­hugun umboðs­manns.