Alþjóða­gjald­eyr­is­sjóð­ur­inn, Seðla­banki Evr­ópu og fram­kvæmda­stjórn Evr­ópu­sam­bands­ins virð­ast ekki vera á sama máli og Grikkir um það hversu stutt er í að sam­komu­lag náist um skulda­mál þeirra síð­ast­nefndu. Sam­komu­lagið er for­senda þess að leystir verði út millj­arðar evra neyð­ar­lán sem Grikkir þurfa á að halda eigi þeir að geta staðið í skilum við lán­ar­drottna sína, sem eru fyrr­nefndar stofn­an­ir.

Grísk stjórn­völd hafa sagt að lítið beri í milli og stutt sé í að sam­komu­lag náist. Yanis Varoufa­kis, fjár­mála­ráð­herra lands­ins, reið á vaðið fyrr í vik­unni og sagð­ist telja að sam­komu­lag yrði í höfn innan viku.

Christine Lag­ar­de, fram­kvæmda­stjóri AGS, sagði í dag að sam­komu­lag um neyð­ar­lán til Grikkja verði að vera heild­stætt og ekki gert í flýti. Hún fylgdi þannig í fót­spor Wolf­gang Schaeu­ble, fjár­mála­ráð­herra Þýska­lands sem sagði við Reuters í gær að öll bjart­sýnin í mál­inu væri hjá Grikkj­um. Það væri ekki neitt til í til­kynn­ingum um að sam­komu­lag væri að nást. Ang­ela Merkel tal­aði einnig í þessa veru í morg­un, þar sem hún sagði að mikla vinnu ætti enn eftir að vinna áður en sam­komu­lag næst milli Grikkja og lán­ar­drottna þeirra. Vara­for­seti fram­kvæmda­stjórnar Evr­ópu­sam­bands­ins, Valdis Dombrovskis, sagði einnig í fjöl­miðlum í morgun að mál­inu hefði ekki miðað eins hratt áfram og því hefði átt að gera, og að Grikkir eigi enn eftir að koma fram með umfangs­meiri til­lögur að umbót­um.