Nýsköp­un­ar­ráð Evr­ópu­sam­bands­ins (EIC) hyggst fjár­festa beint í sprota­fyr­ir­tækjum í álf­unni fyrir allt að 2,2 millj­örðum króna í gegnum nýsköp­un­ar­hrað­al­inn EIC Accel­er­ator sem var kynntur í vik­unni. For­maður ráðs­ins segir hrað­al­inn gera sam­band­inu kleift að taka áhættur sem einka­fjár­festar treysta sér ekki til þess að taka og hagn­ast á fjár­fest­ingum sínum þegar vel geng­ur.

Meiri áhætta, en mögu­leiki á arð­greiðslur

Margrethe Vest­a­ger, sem fer fyrir staf­rænni veg­ferð Evr­ópu­sam­bands­ins, kynnti hrað­al­inn á mið­viku­dag­inn, ásamt Mariya Gabriel, nýsköp­un­ar­ráð­herra sam­bands­ins. Sam­kvæmt frétt Polit­ico um málið felur þessi kynn­ing í sér stefnu­breyt­ingu á fjár­mögnun ESB til tækni­fyr­ir­tækja, en hingað til hefur hún ein­ungis falið í sér styrk­veit­ingar til einka­fjár­festa.

Með beinni fjár­fest­ingu í tækni­fyr­ir­tækj­unum er sam­bandið hins vegar að taka meiri áhættu, en gæti hins vegar fengið að njóta góðs af mögu­legum arð­greiðslum fyr­ir­tækj­anna. Sam­kvæmt ESB munu arð­greiðsl­urnar renna beint í nýsköp­un­ar­sjóð sam­bands­ins, sem nemur nú 10,1 millj­örðum evra, eða um 1.500 millj­örðum íslenskra króna.

Einka­fjár­festar taka svo við kefl­inu

For­maður EIC, Jean-Da­vid Malo, sagði í við­tali við Polit­ico að Evr­ópu­sam­bandið væri með þessu að taka áhættur sem eng­inn annar væri að taka. Sam­kvæmt honum er meg­in­mark­mið hrað­als­ins að fylgja nýjum tækni­fyr­ir­tækjum í stækk­un­arfasa sínum þangað til að tækni þeirra er orðin reynd­ari og einka­fjár­festar eru til­búnir að taka við.

Sam­kvæmt vef­síðu nýsköp­un­ar­hrað­als­ins geta evr­ópsk sprota­fyr­ir­tæki, auk lít­illa og með­al­stórra fyr­ir­tækja, sótt um að taka þátt í hann. Þau fyr­ir­tæki sem kom­ast í gegnum hrað­al­inn fá svo beina hluta­fjárinn­spýt­ingu frá Evr­ópu­sam­band­inu að and­virði 0,5 til 15 millj­óna Evra, en það jafn­gildir 73 til 2.200 millj­ónum króna. Sam­bandið mun svo leggja áherslu á að stækka fyr­ir­tækið og reyna að fá fleiri fjár­festa að borð­inu.