Félagið sem erfði tæpan helming í Samherja hagnaðist um 3,2 milljarða króna í fyrra

Börn Þorsteins Más Baldvinssonar eiga 43 prósent í Samherja hf. Þau fengu þann hlut sem fyrirframgreiddan arf og með því að kaupa eignir af foreldrum sínum á árinu 2019. Eignir félags þeirra eru bókfærðar á tæplega 40 milljarða króna.

Þorsteinn Már Baldvinsson er forstjóri Samherja og sonur hans, Baldvin Þorsteinsson, er yfir Evrópuútgerð Samherja.
Þorsteinn Már Baldvinsson er forstjóri Samherja og sonur hans, Baldvin Þorsteinsson, er yfir Evrópuútgerð Samherja.
Auglýsing

K&B ehf., félag sem er að mestu í eigu systk­in­anna Bald­vins og Kötlu Þor­steins­barna, hagn­að­ist um 20,8 millj­ónir evra, um 3,2 millj­arða króna, á síð­asta ári. Hrein eign félags­ins nam um 44,7 millj­ónum evra, um 6,9 millj­örðum króna, um síð­ustu ára­mót. Eignir félags­ins voru bók­færðar á tæp­lega 40 millj­arða króna en á móti þeim eignum eru skuldir upp á tæpa 33 millj­arða króna.

Þetta kemur fram í árs­reikn­ingi K&B ehf. sem sendur var inn til árs­reikn­inga­skrár í síð­ustu viku en birtur í gær.

K&B ehf. er stærsti ein­staki eig­andi Sam­herja hf., þess hluta Sam­herj­a­sam­stæð­unnar sem heldur á starf­semi hennar á Íslandi og Fær­eyj­um, með 43 pró­sent eign­ar­hlut. Hlut­ur­inn í Sam­herja er eina eign félags­ins og hagn­aður félags­ins hlut­deild í hagn­aði útgerð­ar­ris­ans. Bald­vin á 49 pró­sent hlut í K&B ehf. en Katla systir hans 48,9 pró­sent. Faðir þeirra, Þor­steinn Már Bald­vins­son for­stjóri Sam­herja, á 2,1 pró­sent hlut.

Til­kynnt var um það um miðjan maí í fyrra að eig­enda­­skipti væru að eiga sér stað hjá Sam­herja. Þá birt­ist til­­kynn­ing á heima­­síðu Sam­herj­­a­­sam­­stæð­unnar um að Þor­­steinn Már, fyrr­ver­andi eig­in­kona hans Helga S. Guð­­munds­dóttir og útgerð­ar­stjór­inn Krist­ján Vil­helms­­son væru að færa stóran hluta af eign­­ar­haldi á Sam­herja hf. til barna sinna.

Hall­­dór Örn, Krist­ján Bjarni og Katrín Krist­jáns­­börn, eiga sam­an­lagt með um 41,5 pró­­sent hluta­fjár en ekk­ert þeirra meira en 8,5 pró­sent hlut hvert. Þar á eftir kemur félagið Bliki ehf. með 11,9 pró­­­sent hlut. Fram­In­vest Sp/f er skráð fyrir 27,5 pró­­­­senta hlut í Blika. Það félag er skráð í Fær­eyj­­­­um. Þor­­­­steinn Már er helsti skráði stjórn­­­­andi þess félags.

Þor­steinn Már, Krist­ján og Helga halda hins vegar áfram að vera eig­endur að erlendu starf­­sem­inni, og á stórum hlut í Eim­­skip, sem hefur frá 2018 verið vistað inni í öðru eign­­ar­halds­­­fé­lagi, Sam­herja Hold­ing ehf., frá árinu 2018 þegar sam­stæð­unni var skipt upp.

Fyr­ir­fram­greiddur arfur og sala

Í maí, þegar Kjarn­inn leit­aði eftir upp­­lýs­ingum um með hvaða hætti fram­­sal hluta­bréfa for­eldra til barna hefði átt sér stað, feng­ust þau svör hjá Björgólfi Jóhanns­­syni, þá ann­­ars for­­stjóra Sam­herja, að ann­­ars vegar hefðu börnin fengið fyr­ir­fram­greiddan arf, og hins vegar væri um sölu milli félaga að ræða.

Auglýsing
Ekki hafa feng­ist upp­­lýs­ingar hjá Sam­herja um virði þess hlutar sem til­­kynnt var um að færður hefði verið á milli kyn­slóða né hvernig til­­­færsl­unni var skipt milli fyr­ir­fram­greidds arfs og sölu. Engin skjöl hafa heldur verið send inn til fyr­ir­tækja­­skrár vegna við­­skipt­anna enn sem komið er. Einu upp­­lýs­ing­­arnar sem þar er að finna um K&B ehf., fyrir utan eign­­ar­haldið á félag­inu og að það hafi verið stofnað í apríl 2019, er að hlutafé þess var aukið um 100 millj­­ónir króna seint í sept­­em­ber í fyrra.

Í árs­reikn­ingi K&B ehf. kemur fram að félagið hafi skuldað 212,5 millj­ónir evra, um 32,7 millj­arða króna, í lok síð­asta árs. Uppi­staðan er lang­tíma­lán sem félagið borgar 8,4 millj­ónir evra, um 1,3 millj­arða króna, af á ári.

Til­kynnt um eig­enda­til­færslu skömmu fyrir Kveiks­þátt­inn

Bald­vin er með lög­heim­ili í Hollandi, þar sem hann býr og leiðir alþjóð­lega starf­semi Sam­herja. Þar af leið­andi er hann skil­greindur sem erlendur sam­kvæmt íslenskum lögum og því ber að til­kynna hana til stjórn­valda. Kjarn­inn greindi frá því í fyrra­sumar að fjár­­­fest­ing K&B ehf. í Sam­herja hafi verið til­­kynnt til atvinn­u­­vega­ráðu­­neyt­is­ins átta dögum áður en að Kveik­­ur, Stund­in, Wiki­leaks og Al Jazeera opin­ber­uðu margra mán­aða rann­­sókn­­ar­vinnu sem sýndi fram á meintar mút­u­greiðsl­­ur, pen­inga­þvætti og skatta­snið­­göngu Sam­herj­­a­­sam­­stæð­unnar í tengslum við veiðar hennar í Namib­­íu.

Starfs­­maður atvinn­u­­vega­ráðu­­neyt­is­ins hringdi tví­­­vegis í Ólaf Þór Hauks­­son hér­­aðs­sak­­sókn­­ara, ann­­ars vegar 18. des­em­ber og hins vegar 20. des­em­ber 2019, til að gera honum við­vart um að ráðu­­neyt­inu hefði borist til­­kynn­ing um að erlendur aðili, Bald­vin, hefði keypt hlut­inn í Sam­herja.

Í skjali um sam­­skiptin kom fram að ástæða þess að haft var sam­­band við við hér­­aðs­sak­­sókn­­ara var að ráðu­­neyt­inu væri „kunn­ugt um að það félag sem til­­kynn­ingin við­kemur og aðal­­eig­andi þess og for­­stjóri eru til rann­­sóknar hjá emb­ætti hér­­aðs­sak­­sókn­­ara.“

Í til­kynn­ingu Sam­herja um að stofn­endur fyr­ir­tæk­is­ins væru að láta eign­ar­hluti renna til barna sinna kom fram að stjórn Sam­herja hefði fyrst verið til­kynnt um áformin sum­arið 2019.

Fyr­ir­tækið hefur hafnað því að tengsl væru á milli þess að til­kynnt væri um eig­enda­breyt­ing­­arnar og umfjöll­unar um athæfi Sam­herja í Namib­­íu. ­

Eigið fé sam­stæð­unnar á annað hund­rað millj­arðar

Félög í sam­stæðu Sam­herja hf. eru í hópi umsvifa­mestu sjáv­ar­út­vegs­fyr­ir­tækja lands­ins og bygg­ist rekstur sam­stæð­unnar fyrst og fremst á veiðum á bol­fiski og upp­sjáv­ar­fiski, land­vinnslu á bol­fiski, fisk­eldi auk mark­aðs- og sölu­starf­semi. Auk þess eiga þau ýmsar aðrar eign­ir, til dæmis hlut í smá­söluris­anum Hög­um.

Í árs­reikn­ingi Sam­herja hf. sem birtur var í síð­ustu viku kemur fram að hagn­aður félags­ins var 7,8 millj­arðar króna á árinu 2020. Eigið fé félags­ins var 78,8 millj­arðar króna í lok síð­asta árs.

Þorsteinn Már Baldvinsson, forstjóri Samherja.

Sam­herji Hold­ing, hinn helm­ingur sam­­stæð­unn­­ar, hefur ekki skilað inn árs­­reikn­ingi fyrir árin 2019 og 2020. Sam­herj­­a-­­sam­­stæðan átti eigið fé upp á 110,7 millj­­arða króna í lok árs 2018. Hagn­aður Sam­herja, þegar bæði Sam­herji hf. og Sam­herji Hold­ing voru talin sam­an, vegna árs­ins 2018 nam sam­tals um 11,9 millj­­­örðum króna.

Hagn­aður Sam­herj­­­a­­­sam­­­stæð­unnar hafði numið yfir 112 millj­­­örðum króna á átta árum, frá árinu 2011 og fram til loka árs 2018. Síðan þá hafa að minnsta kosti 17 millj­arðar króna bæst við vegna afkomu Sam­herja hf., en óljóst er hversu miklum hagn­aði Sam­herji Hold­ing hefur skil­að.

Sam­herji lítur á sam­fé­lags­lega ábyrgð sem skyldu

Í nýjasta árs­reikn­ingi Sam­herja er líka gerð grein fyrir þeim ásök­unum sem bornar eru á Sam­herja og starfs­menn sam­stæð­unnar um alvar­leg lög­brot, meðal ann­ars spill­ingu og mútur sem eru til rann­sóknar hjá yfir­völdum í Namibíu og á Íslandi.

Auglýsing
Þar segir enn fremur að sam­stæðan sé nú í yfir­grips­mik­illi end­ur­skoðun á stjórn­ar­háttum innan sam­stæð­unnar og muni á næst­unni kynna inn­leið­ingu á reglu­vörslu og hlít­ing­ar­kerfi sem gildi á um öll félög innan sam­stæð­unn­ar.

Í ófjár­hags­legri upp­lýs­inga­gjöf sem birt er aft­ast í árs­reikn­ing­unum er sér­stakur kafli um mann­rétt­indi þar sem segir að virð­ing fyrir starfs­fólki og mann­rétt­indum séu grund­vall­ar­at­riði í rekstri Sam­herja. „Skulu allir vera jafnir fyrir lögum og njóti mann­rétt­inda án til­lits til kyn­ferð­is, kyn­hneigð­ar, trú­ar­bragða, skoð­ana, þjóð­ern­is­upp­runa, kyn­þátt­ar, lit­ar­hátt­ar, efna­hags, ætt­ernis og stöðu að öðru leyti. Um þessar mundir er unnið að gerð sér­stakrar mann­rétt­inda­stefnu fyrir sam­stæðu Sam­herja. Engum skal haldið í nauð­ung­ar­vinnu eða barna­þrælkun og hafnar Sam­herji hvers kyns þræl­dómi, nauð­ung­ar­vinnu og man­sali.“

Kristján Vilhelmsson, útgerðarstjóri Samherja.

Á sama stað er sér­stakur kafli um sam­fé­lags­á­byrgð og -þátt­töku sam­stæð­unnar þar sem segir meðal ann­ars að Sam­herji lítur „ekki ein­ungis á sam­fé­lags­lega ábyrgð sem skyldu heldur einnig sem tæki­færi til að bæta vel­ferð þess sam­fé­lags sem rekstur sam­stæð­unnar er á hverjum stað. Felur sam­fé­lags­þátt­taka Sam­herja meðal ann­ars í sér að styðja við sam­fé­lögin á hverjum stað, hvort sem er í formi styrkja, atvinnu­sköpun eða sam­vinnu við aðra atvinnu­rek­endur á við­kom­andi svæði [ ... ] Sam­herji hefur und­ir­ritað sam­fé­lags­stefnu Sam­taka fyr­ir­tækja í sjáv­ar­út­vegi og vinnur nú að gerð sam­fé­lags­skýrslu Sam­herja þar sem sam­fé­lags­á­byrgð og -þátt­töku Sam­herja verður frekar lýst.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Spennan magnast fyrir 70 ára krýningarafmæli Elísabetar Englandsdrottningar sem fagnað verður með ýmsum hætti 2. - 5. júní.
Konungssinnar eyða mörgum milljörðum í varning vegna krýningarafmælis drottningar
Áætlað er að Bretar muni eyða yfir 60 milljörðum króna í konunglegan varning vegna krýningarafmælis drottningar sem haldið verður upp á með fjögurra daga hátíðarhöldum. Tebollar, diskar með gyllingu og spiladósir eru meðal konunglegra muna sem rjúka út.
Kjarninn 29. maí 2022
Claus Hjort Frederiksen verður ekki ákærður, að minnsta kosti ekki meðan hann er þingmaður.
Fyrrverandi ráðherra slapp fyrir horn
Claus Hjort Frederiksen þingmaður og fyrrverandi ráðherra í ríkisstjórn Danmerkur slapp fyrir horn þegar danska þingið felldi tillögu um að afnema þinghelgi hans. Ríkisstjórn og ríkislögmaður vildu ákæra Claus Hjort fyrir landráð.
Kjarninn 29. maí 2022
Þórdís Lóa Þórhallsdóttir, Einar Þorsteinsson, Dóra Björt Guðjónsdóttir og Dagur B. Eggertsson funda stíft þessa dagana.
Nýr meirihluti verði klár í slaginn áður en fyrsti borgarstjórnarfundur hefst
Viðræður um myndun meirihluta í Reykjavík hafa staðið yfir í fjóra daga en Samfylkingin, Framsóknarflokkur, Píratar og Viðreisn stefna að því að ljúka þeim áður en fyrsti borgarstjórnarfundur kjörtímabilsins verður settur þann 7. júní næstkomandi.
Kjarninn 28. maí 2022
Örn Bárður Jónsson
Um Pútín, fáveldi og fasisma
Kjarninn 28. maí 2022
Mikið er lánað til byggingafyrirtækja um þessar mundir. Áætlað er að það þurfi að byggja 35 þúsund íbúðir á Íslandi á næstu tíu árum.
Bankar lánuðu fyrirtækjum meira á tveimur mánuðum en þeir gerðu samtals 2020 og 2021
Ný útlán, að frádregnum upp- og umframgreiðslum, þriggja stærstu banka landsins til fyrirtækja voru 80,5 milljarðar króna á fyrstu fjórum mánuðum ársins. Gríðarleg aukning hefur orðið á lánum til fasteignafélaga og þeirra sem starfa í byggingarstarfsemi.
Kjarninn 28. maí 2022
Icelandair beri að framfylgja ákvörðunum stjórnvalda bóki þau flug fyrir umsækjendur um alþjóðlega vernd
Icelandair svarar því ekki hvort flugfélagið muni flytja þá umsækjendur um alþjóðlega vernd sem til stendur að vísa úr landi á næstunni. Því sé ekki heimilt að svara fyrir hönd viðskiptavina sinna um möguleg eða fyrirhuguð flug.
Kjarninn 28. maí 2022
Ásgeir Jónsson seðlabankastjóri.
Seðlabankinn segist ekki þurfa að svara fyrir félag sem hann átti vegna þess að því hefur verið slitið
Það er niðurstaða Seðlabanka Íslands að hann þurfi ekki að afhenda upplýsingar um ráðstöfun hundruð milljarða króna eigna út úr ESÍ, fjárfestingarleið bankans og stöðugleikasamninga sem gerðir voru við kröfuhafa föllnu bankanna.
Kjarninn 28. maí 2022
Morgunblaðssamstæðan frestaði greiðslu á launatengdum gjöldum upp á 193 milljónir
Stjórnvöld buðu fyrirtækjum sem eftir því sóttust að fresta greiðslu launatengdra gjalda vaxtalaust í nokkur ár þegar kórónuveirufaraldurinn skall á. Morgunblaðssamstæðan nýtti þetta úrræði og þarf að greiða 193 milljónir til baka í ríkissjóð til 2026.
Kjarninn 28. maí 2022
Meira úr sama flokkiInnlent