Reykja­vík­ur­borg vinnur nú að leið­bein­ingum um birtu­skil­yrði til að bæta sam­ræmi milli rýmis og birtu á upp­bygg­ing­ar­svæðum borg­ar­inn­ar. Skil­greind eru við­mið og leiðir til útfærslu dval­ar­svæða sem eiga þátt í að móta umgjörð dag­legs lífs með nákvæm­ari hætti en áður. Til­gang­ur­inn er að auð­velda upp­bygg­ing­ar­að­ilum að gæta að gæðum bæði íbúða sem og rým­is­ins milli hús­anna.

Fjallað er um málið í Torg­inu, frétta­bréfi Skipu­lags­stofn­un­ar. Þar segir að til­gangur verk­efn­is­ins rími vel við mark­mið Aðal­skipu­lags Reykja­víkur um að stuðla að vellíðan íbúa, efla virkni og félags­legt sam­neyti íbúa og virkja og styrkja grænar teng­ingar borg­ar­inn­ar.

Ásta Loga­dótt­ir, verk­fræð­ing­ur, og Anna María Boga­dótt­ir, arki­tekt, hafa unnið að leið­bein­ing­un­um. Leið­ar­ljósið er að draga fram skýra mynd af kröfum um skugga­varp og lág­mark birtu á dval­ar­svæð­um. Þannig á hinn almenni borg­ari að hafa betri til­finn­ingu fyrir því hvernig rýmið milli húsa verður og hönn­uðir hvar er heppi­leg­ast að hafa leik­svæði fyrir börn og svalir á bygg­ing­um, svo eitt­hvað sé nefnt.

Ásta sagði í sam­tali við RÚV í maí að hún hefði áhyggjur af bygg­ing­ar­magni á svoköll­uðum Heklu­reit en þar á að reisa allt að 463 íbúð­ir. Húsin yrðu hæst sjö hæð­ir. Þröngar götur yrðu á milli sumra háhýsanna.

„Ég er alveg með áhyggjur af bygg­inga­magn­inu. Og við erum að sjá að það er að þétt­ast og hækka. Þannig að þetta er eitt­hvað sem við þurfum að taka alvar­lega og við þurfum að finna okkur aðferðir til þess að passa upp á gæðin í umhverf­inu okk­ar,“ sagði Ásta við RÚV. Dokt­ors­verk­efni hennar fjall­aði um lýs­ingu og hefur hún veitt ráð­gjöf í þeim efn­um.

Byggt til langrar fram­tíðar

Borg­hildur Sturlu­dótt­ir, deild­ar­stjóri deiliskipu­lags hjá Reykja­vík­ur­borg, hefur haft umsjón með birtu­verk­efn­inu sem nú er í vinnslu. „Við þurfum að finna jafn­vægið eða gæðin sam­an, sem ríki og borg og sem borg­arar og upp­bygg­ing­ar­að­il­ar,“ segir hún í Torg­inu. „Jafn­vægi í birtu og rými á milli húsa svo eitt­hvað sé nefnt. Því við erum að byggja til 100 ára, mögu­lega lengur og því þurfum við að vanda til verka. Annað væri óábyrgt gagn­vart umhverf­inu, borg­inni okkar og kom­andi kyn­slóð­u­m.“