Stefán Pét­urs­son, sem stýrt hefur fjár­mála­sviði Arion banka frá árinu 2010, hefur látið af störf­um. Stefán tók tíma­bundið við starfi banka­stjóra Arion banka árið 2019 eftir að Hösk­uldur Ólafs­son lét af störf­um. 

Í til­kynn­ingu til Kaup­hallar Íslands kemur fram að Ólafur Hrafn Hösk­ulds­son taki við starfi hans. Ólafur er sonur Hösk­uld­ar, fyrr­ver­andi banka­stjóra Arion banka, en hann hefur stýrt stýrt stefnu­mótun og þróun á skrif­stofu banka­stjóra frá árinu 2019. 

Stefán mun láta af störfum á næstu dögum en mun áfram sinna ráð­gjaf­ar­verk­efnum fyrir Arion banka. Í til­kynn­ing­unni þakkar Bene­dikt Gísla­son, banka­stjóri Arion banka, Stef­áni fyrir gott sam­starf og segir Ólaf, eft­ir­mann hans, þekkja bank­ann, stefnu hans og mark­mið afar vel. 

Auk þessa var sú breyt­ing gerð á skipu­riti Arion banka Stein­unn Hlíf Sig­urð­ar­dóttir hefur verið ráðin fram­kvæmda­stjóri upp­lif­unar við­skipta­vina og tekur sæti í fram­kvæmda­stjórn. Við það fjölgar um einn í fram­kvæmda­stjórn Arion banka.  

Mik­ill hagn­aður

Arion banki hagn­að­ist um 13,9 millj­arða króna á fyrstu sex mán­uðum árs­ins 2021. Virði hluta­bréfa í bank­anum hefur nær þre­fald­ast frá því í fyrra­vor. 

­Arion banki hefur þá yfir­lýstu stefnu að greiða sem mest af umfram eigin fé sínu út til hlut­hafa. Á fyrri hluta yfir­stand­andi árs greiddi bank­inn næstum 18 millj­arða króna til hlut­hafa sinna í formi arðs eða end­ur­kaupa á bréfum þeirra.

Stefnan er að greiða út yfir 50 millj­arða króna til við­bótar á allra næstu árum með sama hætt­i. 

Stór hluti þeirra upp­hæðar mun fara til líf­eyr­is­sjóða, sem eiga nálægt helm­ings­hlut í bank­an­um. En fjöl­margir einka­fjár­festar munu einnig fá háar fjár­hæðir í sinn hlut, til við­bótar við hækk­un­ina sem orðið hefur á virði hluta­bréfa bank­ans.