Nú hefur verið stað­fest að 717 eru látnir eftir troðn­ing í Mina í nágrenni helgu borg­ar­innar Mekka í Sádi-­Ar­abíu í morg­un. Rúm­lega 800 til við­bótar eru slas­að­ir.

Um tvær millj­ónir manna eru á svæð­inu í píla­gríms­ferð. Að sögn yfir­valda í Sádi-­Ar­abíu eru 1,4 millj­ónir útlend­ing­ar. Í dag er fyrsti dagur Eid al-Adha hátíð­ar­inn­ar, sem markar enda­lok hajj, píla­gríms­mán­uð­ar­ins. Píla­grímar koma til Mina til þess að kasta steinum í einn þriggja veggja sem tákna Satan, og grýta þannig djöf­ul­inn, sem er hluti af hajj. Í jan­úar árið 2006 lét­ust 364 píla­grímar í troðn­ingi í þessum tákn­ræna gjörn­ingi. Árið 1990 lét­ust tæp­lega 1.500 manns í troðn­ingi í göngum á leið til Mekka.

Reuters greinir frá því að yfir­völd í Sádi-­Ar­abíu hafi reynt að koma í veg fyrir að hörm­ungar sem áður hafa átt sér stað gætu end­ur­tekið sig. Yfir hund­rað þús­und lög­reglu­menn starfi á svæð­inu og eiga að geta dreift miklum mann­fjölda ef of þröngt er orð­ið.

Fleiri en 220 sjúkra­bílar og fjögur þús­und björg­un­ar­menn eru á staðn­um, en fólk hefur haldið áfram að streyma á stað­inn.

Stjórn­völd í Íran hafa greint frá því að 43 íranskir rík­is­borg­arar hafi lát­ist í troðn­ingn­um, og hafa sakað stjórn­völd í Sádi-­Ar­abíu um að að hafa gert mis­tök í örygg­is­mál­um. Tveimur leiðum að veggj­unum þar sem steinum er kastað í djöf­ul­inn hafi verið lokað af óþekktum ástæðum og því hafi aðeins þrjár leiðir verið fær­ar, sem hafi valdið slys­inu. Eina útskýr­ingin sé léleg stjórnun og skortur á örygg­is­ráð­stöf­un­um.

Fréttin var upp­færð eftir því sem upp­lýs­ingar um fjölda lát­inna og slas­aðra breytt­ust.