Eyjólfur Ármanns­son verður odd­viti fram­boðs­lista Flokks fólks­ins í Norð­vest­ur­kjör­dæmi fyrir kom­andi alþing­is­kosn­ing­ar. Þetta kemur fram í til­kynn­ingu frá flokknum í dag.

Hann er for­maður Orkunnar okk­ar, sam­taka þeirra sem vilja standa vörð um sjálfs­á­kvörð­un­ar­rétt Íslands í orku­mál­um, sem voru afar áber­andi í umræð­unni um nokkuð skeið á yfir­stand­andi kjör­tíma­bili, er tek­ist var á um sam­þykkt hins svo­kall­aða þriðja orku­pakka Evr­ópu­sam­bands­ins á þingi árið 2019.

Eyjólfur var einn aðal­höf­unda skýrslu sem sam­tökin unnu um mál­ið, sem bar tit­il­inn „Áhrif inn­göngu Íslands í orku­sam­band ESB“. Odd­vit­inn er lög­fræð­ingur að mennt, með meist­ara­próf í lög­fræði frá HÍ og LL.M. frá Uni­versity of Penn­syl­vania.

Hann hefur starfað sem lög­fræð­ingur bæði á Íslandi og í Nor­egi, fyrir m.a. fjár­mála­ráðu­neyt­ið, Isa­via, Nor­dea og DNB. Eyjólfur hefur und­an­farið gætt hags­muna land­eig­enda í Arn­ar­firði og Dýra­firði í þjóð­lendu­málum sem eru til með­ferðar hjá Óbyggða­nefnd.

Eyjólfur ólst upp í Vest­manna­eyjum en er ætt­aður úr Lok­in­hamra­dal í Arn­ar­firði þar sem hann var tíðum í sveit sem ungur mað­ur, sam­kvæmt því sem segir í til­kynn­ingu frá Flokki fólks­ins.