Banda­rískir starfs­menn sem hafa þurft að vinna heima hjá sér í far­aldr­inum hafa nú aukið fram­leiðni sína um fimm til átta pró­sent vegna fjar­vinn­unn­ar. Búist er við að tæpur helm­ingur allra starfa vest­an­hafs verði með ein­hvers­konar fjar­vinnu­fyr­ir­komu­lagi þegar far­aldr­inum lýk­ur, þar sem starfs­menn geta að með­al­tali unnið tvo daga í viku heima hjá sér. Þetta eru nið­ur­stöður banda­rísks og mexíkósks rann­sókn­ar­hóps um fjar­vinnu.

Betra við­horf gagn­vart fjar­vinnu

Rann­sókn­ar­hóp­ur­inn sam­anstendur af vís­inda­mönnum frá Stan­for­d-há­skóla, Chicago-há­skóla og ITA­M-há­skóla í Mexíkó, en hann byggir sínar nið­ur­stöður á mán­að­ar­legum skoð­ana­könn­unum á banda­ríska vinnu­mark­aðn­um. Sam­kvæmt þessum könn­unum hefur við­horfið gagn­vart fjar­vinnu batnað tölu­vert frá byrjun far­ald­urs­ins, en meiri­hluti svar­enda segja fyr­ir­komu­lagið hafi reynst betur en búist var við.

Vinnu­veit­endur þar sem fjar­vinna hefur verið stunduð eru einnig jákvæð­ari í garð fyr­ir­komu­lags­ins heldur en áður, en nú búast þeir við að meira en 40 pró­sent af vinn­unni verði unnin utan skrif­stof­unnar þegar far­aldr­inum er lok­ið. Þetta er nokkur munur frá því í fyrra, en þá gerðu þessir sömu vinnu­veit­endur ráð fyrir að fjar­vinna yrði 30 pró­sent vinn­unnar eftir far­ald­ur­inn.

Meiri reynsla komin á fyr­ir­komu­lagið

Sam­hliða þess­ari við­horfs­breyt­ingu benda kann­anir rann­sókn­ar­hóps­ins til þess að fram­leiðni starfs­mann­anna hefur auk­ist vegna fjar­vinn­unn­ar. Ef tekið er til­lit til sjálfs­mats þeirra á eigið vinnu­fram­lag á síð­ustu mán­uðum og tím­ans sem spar­ast við að ferð­ast ekki til og frá vinn­unni er fram­leiðnin nú fimm til átta pró­sentum meiri en hún hefði ann­ars ver­ið.

Nick Bloom, sem er hag­fræði­pró­fessor við Stan­for­d-há­skóla og með­limur rann­sókn­ar­hóps­ins, birti þessar nið­ur­stöður í Twitt­er-­færslu, sem sjá má hér að neð­an, fyrr í vik­unni.

Á mynd­inni hér að ofan sést hvernig fram­leiðnin vegna fjar­vinn­unnar hefur auk­ist á síð­ustu mán­uð­um, en sam­kvæmt Bloom má rekja þessa aukn­ingu til þess að meiri reynsla hafi kom­ist á fyr­ir­komu­lag­ið.

Í nýlegri við­tali rann­sókn­ar­hóps­ins við The Economist segir hann að fjar­vinnan sé lík­lega komin til að vera, þar sem vinnu­staðir hafi varið tíma og pen­ing í að aðlag­ast þessu nýja fyr­ir­komu­lagi.