Framlög til opinberra fjárfestinga vannýtt

Opinberar fjárfestingar voru tiltölulega miklar á fyrstu mánuðum ársins miðað við árstíma, eftir að hafa tekið dýfu í fyrra. Samkvæmt Landsbankanum mætti þó nýta enn betur þær heimildir sem veittar hafa verið til fjárfestingar.

Verkamaður við vinnu
Auglýsing

Vannýtt framlög hins opinbera til fjárfestingar draga úr áhrifum opinberra fjárfestinga á hagkerfið, en undanfarin ár hefur hlutfall slíkra framlaga numið allt að 30 prósentum. Þetta kemur fram í hagsjá hagfræðideildar Landsbankans sem birtist í gær.

Í hagsjánni er farið yfir þróun síðustu missera í opinberum fjárfestingum, sem drógust talsvert saman í fyrra þrátt fyrir að ríkisstjórnin hafi sett af stað sérstakt fjárfestingarátak sem mótvægisaðgerð gegn efnahagsáhrifum heimsfaraldursins.

Í ár spá helstu greiningaraðilar hins vegar mikilli hlutfallsaukningu í fjárfestingum miðað við síðasta ár. Þar spáir Hagstofan 17,7 prósenta aukningu, en Seðlabankinn býst við allt að 32 prósenta aukningu.

Auglýsing

Hins vegar er spáð aukning ekki jafnmikil ef hún er borin saman við tölur síðustu ára. Líkt og sjá má á mynd hér að neðan yrði raunvirði opinberrar fjárfestingar í ár litlu meiri en virði hennar árið 2018 ef spár Seðlabankans, sem eru bjartsýnastar allra helstu greiningaraðila, yrðu að veruleika.

Mynd: Kjarninn. Heimildir: Hagstofan og Seðlabankinn.

Á fyrstu mánuðum ársins jókst virði fjárfestingar hins opinbera um 18,7 prósent ef gert er ráð fyrir verðbólgu. Samkvæmt Landsbankanum, sem gerir ráð fyrir rúmlega fimmtungsaukningu í virði opinberrar fjárfestingar, eru tölurnar á réttri leið.

Aftur á móti bendir bankinn á tvo þætti sem gætu flækt umræðuna. Annars vegar sé skilgreining ríkisstjórnarinnar á fjárfestingu hins opinbera víðari en sú sem hagskýrslur nota, þar sem þær telja ekki viðhald innviða með sem opinberar fjárfestingar.

Einnig bætti bankinn við að undanfarin ár hafi fjárveitingar til fjárfestinga ríkissjóðs verið mun meiri en raunfjárfestingar ársins. Þannig hafi ónýttar fjárheimildir til fjárfestinga verið um 25-30 prósent af samþykktum framlögum síðustu ár. Að mati bankans dregur slík vannýting úr áhrifum fjárfestingar sem hagstjórnarviðbragðs.

Hins vegar bætir hagdeild Landsbankans við að umbóta sé að vænta í þeim efnum, þar sem unnið sé að lagafrumvarpi um fjárfestingar, sem feli í sér endurskoðun á lögum um skipan opinberra framkvæmda. Með því myndi sérstök framkvæmda- og fjárfestingaáætlun fylgja fjármálaáætlun hins opinbera, en Landsbankinn telur það eiga að geta skapað meiri festu í þessum málum í framtíðinni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árvakur hf. gefur út Morgunblaðið, mbl.is og útvarpsstöðina K100.
Útgáfufélag Morgunblaðsins tapaði 75 milljónum þrátt fyrir 100 milljóna ríkisstyrk
Tap Árvakurs, útgáfufélags Morgunblaðsins, minnkaði um 135 milljónir á milli ára. Framkvæmdastjóri fyrirtækisins þakkar veigamiklum hagræðingaraðgerðum fyrir það að reksturinn hafi batnað þrátt fyrir veirufaraldurinn.
Kjarninn 26. júlí 2021
Joe Biden Bandaríkjaforseti.
Bandaríkin ætla að halda ferðabanni gagnvart Evrópu til streitu enn um sinn
Íslendingar og aðrir Evrópubúar munu ekki geta sótt Bandaríkin heim alveg á næstunni án þess að hafa sérstakar undanþágur. Í ljósi útbreiðslu delta-afbrigðis kórónuveirunnar hefur Bandaríkjastjórn ákveðið að halda núverandi ferðatakmörkunum í gildi.
Kjarninn 26. júlí 2021
Eyþór Eðvarðsson
Fjórar spurningar um loftslagsmál sem kjósendur þurfa að fá svar við
Kjarninn 26. júlí 2021
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Meira úr sama flokkiInnlent