Þulur í þýsku sjón­varpi hefur hleypt af stað mik­illi umræðu, eftir að hún kall­aði eftir skýrri afstöðu almenn­ings gegn ras­isma á net­inu gagn­vart flótta­mönn­um. Örfáum mín­útum eftir að útsend­ingu lauk fór pist­ill hennar sem eldur í sinu á inter­net­inu og í gær hafði stutt ávarp hennar fengið um 9 milljón áhorf, 250 þús­und lík­aði við það á Face­book og athuga­semdir voru yfir tutt­ugu þús­und tals­ins.

Frétta­mað­ur­inn Anja Reschke nýtti rit­stjórn­ar­pláss í sjón­varps­tíma á stöð­inni Tagest­hemen til þess að gagn­rýna þá sem þá sem dreifa rasískum áróðri á sam­skipta­síðum og ann­ars staðar á net­inu. Hún sagði þessa ein­stak­linga hvetja til raun­veru­legs ofbeldis gegn flótta­mönn­um og nefndi íkveikjur sem dæmi um slíkt ofbeldi.

Reschke sagð­ist vera brugðið yfir hversu sam­fé­lags­lega sam­þykkt það er orðið að úthúða annað fólk á net­inu. Áður hafi ein­hverjir gert slíkt undir dul­nefni en í dag dreifi fólk rasískum ummælum undir eigin nafni.

„Það virð­ist ekki lengur vera vand­ræða­legt fyrir við­kom­andi. Þvert á móti, við­brögð við ummælum á borð við „Við­bjóðs­legu mein­dýrin ætti að drukkna í sjón­um“, eru jákvæð og fullt af fólki líkar við stöðu­færsl­una,“ sagði Reschke.

Reschke ­sagði þró­un­ina hafa ýtt undir upp­gang öfga­full­tra stjórn­mála­afla á hægri vængn­um. Hún biðl­aði til „sið­sam­legra“ Þjóð­verja um að láta í sér heyra ef þeir séu ósam­mála því að allir inn­flytj­endur og flótta­menn séu afætur sem eigi að elta uppi og drepa.

Mynd­bandið má sjá hér að neðan og með enskum texta á vef The Guar­dian, sem fjallar um mál­ið.

Umfjöllun The Guar­dian.