Banka­eft­ir­litið í Huangs­han-hér­aði í Kína hefur hafið opin­bera rann­sókn á Zhongkun Group sam­stæð­unni, sem er í eigu Huang Nubo, fyrir meinta mis­notkun á lánum til fyr­ir­tæk­is­ins. Zhongkun Group, hefur verið sett á sér­stakan svika-­gát­lista hjá kín­verska banka­eft­ir­lit­inu, en málið snýst um mis­not­aðar lán­veit­ingar upp á tæpa tólf millj­arða króna. Dag­blaðið China Business Journal greinir frá mál­inu.

Eins og kunn­ugt er hafði kín­verski auð­kýf­ing­ur­inn áhuga á að kaupa Gríms­staði á Fjöllum og ráð­ast þar í tug­millj­arða króna upp­bygg­ingu á ferða­þjón­ustu. Íslensk stjórn­völd mein­uðu Huang að kaupa jörð­ina, en þá stofn­uðu sex sveit­ar­fé­lög á Norð­ur- og Aust­ur­landi einka­hluta­fé­lag með það að mark­miði að eign­ast jörð­ina að hluta og leigja til Huang í 40 ár. Af þessu hefur enn ekki orð­ið, en kín­verski fjár­festir­inn hefur í milli­tíð­inni rennt hýru auga til upp­bygg­ingar ferða­þjón­ustu á Sval­barða.

Stjórn­ar­menn og for­stjóri Zhongkun Group yfir­heyrðir

Kín­verska dag­blaðið greinir frá því að áform Huang Nubo um að kaupa land á Íslandi hafi vakið mikla athygli þar í landi. Yfir­menn Zhongkun Group hafa verið yfir­heyrðir af kín­verska fjár­mála­eft­ir­lit­inu, en þeirra á meðal er for­stjóri fyr­ir­tæk­is­ins Jiao Qing.

Sam­kvæmt gögnum banka­eft­ir­lits­ins, frá tíma­bil­inu maí til júlí í fyrra, mis­not­aði félagið Jingyi Tourism Develop­ment, sem er dótt­ur­fyr­ir­tæki Zhongkun Group, lán upp á tæpa fjórtán millj­arða króna frá ICBC bank­an­um, með því að nota fjár­magnið til ann­arra verk­efna en lágu til grund­vallar lán­inu. ICBC er iðn­að­ar- og versl­un­ar­banki Kína.

Sam­hliða þessu hefur Zhongkun Group verið sett á sér­stakan svika-­gát­lista hjá kín­verskum yfir­völd­um, en fyr­ir­tækið og dótt­ur­fé­lög þess eru bendluð við sext­án svika­mál sem hljóða upp á hátt í tólf millj­arða króna.

Áður en kín­verska fjár­mála­eft­ir­litið hóf rann­sókn á fyr­ir­tækjum Huang Nubo, voru fram­kvæmdir Zhongkun Group á vatns­vernd­ar­svæði Anhui-hér­aðs stöðv­aðar af umhverf­is­vernd­ar­yf­ir­völd­um, en ráð­ist var í fram­kvæmd­irnar á svæð­inu án nokk­urra til­skil­ina leyfa.

Rann­sókn kín­verska ­banka­eft­ir­lits­ins

Jingyi Tourism Develop­ment, sem er ferða­þjón­ustu­fyr­ir­tæki, hefur einka­rétt á upp­bygg­ingu og starf­semi ferða­þjón­ustu í þremur alda­göml­u­m þorp­um: í Hongcun, ­sem er á heimsminja­skrá, Nan­p­ing, sem hefur verið notað til sjón­varps- og kvik­mynda­gerð­ar, og Guanlu, sem er sagður vera dul­ar­fullur íveru­staður kynja­vera sam­kvæmt kín­verskum forn­sög­um. Auk þessa rekur fyr­ir­tækið Zhongcheng Villa, sem er þriggja stjörnu hót­el.

Árið 2003 hóf fyr­ir­tækið að fjár­festa í fram­kvæmdum á upp­bygg­ingu háklassa ferða­manna­staðar í Hongcun. Sam­kvæmt heim­ildum China Business Journal, fékk fyr­ir­tækið hátt í tólf millj­arða króna lán frá ICBC til fram­kvæmd­anna árið 2012, en not­aði stóran hluta láns­fjár­hæð­ar­innar til að nið­ur­greiða önnur lán og kom háum fjár­hæðum undan í formi fals­aðra samn­inga við verk­taka. Mis­notk­unin á lán­veit­ing­unum voru síðar stað­fest af fjár­mála­eft­ir­lit­inu í Huangs­h­an.

Lána­mis­notkun Jingyi varð til þess að fjár­mála­eft­ir­litið í Huangs­han beindi þeim til­mælum til ICBC bank­ans að herða útlána­reglur sínar og krefj­ast end­ur­greiðslu frá Jingyi á fjár­hæðum sem ekki fóru í til­greind verk­efni sem lágu til grund­vallar lán­veit­ing­un­um. Sam­hliða, þann 8. apríl síð­ast­lið­inn, yfir­heyrð­i fjár­mála­eft­ir­litið fimm ein­stak­linga frá Zhongkun sam­stæð­unni vegna máls­ins, þeirra á meðal for­stjóra sam­stæð­unn­ar. Auk þessa var fyr­ir­tækið aðvarað fyrir ólög­lega notkun á lánsfé frá ICBC.

Mynd tekin í Hongcun.

Vafa­samar fjár­fest­ingar og drauga­verk­efni

Í grein China Business Journal er látið að því liggja að fjár­fest­inga­á­ætl­unum Zhongkun Group sé veru­lega ábóta­vant, og ekki auð­séð hvernig verk­efnin sam­stæð­unnar eigi að skila hagn­að­i. Heild­ar­lán Jingyi 2013 námu til að mynda alls 700 millj­ónum Yuan (eða sem sam­svarar tæpum fjórtán millj­örðum króna) og því hefði fyr­ir­tækið ekki náð nauð­syn­legu hlut­falli milli veð­settra eigna á móti árs­tekj­um. Grunur leikur á að heild­ar­eign­ir, tekjur og hagn­aður hafi verið ýktar til að svíkja lán út úr bönk­un­um.

Í áður­nefndri grein er sagt frá heim­sókn blaða­manns á risa­vax­inn ferða­manna­stað Jingyi við Quishu stöðu­vatn­ið, þar sem búið var að byggja tugi bygg­inga, þar sem engan ferða­mann var að sjá og allir vegir á svæð­inu voru auð­ir. Í dag vinnur Zhongkun Group sam­stæðan að stór­tækum fram­kvæmdum og upp­bygg­ingu ferða­manna­staða í Anhui, Pek­ing, Yunnan og Xinji­ang. Miklar og ónýttar bygg­ingar eru á meðal verst varð­veittu leynd­ar­mála Kín­verja.

Eins og áður segir er Zhongkun Group sam­stæðan sökuð um aðild að sextán fjársvika­málum fyrir allt að tólf millj­arða króna.