Jök­ull Heið­dal Úlfs­son, fyrrum fram­kvæmda­stjóri Stefnis hf., hefur verið skip­aður af fjár­mála­ráð­herra sem skrif­stofu­stjóri kjara- og mannauðs­sýslu rík­is­ins til næstu fimm ára. Þetta kemur fram í til­kynn­ingu sem birt­ist á vef stjórn­ar­ráðs­ins í morg­un.

Kjara- og mannauðs­sýsla rík­is­ins er sér­stök ráðu­neyt­is­stofnun sem sinnir verk­efnum á sviði mannauðs­mála rík­is­ins. Þá hefur stofn­unin einnig leitt samn­inga­nefnd rík­is­ins við gerð kjara­samn­inga, auk þess sem hún er í sam­starfi við sam­tök launa­fólks og sam­tök sveit­ar­fé­laga um launa- og kjara­mál sem og umbætur á vinnu­mark­aði.

Jök­ull gegndi stjórn­un­ar­störfum hjá Arion banka í yfir 20 ár, en þar var hann meðal ann­ars for­stöðu­maður mannauðs og for­stöðu­maður á þró­un­ar- og mark­aðs­sviði. Þá var hann einnig for­stöðu­maður í eigna­stýr­ingu Arion banka og fram­kvæmda­stjóri Stefnis hf. sem er stærsta sjóðs­stýr­ing­ar­fyr­ir­tæki lands­ins, í eitt ár.

Sam­kvæmt til­kynn­ingu stjórn­ar­ráðs­ins hefur hann svo að und­an­förnu starfað sjálf­stætt á sviði stefnu­mót­un­ar, mannauðs­mála og inn­leið­ingu straum­línu­stjórn­un­ar.

Alls sóttu 17 um emb­ætt­ið, en þrír umsækj­endur drógu umsókn sína til baka. Hæfni hinna 15 umsækj­end­anna var svo metið af sér­stakri hæfn­is­nefnd, sem var skipuð af fjár­mála­ráð­herra.