Gunnar Ein­ars­son, fyrr­ver­andi bæj­ar­stjóri Garða­bæj­ar, hefur verið skip­aður for­maður fram­kvæmda­nefndar um þjóð­ar­höll í inn­an­hús­í­þrótt­um. Ásamt Gunn­ari sitja í nefnd­inni Jón Viðar Guð­jóns­son og Þórey Edda Elís­dótt­ir, sem full­trúar rík­is­ins, og Ólöf Örv­ars­dottir og Ómar Ein­ars­son sem full­trúar Reykja­vík­ur­borg­ar. Ráð­inn verður starfs­maður sem vinnur með fram­kvæmda­nefnd­inn­i. 

Fram­kvæmda­nefndin hóf störf í dag og stefnt er að því að fram­kvæmdum við þjóð­ar­höll­ina verði lokið fyrir árs­lok 2025. Hlut­verk nefnd­ar­innar verður að leiða vinnu vegna hönn­un­ar, útboðs og hvernig staðið verður að fjár­mögnun þjóð­ar­hallar og und­ir­búa ákvörðun um útfærslu og rekstr­ar­form. Þá á hún að útbúa tíma­setta fram­kvæmd­ar­á­ætlun um upp­bygg­ingu henn­ar. 

Þetta kemur fram í sam­eig­in­legri til­kynn­ingu mennta- og barna­mála­ráðu­neyt­is­ins, sem fer með mál­efni íþrótta í rík­is­stjórn­inni, og Reykja­vík­ur­borgar sem birt var í dag. 

Tek­ist á í aðdrag­anda kosn­inga

Mál­efni þjóð­ar­hallar urðu heitt póli­tískt álita­efni í aðdrag­anda síð­ustu sveit­ar­stjórn­ar­kosn­inga. Mik­ill þrýst­ingur skap­að­ist ann­ars vegar frá hópi íbúa í Laug­ar­dal þar sem inn­an­hús­að­staða til íþrótta­iðk­unar fyrir hverf­is­fé­lögin Þrótt og Ármann hefur verið með öllu ólíð­andi ára­tugum sam­an, og hins vegar frá hand­bolta- og körfu­bolta­hreyf­ing­unni þar sem það stefndi í að íslensku lands­liðin í grein­inum gætu ekki spilað lands­leiki á heima­velli vegna þess að gamla Laug­ar­dals­höll­inn upp­fyllir ekki nútíma­skil­yrði til þess. 

Í apríl Gaf Dagur B. Egg­erts­son borg­ar­stjóri rík­inu mán­að­ar­frest til að  leggja fram fé í verk­efn­ið. Næð­ist það ekki myndi borgin taka tvo millj­­­­arða króna sem hún hefur sett til hliðar fyrir það og nota þá til að byggja nýtt íþrótta­hús fyrir iðk­endur Þróttar og Ármanns í Laug­­­­ar­­­­dal. 

Vilja­yf­ir­lýs­ing und­ir­rituð í maí

Þann 6. maí, nokkrum vikum fyrir kosn­ing­arn­ar, und­ir­rit­uðu Katrín Jak­obs­dóttir for­­sæt­is­ráð­herra, Ásmundur Einar Daða­­son mennta- og barna­­mála­ráð­herra og Dagur vilja­yf­­ir­lýs­ingu um bygg­ingu þjóð­­ar­hallar í inn­­an­hús­s­í­­þrótt­­um.

­Stefnt yrði að því að fram­­kvæmdum ljúki árið 2025 og kostn­að­­ar­­skipt­ing milli ríkis og borgar átti að taka mið af nýt­ingu mann­­virk­is­ins. Það þýðir að ríkið borgar fyrir þann hluta sem snýr að þörfum sér­­­sam­­banda og alþjóð­­legra krafna til keppn­is­að­­stöðu lands­liða og Reykja­vík­­­ur­­borg þann hluta sem snýr að þörfum Þróttar og Ármann ann­­ars vegar og íþrótta­­kennslu skóla í Laug­­ar­dalnum hins veg­­ar. 

Til stendur að byggja höll­ina á svæði sem liggur milli Laug­­ar­dals­hallar og skrif­­stofu­­mann­­virkja Íþrótta­­sam­­bands Íslands, og að Suð­­ur­lands­braut.

Félögin fá sex velli í stað fjög­­urra

Á opnum íbú­a­fundi í Laug­­­ar­­­nes­­­skóla 2. mars síð­­ast­lið­inn ræddi Dagur ítar­­­lega um aðstöð­u­­­mál íþrótta­­­fé­lag­anna í hverf­inu. Þar sagði hann: „Ég veit að sumir hafa verið að pirra sig á því að það hafi verið að blanda þjóð­­ar­­leik­vöngum inn í þetta og ég skil það að vissu leyti. En ég hef haldið því fram, bæði þegar ég ræði við for­ystu Þróttar og Ármann og við ykkur hér að það geta verið ótví­­ræð tæki­­færi í því ef að ríkið loks­ins skuld­bindur sig á þjóð­­ar­­leik­vang og gerir það strax.“

Dagur sagði að gamla Laug­­ar­dals­höll­in, sem hefur ekki verið ó notkun vegna skemmda í tvö ár, verði til­­­búin til not­k­unar 15. ágúst næst­kom­andi. Kost­­ur­inn við þjóð­­ar­höll umfram sér­­stakt íþrótta­hús fyrir Þrótt og Ármann, sem borgin hafi tekið tvo millj­­arða króna frá til að byggj væri sá að gólf­­­­­flötur í nýrri þjóð­­­ar­höll yrði slíkur að hann rúmi fjóra fulla keppn­is­velli í hand­­­bolta. Þegar þeim yrði bætt við þá tvo velli sem eru í Laug­­­ar­dals­höll gæti þjóð­­­ar­hall­­­ar­­­lausnin skilað iðk­endum í Laug­­­ar­­­dal alls sex æfinga­­­völlum í fullri stærð, sem þyrfti að deila með lands­liðum þegar þannig bæri und­­­ir.

Nýtt íþrótta­hús á bíla­­­stæð­inu við hlið Þrótta­heim­il­is­ins myndi skila tveimur nýjum völlum í fullri stærð og því var ávinn­ing­­­ur­inn að þjóð­ar­hall­ar­leið­irn­ir, mjög ein­fald­­­lega, fleiri vell­­­ir. Meira pláss.

Skref í átt að nýrri þjóð­ar­höll

Ásmundur Einar Daða­son segir í til­kynn­ing­unni í dag að með stofnun fram­kvæmd­ar­nefnd­ar­innar fær­ist þjóðin skrefi nær því að hefja fram­kvæmdir á nýrri þjóð­ar­höll. „Ég tel að við séum með öfl­ugan hóp fag­fólks sem eigi eftir að skila góðu verki.“

Haft er eftir Degi á sama stað að það sé mjög ­mik­il­vægt að koma und­ir­bún­ingi þjóð­ar­hallar af stað. „Henni er ekki bara ætlað að stór­bæta umgjörð lands­liða og leikja og vera fjöl­nota hús fyrir þjóð­ina. Meg­in­til­gang­ur­inn með aðkomu borg­ar­innar að verk­efn­inu er að auka og stór­bæta aðstöðu til æfinga og keppni fyrir börn og ung­linga í Laug­ar­dal. Þróttur og Ármann og skól­arnir í hverf­inu verða eftir þetta með fyrsta flokks aðstöð­u.“