Frum­kvöð­ull­inn Evan Willi­ams er fæddur í Clarks, í Nebr­aska ríki árið 1972. Hann er alinn upp við bústörf og ýmis störf tengd korna­krinum í heima­hög­unum og soja­bauna­fram­leiðslu. Hvernig hann leidd­ist út í for­ritun og hug­mynda­vinnu ýmis konar er kannski erfitt að greina í nákvæm­is­at­rið­um, en þetta byrj­aði allt þegar hann ákvað að hætta í rík­is­há­skól­anum í Nebr­aska og fara að gera eitt­hvað ann­að ­með félaga sín­um. For­ritun var grunn­ur­inn en ýmsar pæl­ingar um inter­netið og sam­fé­lagið voru aldrei langt und­an.

Sú vinna leiddi til fyr­ir­tækis sem margir þekkja frá árdögum bloggs-ins; Blog­ger.com. Fyr­ir­tækið náði mik­illi fót­festu um allan heim og varð vísir að sam­fé­lags­miðla­hugs­un­inni sem síðar átti eftir verða rótin að ein­hverjum mögn­uð­ustu sam­fé­lags­breyt­ingum síð­ustu ára­tuga. Google sá að Evan og félagar voru að gera eitt­hvað rétt og keypti Blog­ger árið 2003. Evan fylgdi með og starf­aði hjá Google í tvö ár. Hann hætti til þess að stofna annað fyr­ir­tæki, ásamt fleirum, sem kallað var Twitt­er. Hann var for­stjóri þess og stjórn­ar­for­maður á árunum 2008 til 2010. Leiddi upp­bygg­ingu fyr­ir­tæks­ins, fjár­mögn­un­ar­ferla og stefnu­mót­un, áður en hann hætti. Twitter er risa­vaxið sam­fé­lags­net á alheims­vísu í dag, með meira en 300 millj­ónir not­enda, og er skráð á markað í Banda­ríkj­un­um. Even á enn 10 pró­sent hlut í fyr­ir­tæk­inu.

Verk­efnið sem á hug hans í dag, og hann stofn­aði eftir að hafa hætt hjá Twitt­er, heitir Medi­um.com. Það þykir einn fram­sækn­asti fjöl­mið­ill heims­ins, og nýtur sívax­andi vin­sælda. Síð­ustu 15 ár hafa því verið nokkuð anna­söm hjá þessum bónda­syni frá Nebr­aska. Það er lík­lega ofnotað að tala um að menn hafi breytt heim­in­um, en Even Willi­ams hefur gert það. Eignir hans eru metnar á 3,1 millj­arð Banda­ríkja­dala í dag, eða sem nemur um 400 millj­örðum króna.