Gagnafárið í Alþjóðabankanum

Kristalina Georgieva framkvæmdastjóri Alþjóðagjaldeyrissjóðsins verður ekki beðin um að víkja úr starfi sínu þrátt fyrir ásakanir um að hún hafi beitt undirmenn þrýstingi um að fegra gögn um Kína í fyrra starfi sínu hjá Alþjóðabankanum.

Kristalina Georgieva er og verður áfram framkvæmdastjóri Alþjóðagjaldeyrissjóðsins.
Kristalina Georgieva er og verður áfram framkvæmdastjóri Alþjóðagjaldeyrissjóðsins.
Auglýsing

Síð­ustu vikur hafa verið ansi við­burða­ríkar á vett­vangi tveggja helstu stofn­ana fjár­mála­heims­ins, Alþjóða­bank­ans og Alþjóða­gjald­eyr­is­sjóðs­ins. Ástæðan er hálf­gert gagna­fár sem kom upp hjá Alþjóða­bank­anum og ásak­anir um að Krist­al­ina Georgi­eva, sem nú er fram­kvæmda­stjóri Alþjóða­gjald­eyr­is­sjóðs­ins, hefði beitt sér fyrir því í sínu fyrra starfi að útkoma Kína yrði fegruð í árs­legri skýrslu Alþjóða­bank­ans um sam­keppn­is­hæfni, Doing Business, fyrir árið 2018.

Við innra eft­ir­lit hjá Alþjóða­bank­anum kom fram að eitt­hvað óeðli­legt hafði átt sér stað í gagna­vinnslu bæði fyrir skýrsl­una sem kom út árið 2018 og þá sem kom út fyrir árið 2020 – en þá reyndar í til­felli gagna um Sádi-­Ar­abíu og Sam­ein­uðu arab­ísku fursta­dæmin en ekki Kína. Starfs­menn töldu ekki allt með felldu.

Sökuð um að hafa beitt sér með beinum hætti

Bank­inn réði því óháða rann­sak­endur hjá lög­fræði­stof­unni Wil­mer­Hale til þess að fara yfir málin og nið­ur­stöður í skýrslu þeirra reynd­ust síður en svo hag­felldar Georgi­evu, sem var fram­kvæmda­stjóri stofn­ana Alþjóða­bank­ans áður en hún var skipuð í fram­kvæmda­stjóra­stöð­una hjá Alþjóða­gjald­eyr­is­sjóðnum árið 2019.

Í skýrsl­unni frá Wil­mer­Hale, sem birt var 15. sept­em­ber, sagði nefni­lega að Georgi­eva hefði með beinum hætti komið að því, ásamt öðrum æðstu stjórn­endum bank­ans, að kokka upp leiðir til þess að koma í veg fyrir að nið­ur­staða Kína yrði lak­ari í alþjóð­lega sam­an­burð­inum fyrir árið 2018 en hún hafði verið í skýrslu fyrra árs. Í skýrslu rann­sak­end­anna segir að á sama tíma og verið var að vinna skýrsl­una hafi bank­inn verið að reyna að fá Kín­verja til þess að sam­þykkja að láta af hendi aukið hlutafé og gefið var í skyn að þarna á milli hefði verið eitt­hvað sam­hengi.

Nýtur áfram trausts stjórnar AGS

Síðan skýrsla Wil­mer­Hale kom út hefur staða Georgi­evu, ef til vill eðli­lega, verið í lausu lofti hjá Alþjóða­gjald­eyr­is­sjóðn­um, en á mánu­dag lýsti stjórn sjóðs­ins, sem skipuð er 24 full­trúum allra aðild­ar­ríkja, yfir fullu trausti á Georgi­evu til þess að leiða sjóð­inn áfram. Ekki voru talin næg sönn­un­ar­gögn fyrir því að hún hefði beitt sér með óeðli­legum hætti fyrir því að gögnum um Kína yrði breytt, eins og ýjað var að. Ýmsir höfðu stigið fram henni til stuðn­ings.

Sjálf hefur Georgi­eva varið sig af krafti frá því að nið­ur­stöður Wil­mer­Hale voru opin­ber­aðar fyrir tæpum mán­uði. Í skrif­legri yfir­lýs­ingu sem búlgarski hag­fræð­ing­ur­inn sendi fram­kvæmda­stjórn Alþjóða­gjald­eyr­is­sjóðs­ins þann 6. októ­ber sagði að nið­ur­stöð­urnar í skýrslu Wil­mer­Hale gæfu ekki rétta mynd af aðkomu hennar að gerð skýrsl­unn­ar.

Auglýsing

Raunar sagði Georgi­eva að sögu­sögnum væri víða haldið á lofti sem stað­reyndum af hálfu skýrslu­höf­unda, sem hefðu á ein­hvern óskilj­an­legan hátt látið það fara algjör­lega fram hjá sér að kín­versk stjórn­völd hefðu árum saman verið fylgj­andi því að staðið yrði fyrir hluta­fjár­aukn­ingu í bank­an­um. Því væri það algjör­lega úr lausu lofti gripið að gefa sér það að matið á Kína hefði verið fegrað til að fá Kín­verja að borð­inu hvað það varð­aði.

Hún sagði sömu­leiðis að það væri alrangt að hún hefði beitt þrýst­ingi á und­ir­menn innan bank­ans um að fegra ein­kunn Kína í sam­an­burð­ar­mat­inu, þvert á móti hefði hún gripið til aðgerða sem hefðu varið rétt­mæta notkun gagna, sem var sú að koma í veg fyrir að gögn um Hong Kong yrðu látin vigta inn í matið á Kína, en upp á því hafði for­seti Alþjóða­bank­ans stung­ið, að hennar sögn. Hið sama var einnig dregið fram í skýrslu Wil­mer­Hale.

Engu að síður sagði Georgi­eva að hún tæki þær athuga­semdir sem fram hefðu komið frá fyrr­ver­andi sam­starfs­mönnum hennar í Alþjóða­bank­anum „mjög alvar­lega“, en rann­sóknir mál­anna voru sprottnar upp úr því að ein­hverjum starfs­mönnum sem komu að gerð Doing Business-­skýrsln­anna fannst óeðli­lega staðið að mál­um.

„Er ég lít til baka hefði ég viljað hafa meiri inn­sýn inn í vinnu Doing Business-teym­is­ins, og að ég hefði vitað meira um áhyggj­urnar sem sum þeirra greini­lega höfð­u,“ sagði í yfir­lýs­ingu Georgi­evu, sem stjórn Alþjóða­gjald­eyr­is­sjóðs­ins hef­ur, eftir mikið skraf og ráða­gerðir und­an­farnar vik­ur, ákveðið að dugi ásamt öðru til þess að sýna fram á að Georgi­evu sé áfram treystandi fyrir starf­inu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Meira úr sama flokkiErlent