Stjórn­skip­un­ar- og eft­ir­lits­nefnd Alþingis mun ekki gera aðra til­raun til þess að fá Hönnu Birnu Krist­jáns­dóttur til þess að mæta fyrir nefnd­ina og gera grein fyrir sinni sýn á leka­mál­ið, nú þegar hún er snúin aftur á Alþingi.

Þetta stað­festir Ögmundur Jón­as­son, þing­maður VG og for­maður nefnd­ar­inn­ar, við Kjarn­ann í dag. Hann segir að nefndin vinni nú að frá­gangi skýrslu sinnar um málið til þings­ins.

Ögmundur sendi Hönnu Birnu boð um að mæta á fund nefnd­ar­innar í jan­úar síð­ast­liðn­um. Það var eftir að umboðs­maður Alþingis lauk sinni athugun á sam­skiptum hennar við lög­reglu­stjór­ann á höf­uð­borg­ar­svæð­inu. Í bréf­inu kom fram að mörgum þing­mönnum þætti að í þing­sal hefðu komið fram full­yrð­ingar af hálfu Hönnu Birnu sem væru „mót­sagna­kenndar eða hefðu hrein­lega ekki fengið stað­ist.“ Þá var óskað eftir því að hún kæmi á fund nefnd­ar­innar til að gera grein fyrir sinni sýn á málin og til þess að svara spurn­ingum nefnd­ar­manna um það.

Hanna Birna svar­aði ekki bréf­inu svo að Ögmundur sendi ítrekun um málið þann 12. mars. Hanna Birna svar­aði því bréfi og afþakk­aði boð nefnd­ar­inn­ar. Hún sagð­ist þá vísa til þeirra upp­lýs­inga og gagna sem þegar lægju fyrir um mál­ið. „Þar sem ég gegni ekki lengur emb­ætti inn­an­rík­is­ráð­herra, hef áður svarað umboðs­manni Alþingis í fjórum form­legum bréfum og er sem stendur í leyfi frá þing­störf­um, þá vísa ég til ofan­greinds og óska nefnd­inni vel­farn­aðar í sínum störfum en óska jafn­framt ekki eftir að koma frek­ari upp­lýs­ingum að vegna máls­ins,“ sagði hún í bréf­inu.