Guð­brandur Ein­ars­son, for­seti bæj­ar­stjórnar Reykja­nes­bæjar og fyrrum for­maður Versl­un­ar­manna­fé­lags Suð­ur­nesja mun leiða lista Við­reisnar í Suð­ur­kjör­dæmi. Þetta kemur fram í frétta­til­kynn­ingu frá Við­reisn.

Í til­kynn­ing­unni er haft eftir Guð­brandi að hann vilji vinna að breyt­ingum sem leiða til jafn­ræð­is, auk­ins frelsis og meiri virð­ingar fyrir fjöl­breytni mann­lífs­ins. „Í rúma tvo ára­tugi hef ég tekið þátt í rétt­inda­bar­áttu launa­fólks og unnið að bættum hag sam­fé­lags­ins míns með þátt­töku í sveit­ar­stjórn­ar­mál­um. Það er veg­ferð sem ég vil halda áfram á þingi. Þar er mik­il­væg­ast að styðja við og styrkja það nauð­syn­lega örygg­is­net sem þarf að vera til staðar í Suð­ur­kjör­dæmi,“ segir þar enn frem­ur.

Guð­brandur hefur starfað sem fram­kvæmda­stjóri Versl­un­ar­manna­fé­lags Suð­ur­nesja, og var í rúm 20 ár for­maður félags­ins, sem versl­un­ar­stjóri Kaskó í Kefla­vík og sem fram­kvæmda­stjóri Nýs mið­ils sem rak útvarps­stöð­ina Brosið og viku­blaðið Suð­ur­nesja­f­rétt­ir. Hann sat í stjórn Lands­sam­bands íslenskra Versl­un­ar­manna og var for­maður sam­bands­ins í sex ár. Hann hefur einnig tekið að sér ýmis trún­að­ar­störf fyrir ASÍ og sat í mið­stjórn sam­bands­ins í 14 ár.

Guð­brandur hefur um ára­bil verið bæj­ar­full­trúi í Reykja­nes­bæ, um tíma fyrir Sam­fylk­ingu, síðar fyrir A-list­ann en nú fyrir Beina leið. Í til­kynn­ing­unni segir Guð­brandur aðspurður um það hvers vegna Við­reisn hafi orðið fyrir val­inu: „Í Við­reisn upp­lifi ég að borin sé virð­ing fyrir fólki, alls konar fólki. Í Við­reisn er lausn­a­miðað fólk sem er til­búið til gera breyt­ing­ar, þar sem almanna­hags­munir eru teknir fram yfir sér­hags­muni. Slíkum hópi vil ég til­heyra.“

Heild­ar­listi Við­reisnar verður kynntur síðar en upp­still­ing­ar­nefnd flokks­ins í Suð­ur­kjör­dæmi vinnur enn að sam­setn­ingu list­ans sam­kvæmt til­kynn­ingu flokks­ins.