Gylfi Arn­björns­son, fyrr­ver­andi for­seti Alþýðu­sam­bands Íslands, hefur verið feng­inn til starfa sem tíma­bund­inn ráð­gjafi við mótun fram­tíð­ar­skipu­lags mennta- og barna­mála­ráðu­neyt­is, sem Ásmundur Einar Daða­son situr nú í.

Sam­kvæmt frétta­til­kynn­ingu stjórn­valda mun hann m.a. vinna með starfs­mönnum stjórn­ar­ráðs­ins að yfir­færslu verk­efna, meðal ann­ars frá félags­mála­ráðu­neyti. Tölu­verð upp­stokkun er að verða á verk­efnum innan stjórn­ar­ráðs­ins sam­fara myndun nýrrar rík­is­stjórnar Katrínar Jak­obs­dótt­ur.

Mennta- og barna­mála­ráðu­neyti mun fara með mál­efni skóla og fræðslu, æsku­lýðs- og íþrótta­mál auk þess sem mál­efni barna og barna­verndar flytj­ast til ráðu­neyt­is­ins. Í til­kynn­ingu stjórn­valda segir að með sam­ein­ingu þess­ara mála­flokka sé „lagt upp með að gefa hverju þess­ara mál­efna aukið vægi í stjórn­kerf­in­u.“

Gylfi er feng­inn inn sem tíma­bund­inn ráð­gjafi við mótun skipu­lags­ins sem áður seg­ir, en í upp­hafi mán­aðar var sagt frá því að Ásdís Halla Braga­dóttir hefði verið fengin inn sem verk­efna­stjóri til þess að und­ir­búa nýtt ráðu­neyti vís­inda, iðn­aðar og nýsköp­un­ar, sem verður í höndum Áslaugar Örnu Sig­ur­björns­dóttur á kjör­tíma­bil­in­u.

Í til­kynn­ingu á vef stjórn­ar­ráðs­ins segir að Gylfi hafi fjöl­þætta stjórn­un­ar­reynslu, en hann lauk meistara­gráðu í hag­fræði, stjórnun og opin­berri stjórn­sýslu frá Versl­un­ar­há­skól­anum í Kaup­manna­höfn.

Hann var fram­kvæmda­stjóri Eign­ar­halds­fé­lags­ins Alþýðu­bank­inn hf., og síðar fram­kvæmda­stjóri ASÍ áður en hann varð for­seti ASÍ í heilan ára­tug frá 2008 til 2018.

Gylfi hefur frá því í apríl 2020 verið verk­efna­stjóri í átaks­verk­efnum stjórn­valda til að mæta þeim áskor­unum sem vinnu­mark­að­ur­inn stóð frammi fyrir vegna auk­ins atvinnu­leysis í kjöl­far Covid-19 far­ald­urs­ins.