Hall­grímur Thor­steins­son, fjöl­miðla­maður til margra ára og umsjón­ar­maður þátt­ar­ins Viku­loka á RÚV, hefur verið ráð­inn rit­stjóri DV. Reynir Trausta­son hefur verið leystur undan starfs­skyldum sem rit­stjóri.

„Við ætlum okkur að efla og styrkja félag­ið. DV er fjöl­mið­ill sem er mik­il­vægur fyrir íslenskt sam­fé­lag. Blaðið hefur lagt stund á rann­sókn­ar­blaða­mennsku og er það ætlun nýrrar stjórnar að halda áfram á þeirri braut. Slík blaða­mennska gerir miklar kröfur til þeirra sem hana stunda og um leið þarf að vera hafið yfir allan vafa að rit­stjórnin sé sjálf­stæð og öllum óháð,“ segir Þor­steinn Guðna­son, stjórn­ar­for­maður útgáfu­fé­lags­ins í til­kynn­ingu vegna ráðn­ingar Hall­gríms.

Haft er eftir Hall­grími í frétta­til­kynn­ingu að hann hlakki til þess að hefja störf. „Mér er það kapps­­mál að DV skipi áfram sinn sterka sess sem fram­vörður ís­­lenskr­ar frétta­­mennsku og haldi áfram að rjúfa þögn­ina þar sem aðrir vilja láta kyrrt liggja. Ég hlakka til að hefja störf með öfl­­ug­um hópi fag­­fólks á þess­um mik­il­væga frétta­miðli.”