Her­dís Stein­gríms­dótt­ir, hag­fræði­dós­ent við Copen­hagen Business tekur sæti Katrínar Ólafs­dóttur í pen­inga­stefnu­nefnd Seðla­bank­ans. Þetta kemur fram í til­kynn­ingu frá Stjórn­ar­ráð­inu.

Her­dís er með dokt­ors­próf í hag­fræði frá Col­umbia háskól­anum í New York og meist­ara­próf í stærð­fræði­legri hag­fræði og hag­rann­sóknum frá London School of Economics. Rann­sóknir Her­dísar snúa að vinnu­mark­aðs­hag­fræði og hefur hún hlotið ýmsar við­ur­kenn­ingar fyrir störf sín á þeim vett­vangi.

Þá er Her­dís með­limur og umsjón­ar­maður ýmissa rann­sókna­setra í Kaup­manna­höfn sem greina hag­fræði­leg úrlausn­ar­efni er varða líf­eyr­is­mál, ójöfn­uð, hag­fræði heim­il­anna o.fl.

Her­dís er reglu­legur pistla­höf­undur í Vís­bend­ingu, en þar hefur hún meðal ann­ars skrifað greinar um áhrif auk­innar fjar­vinnu á kynja­jafn­rétti á vinnu­mark­aðnum og jafn­ari skipt­ingu fæð­ing­ar­or­lofs á milli for­eldra.

Í síð­ustu viku skrif­aði svo Her­dís um kynja­halla í háskólum á Íslandi, en þar er náms­þátt­taka karla mun minni heldur en kvenna. Sam­kvæmt henni þyrfti að grípa inn snemma til að minnka þennan halla, sem mögu­lega stafar af staðalí­myndum og félags­legum norm­um.

Her­dís tekur sæti Katrínar Ólafs­dótt­ur, sem er hag­fræði­dós­ent við Háskól­ann í Reykja­vík. Katrín hefur setið í nefnd­inni í tíu ár, en hún verið ein af tveimur utan­að­kom­andi nefnd­ar­mönnum þar.

Aðrir nefnd­ar­menn pen­inga­stefnu­nefndar eru Ásgeir Jóns­son seðla­banka­stjóri, Rann­veig Sig­urð­ar­dóttir vara­seðla­banka­stjóri pen­inga­stefnu og Gunnar Jak­obs­son vara­seðla­banka­stjóri fjár­mála­stöð­ug­leika. Þá situr Gylfi Zoega, hag­fræði­pró­fessor við Háskóla Íslands, einnig í nefnd­inni sem utan­að­kom­andi nefnd­ar­mað­ur.