Hildur Björns­dóttir er nýr odd­viti Sjálf­stæð­is­flokks­ins í Reykja­vík og leiðir hann í kom­andi borg­ar­stjórn­ar­kosn­ing­um. Í próf­kjöri flokks­ins sem lauk í gær hlaut hún 49,2 pró­sent atkvæða í fyrsta sætið en fékk harða sam­keppni frá Ragn­hildi Öldu Maríu Vil­hjálms­dótt­ur. Alls vildu 37,1 pró­sent þeirra sem greiddu atkvæði að hún leiddi list­ann. Hildur náði því ekki að fá stuðn­ing meiri­hluta þeirra sem tóku þátt í próf­kjör­inu.

Ragn­hildur Alda lenti í öðru sæti og Kjartan Magn­ús­son, sem var borg­ar­full­trúi um margra ára skeið en var ekki í fram­boði 2018, er í því þriðja. Kjartan sótt­ist eftir öðru sæt­inu. Næst koma tveir sitj­andi borg­ar­full­trú­ar, Marta Guð­jóns­dóttir sem fékk fjórða sætið en sótt­ist eftir öðru sæt­inu, og Björn Gísla­son, sem sótt­ist eftir þriðja sæt­in­u. 

Frið­jón R. Frið­jóns­son, einn eig­anda almanna­tengsla­fyr­ir­tæk­is­ins KOM og vara­þing­mað­ur, sótt­ist eftir öðru sæt­inu á list­anum en lenti í því sjötta í próf­kjör­inu. Helgi Áss Grét­ars­son vildi fimmta sætið en end­aði í því sjö­unda og Sandra Hlíf Ocares sótt­ist eftir þriðja sæt­inu en fékk átt­unda.

Jór­unn Pála Jón­as­dóttir vara­borg­ar­full­trúi lenti í níunda sæti og Birna Haf­stein í því tíunda. Val­gerður Sig­urð­ar­dótt­ir, sitj­andi borg­ar­full­trúi, sótt­ist eftir þriðja sæt­inu en lenti í því ell­efta.

Alls kusu 5.545 í próf­kjör­inu. Gild atkvæði voru 5.292 atkvæði. Auð og ógild atkvæði eru 253.

Ólík öfl tók­ust á innan flokks­ins

Hild­ur, sem var í öðru sæti á lista Sjálf­stæð­is­flokks­ins árið 2018 á eftir núver­andi odd­vita Eyþóri Arn­alds, hefur þótt hafa frjáls­lynd­ari og fram­sækn­ari skoð­anir á borg­ar­málum en margir hinna borg­ar­full­trúa flokks­ins.

Hún hefur til að mynda staðið fyrir allt annarri sýn í skipu­lags- og sam­göngu­málum en borg­ar­full­trú­arnir Marta Guð­jóns­dóttir og Björn Gísla­son. Í grein sem hún skrif­aði í mars í fyrra í Morg­un­blaðið sagði meðal ann­ars: „Lausn sam­­göng­u­vand­ans mun ekki fel­­ast í hrað­braut gegnum Foss­vogs­dal­inn og mis­­lægum gatna­­mótum inn í Elliða­ár­dal­inn. Lausnin mun fel­­ast í betra borg­­ar­­skipu­lagi, dreifð­­ari atvinn­u­tæki­­færum og auk­inni fjar­vinnu – en ekki síst breyttum ferða­venjum og fjöl­breyttum val­­kost­u­m.“. Dagur B. Egg­erts­son, borg­ar­stjóri og odd­viti Sam­fylk­ing­ar­inn­ar, hrós­aði Hildi fyrir grein­ina í bók sinni „Nýjá Reykja­vík“ sem kom út seint á síð­asta ári. Hann sagði Hildi hafa „jarð­að“ mál­­flutn­ing ýmissa tals­­manna gam­alla úrræða í sam­­göng­u­­málum þar sem bíl­inn væri í algjörum for­­gangi. „Með þess­­ari öfl­­ugu grein gerði Hildur algjör­­lega ljóst hvar hún stendur í afstöð­unni til stærstu spurn­ing­anna um sam­­göng­u­­mál og þróun borg­­ar­innar og kall­aði eftir hug­rekki til breyt­inga.“

Heimildir Kjarn­ans herma að vænt­ingar hafði verið til þess í hópnum sem studdi Hildi til að leiða list­ann að fram­bjóð­endur sem eru mun nær henni í hug­myndum og nálg­unum myndu fylla næstu sæti á eftir henni þar sem fyrir liggur að ekki eru margir mögu­leikar í stöð­unni til að mynda meiri­hluta í Reykja­vík með öðrum flokkum sem stendur á grunni mjög íhalds­samra hug­mynda, sér­stak­lega í skipu­lags- og sam­göngu­mál­u­m. 

Íhalds­öflin heilt yfir sig­ur­veg­ari próf­kjörs­ins

Frjáls­lynd­ari fram­bjóð­end­urnir riðu hins vegar ekki feitum hesti frá próf­kjör­inu. Ragn­hildur Alda, Marta, Kjart­an, Björn og Helgi Áss eru öll með sam­bæri­legar og íhalds­samar áhersl­ur, sér­stak­lega þegar kemur að sam­göngu- og skipu­lags­málum þar sem þau vilja brjóta mikið nýtt land undir hús­næð­is­upp­bygg­ingu og greiða fyrir einka­bílnum frekar en að þétta áfram byggð og fjár­festa stórt í almenn­ings­sam­göngum eins og borg­ar­línu í sér­rými, líkt og sam­þykkt hefur verið í sam­göngusátt­mála höf­uð­borg­ar­svæð­is­ins.

Sjálf­stæð­is­flokk­ur­inn er í dag með átta borg­ar­full­trúa og ef hann næði sama árangri í kosn­ing­unum í maí og hann náði 2018, þegar hann fékk 30,8 pró­sent atkvæða, myndu ein­ungis tveir þeirra sem náðu inn í efstu átta sætin í próf­kjör­inu í gær utan Hildar telj­ast til frjáls­lynd­ari arms borg­ar­stjórn­ar­flokks Sjálf­stæð­is­flokks­ins, Frið­jón sem sótt­ist eftir öðru sæt­inu en fékk sjötta, og Sand­ra, sem sótt­ist eftir þriðja sæt­inu en fékk það átt­unda. 

Flokk­ur­inn langt frá kjör­fylgi í nýj­ustu könnun

Nýjasta könnun Mask­ínu um fylgi flokka í borg­inni, sem var birt á föstu­dag, sýnir að Sjálf­stæð­is­flokk­ur­inn er þó ansi langt frá því að mæl­ast í kjör­fylgi. Þar sögð­ust 22 pró­sent aðspurðra ætla að kjósa flokk­inn í maí. Miðað við það myndi borg­ar­full­trúum hans fækka og bæði Frið­jón og Sandra gætu þar verið í hættu að óbreyttu.

Þeir fjórir flokkar sem mynda meiri­hluta í Reykja­vík: Sam­fylk­ing­in, Pírat­ar, Við­reisn og Vinstri græn, mæl­ast hins vegar með 54 pró­sent sam­eig­in­legt fylgi í sömu könnun en fengu 46,4 pró­sent 2018. Sam­fylk­ingin tapar umtals­verðu fylgi sam­kvæmt könn­un­inni en er samt stærstur flokk­anna í meiri­hlut­an­um. Píratar bæta hins vegar miklu fylgi við sig og Vinstri græn vaxa mynd­ar­lega líka. Við­reisn er á mjög svip­uðum slóðum og fyrir fjórum árum. 

Röð fram­­bjóð­enda í próf­kjöri Sjálf­stæð­is­flokks­ins í gær og at­­kvæða­fjöldi í sæti var eft­ir­far­andi:

1. sæti Hild­ur Björns­dótt­ir með 2.603 at­­kvæði í 1. sæti og 3.616 at­­kvæði alls.
2. sæti Ragn­hild­ur Alda María Vil­hjálms­dótt­ir með 2.257 at­­kvæði í 1.-2. sæti og 3.254 at­­kvæði alls.
3. sæti Kjart­an Magn­ús­­son með 1.815 at­­kvæði í 1.-3. sæti og 3.224 at­­kvæði alls.
4. sæti Marta Guð­jóns­dótt­ir með 1.794 at­­kvæði í 1.-4. sæti og 2.772 at­­kvæði alls.
5. sæti Björn Gísla­­son með 1.555 at­­kvæði í 1.-5. sæti og 2.484 at­­kvæði alls.
6. sæti Frið­jón R. Frið­jóns­­son með 1.688 at­­kvæði í 1.-6. sæti og 2.293 at­­kvæði alls.
7. sæti Helgi Áss Grét­­ar­s­­son með 1.955 at­­kvæði í 1.-7. sæti og 2.556 at­­kvæði alls.
8. sæti Sandra Hlíf Ocares með 2.184 at­­kvæði í 1.-8. sæti og 2.433 at­­kvæði alls.
9. sæti Jór­unn Pála Jón­a­s­dótt­ir með 2.396 at­­kvæði í 1.-9. sæti.
10. sæti Birna Haf­­stein með 2.319 at­­kvæði í 1.-9. sæti.
11. sæti Val­­gerður Sig­­urð­ar­dótt­ir með 2.231 at­­kvæði í 1.-9. sæti.