Hluta­bréfa­mark­aðir í Evr­ópu tóku dýfu við opnun í morgun vegna stöð­unnar í Grikk­landi. Mikil óvissa ríkir um lend­ingu á skulda­vanda Grikkja en samn­inga­við­ræðum við önnur evru­ríki um frek­ari neyð­ar­lán var slitið á laug­ar­dag. Í kjöl­farið til­kynnti Alexis Tsipras, for­sæt­is­ráð­herra Grikk­lands, að mál­ið, og samn­ings­til­lögur lán­ar­drottna, fari í þjóð­ar­at­kvæði þann 5. júlí næst­kom­andi.

Í London féll hluta­bréfa­vísi­talan um tvö pró­sent við opnun mark­aða og í Þýska­landi féll DAX vísi­talan um ríf­lega þrjú pró­sent. Þró­unin er sú sama og víða í Asíu fyrr í dag, þar sem Nikkei vísi­talan í Japan hafði lækkað um nærri þrjú pró­sent. Evran hefur einnig átt undir högg að sækja og veikst gagn­vart helstu gjald­miðl­um.

Á vef frétta­síð­unnar Business Insider er fjallað um fram­vind­una undir fyr­ir­sögn­inni „Evr­ópskir mark­aðir fá á bauk­inn og eng­inn veit hver sigrar grísku þjóð­ar­at­kvæða­greiðsl­una“. Í grein­inni segir að eng­inn viti hvernig atkvæða­greiðslan fer né hvað nið­ur­staðan mun hafa í för með sér. Ef gríska þjóðin segir já við samn­ingum lán­ar­drottna, sem þó eru ekki full­mót­að­ir, myndi það fela í sér upp­fyll­ingu þeirra skil­yrða sem í samn­ing­unum eru lögð fram, meðal ann­ars mik­ill nið­ur­skurður hjá hinu opin­bera. Með þeirri nið­ur­stöðu þykir það lík­legra en ekki að Grikkir haldi áfram í evru­sam­starf­inu.

What next for #Greece? We put the likeli­hood at 60% of vot­ers back­ing the govt's reject­ion of creditor conditions. htt­p://t.co/GldLpUT1AZ

— The EIU Europe (@T­heEI­U_E­urope) June 29, 2015

Hópur sér­fræð­inga hjá tíma­rit­inu The Economist telur 60 pró­sent líkur á að grískir kjós­endir styðji við ríkj­andi stjórn­völd og hafni samn­ingn­um. Alls er þó óvíst hvort atkvæða­greiðslan hafi nokk­urt gildi þegar uppi er stað­ið. Hluti af fyrra neyð­ar­láni Alþjóða­gjald­eyr­is­sjóðs­ins til Grikk­lands fellur á gjald­daga á þriðju­dag og það er óvíst að gjald­daga verði frestað svo auð­veld­lega.

Grísk stjórn­völd til­kynntu í gær að bankar í land­inu myndu ekki opna í dag og hefur verið ákveðið að þeir verði lok­aðir alla vik­una. Ein­ungis verður hægt að taka út 60 evrur á dag úr hrað­bönkum á meðan lok­unin stendur yfir, jafn­virði tæp­lega níu þús­und króna.