Við­skipta­blaða­mað­ur­inn Hörður Ægis­son hefur sagt upp störfum sem rit­stjóri Mark­að­ar­ins, fylgi­rits Frétta­blaðs­ins um efna­hags­mál. Þetta kemur fram í frétt á vef Við­skipta­blaðs­ins, sem seg­ist einnig hafa heim­ildir fyrir því að nýr við­skipta­mið­ill kunni að vera í píp­un­um.

Hörður hefur verið rit­stjóri Mark­að­ar­ins frá því árið 2017. Auk hans hafa tveir aðrir blaða­menn Mark­að­ar­ins sagt upp störf­um, þeir Þor­steinn Frið­rik Hall­dórs­son og Þórður Gunn­ars­son, sam­kvæmt því sem segir í frétt Við­skipta­blaðs­ins.

Svipt­ingar hafa verið á Frétta­blað­inu und­an­far­ið, en Jón Þór­is­son hætti sem rit­stjóri blaðs­ins fyrr í sum­ar. Sig­mundur Ernir Rún­ars­son var ráð­inn rit­stjóri blaðs­ins í hans stað.

Í frétt Við­skipta­blaðs­ins er haft eftir Herði að upp­sögn hans hafi ekk­ert með ráðn­ingu Sig­mundar Ernis sem rit­stjóra að gera, heldur hafi hann sagt starfi sínu lausu áður en Sig­mundur Ernir hafi tekið við. Hann muni starfa áfram þar til eft­ir­maður hans sé fund­inn.

Áður er Hörður var ráð­inn rit­stjóri Mark­að­ar­ins árið 2017 hafði hann starfað í tvö ár sem við­skipta­rit­stjóri á DV. Þar áður hafði hann verið við­skipta­blaða­maður á Morg­un­blað­inu um ára­bil.