„Ég hef í hví­vetna fylgt öllum þeim gild­andi siða­reglum sem eru um hags­muna­á­rekstra í starfi blaða­manna,“ skrifar Hörður Ægis­son, rit­stjóri Mark­að­ar­ins á Frétta­blað­inu, á Face­book-­síðu sína vegna fréttar Kjarn­ans um að hann eigi hluta­bréf í þrettán Kaup­hall­ar­fé­lögum að and­virði níu millj­óna króna.

Hörður undr­ast þá túlkun for­manns Blaða­manna­fé­lags Íslands á siða­reglum félags­ins, þar sem segir að blaða­maður skuli var­ast að lenda í hags­muna­á­grein­ingi, til dæmis með því að flytja fréttir af fyr­ir­tækjum sem hann eigi sjálfur aðild, að engu máli skipti hversu stóran hlut þeir eigi. Hann skrifar að standi vilji ein­hverra til þess að end­ur­skoða siða­reglur Blaða­manna­fé­lags­ins, meðal ann­ars hvort blaða­mönnum verði gert að halda úti hags­muna­skrán­ingu líkt og á við um kjörna full­trúa í þeim til­gangi að auka gegn­sæi, sé það „sjálf­sagt mál“ sem kalli þá á meiri og almenn­ari umræðu innan Blaða­manna­fé­lags­ins.

Hörður segir stærstu ein­stöku fjár­fest­ingu sína vera kaup á hús­næði sem hafi verið fjár­mögnuð með láni frá við­skipta­banka, rétt eins og eigi við um flesta Íslend­inga. „Af því leiðir að ég hef ríkra hags­muna að gæta – mun meiri en nokkurn tíma af geng­is­þróun lít­illar hluta­bréfa­eignar félaga í Kaup­höll­inni – af þróun fast­eigna­verðs og vaxta á fjár­mála­mark­að­i,“ skrifar Hörður en að aldrei hafi hins vegar hvarflað að honum að það geri hann van­hæfan til að fjalla um fast­eigna­mark­að­inn eða vaxta­á­kvarð­anir Seðla­bank­ans. Væri svo hlytu enda nær allir fjöl­miðla­menn að falla undir sama hatt.

„Ef túlkun for­manns félags­ins á fyrr­nefndri grein í siða­regl­unum væri hins vegar rétt, sem auð­vitað fær ekki stað­ist, er senni­legt að fjöldi blaða­manna sé að óbreyttu van­hæfur til að fjalla meðal ann­ars um við­skipti, hús­næð­is­mark­að­inn, vaxta­á­kvarð­anir og þátt­töku líf­eyr­is­sjóða í atvinnu­líf­inu vegna ráð­stöf­unar á sparn­aði, íbúða­kaupa og aðildar að ýmiss konar hags­muna­sam­tök­um,“ skrifar Hörð­ur. „Verði það nið­ur­staðan mun ég tæp­ast sjá mér fært að vera áfram í félag­inu og sinna þeim trún­að­ar­störfum sem ég hef gegnt þar síð­ustu ár.“

Í frétt Kjarn­ans í gær kom fram að Hörður á fimm millj­óna króna hlut í Arion banka og eins milj­óna króna hlut í Mar­el. Hann á einnig yfir 100 þús­und króna hlut í Kviku, Icelanda­ir, Reitum og Brimi. Í frétt­inni kom einnig fram að Hörður hefur það sem af er ári skrifað að minnsta kosti nítján fréttir um Arion banka og eina frétt um Mar­el. Að auki hefur hann tekið við­tal við sér­fræð­ing hjá Arion banka í sjón­varps­þætti Mark­að­ar­ins og skrifað fjölda ann­arra frétta um hin félögin sem hann á hluta­bréf í.