Nærri fimmtungur af öllum starfandi eru innflytjendur

Innflytjendur voru að jafnaði 19,2 prósent af öllum starfandi hér á landi á fyrsta ársfjórðungi 2019. Þá hefur hlutfall innflytjenda af fjölda starfandi farið vaxandi í öllum landshlutum frá árinu 2013 en hæst er hlutfallið á Suðurnesjum og á Vestfjörðum.

1. maí 2019
Auglýsing

Inn­flytj­endur eru tæp­lega 20 pró­sent af öllum starf­andi hér á landi eða alls 36.844 manns á aldr­inum 16 til 74 ára. Þá hefur hlut­fall inn­flytj­enda af fjölda starf­andi farið vax­andi í öllum lands­hlutum á síð­ustu árum. Á fyrsta árs­fjórð­ung­i var hlut­fall inn­flytj­enda af starf­andi hæst á Suð­ur­nesjum og Vest­fjörð­u­m. Þetta kemur fram í tölum Hag­stofu Íslands. 

Hlut­fall inn­flytj­enda farið vax­andi í öllum lands­hlutum

Hag­stofan tekur saman tölur um fjölda starf­andi sam­kvæmt skrá­ar­gögnum ná til allra ein­stak­linga með atvinnu­tekjur sem eru gefnar upp til stað­greiðslu. Það eru laun vegna vinnu, fæð­ing­ar­or­lofs­greiðslur og reiknað end­ur­gjald.  Að jafn­aði voru 192.232 manns á aldr­inum 16 til 74 ára starf­andi hér á landi á fyrsta árs­fjórð­ungi 2019. Af þeim voru 47 pró­sent konur og 53 pró­sent karl­ar. 

Þegar horft er til búsetu  voru starf­andi með skráð lög­heim­ili á Íslandi að jafn­aði 98 pró­sent allra starf­andi. Af inn­flytj­end­um voru um 90 pró­sent með­ lög­heim­il­i á Íslandi. Hag­stofan skil­greinir inn­flytj­endur sem ein­stak­linga sem fæddir eru erlendis og eiga for­eldra og báða afa og báðar ömmur sem einnig eru fædd erlend­is.

Mynd: Hagstofan

Frá fyrsta árs­fjórð­ungi 2013 hefur hlut­fall inn­flytj­enda af fjölda starf­andi farið vax­andi í öllum lands­hlutum sam­kvæmt tölum Hag­stof­unn­ar. Á fyrsta árs­fjórð­ungi 2019 var hlut­fallið hæst á Suð­ur­nesjum og á Vest­fjörðum eða á bil­inu 25 til 30 pró­sent af öllum starf­andi. Þá er hlut­fallið lægst á Norðvesturlandi.

Auglýsing

Inn­flytj­endur með 8 pró­sent lægri laun en inn­lendir

Í grein­ingu Hag­stof­unnar á launa­mun inn­flytj­enda og inn­lendra fyrir tíma­bilið 2008 til 2017 kemur fram að inn­­flytj­endur hér á landi eru að jafn­­aði með tæp­­lega 8 pró­­sent lægri laun en inn­­­lendir hér á landi. Það er að teknu til­­liti til kyns, ald­­ur­s, ­­mennt­un­­ar, fjöl­­skyld­u­haga, búsetu og ýmissa starfstengdra þátta en með því að leið­rétta fyrir þessum þáttum fæst skýr­­ari mynd af þeim áhrifum sem bak­grunnur hefur á laun hér á land­i. 

Skil­yrt­ur ­launa­mun­ur var 10 pró­­sent í störfum ræst­inga­­fólks og aðstoð­­ar­­fólks í möt­u­­neytum milli inn­­­lendra og inn­­flytj­enda, 11 pró­­sent í störfum verka­­fólks við hand­­sam­­setn­ingu og 8 pró­­sent í störfum við barna­­gæslu. 

Enn fremur kemur fram í grein­ingu Hag­stof­unnar að  inn­­flytj­end­­ur ­­fæddir á Norð­­ur­lönd­unum að jafn­­aði með hærri laun en inn­­flytj­endur fæddir í öðrum lönd­­um. Til dæmis eru inn­­flytj­endur frá Vest­­ur­-­­Evr­­ópu að jafn­­aði með 4 pró­­sent lægri laun en inn­­flytj­endur frá Norð­­ur­lönd­unum og inn­­flytj­endur frá Aust­­ur-­­Evr­­ópu að jafn­­aði með 6 pró­­sent lægri laun. Lægstu laun­in, miðað við inn­­flytj­endur frá Norð­­ur­lönd­un­um, hafa inn­­flytj­endur frá Asíu, eða 7 pró­­sent að jafn­­aði.

Kristbjörn Árnason
Pantaðar pólitískar tillögur frá OECD og AGS
Leslistinn 18. september 2019
Nú geta mötuneyti sýnt kolefnisspor máltíða
Kolefnisreiknivélin Matarspor sem reiknar og sýnir kolefnisspor máltíða og ber það saman við akstur fólksbíla stendur nú mötuneytum og matsölustöðum til boða gegn greiðslu. Reiknivélin á að auðvelda fólki að taka upplýstar ákvarðanir um eigin neyslu.
Kjarninn 18. september 2019
Aukið flæði bankaupplýsinga það sem koma skal
Með nýrri Evróputilskipun gefst fólki tækifæri til að velja að deila fjármálagögnum sínum með fyrirtækjum sem hyggjast bjóða þeim upp á fjármálatengda þjónustu. Samkvæmt Persónuvernd er mikilvægt að fyrirtæki útskýri vel skilmála fyrir viðskiptavinunum.
Kjarninn 18. september 2019
Bandarískum ferðamönnum fækkar mest
Bandaríkjamenn þykja verðmætir ferðamenn þar sem þeir eyða hlutfallslega miklu þrátt fyrir að stoppa stutt. Þeim hefur þó fækkað verulega frá falli WOW air og voru brottfarir Bandaríkjamanna frá landinu 36 prósent færri í ágúst en í fyrra.
Kjarninn 18. september 2019
Fasteignaverð hækkað lítið eitt á undanförnu ári
Fasteignamarkurðinn hefur kólnað umtalsvert, undanfarin misseri.
Kjarninn 17. september 2019
Fjögur samtök hlutu viðurkenningu Íslandsdeidlar Amnesty.
Skipuleggjendur loftslagsverkfallanna hlutu viðurkenningu Amnesty
Fjögur samtök hlutu viðurkenningu Íslandsdeildar Amnesty International fyrir forystu hérlendis í baráttunni gegn loftslagsbreytingum. Allsherjarverkfallsvika fyrir loftslagið hefst núna á föstudaginn.
Kjarninn 17. september 2019
Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Meira úr sama flokkiInnlent