„Hvers konar við­brögð eiga þetta eig­in­lega að vera? Frekar en að axla póli­tíska ábyrgð á eigin klúðri ætla for­menn flokk­anna að henda starfs­fólki og stjórn Banka­sýsl­unnar undir vagn­inn.“

Þetta skrifar þing­maður Pírata, Andrés Ingi Jóns­son, í stöðu­upp­færslu á Face­book í dag.

Þing­mað­ur­inn er með orðum sínum að bregð­ast við fréttum þess efnis að rík­is­stjórnin hafi ákveðið að leggja niður Banka­sýslu rík­is­ins.

„„Rík­is­stjórnin hefur því ákveð­ið,“ stendur í yfir­lýs­ing­unni, en það eru bara for­menn­irnir þrír sem ákveða þetta sín á milli. Á sama tíma falla niður rík­is­stjórn­ar­fundir í tvær vikur – næstum eins og ekki sé hægt að hleypa öllum ráð­herrum að borð­inu. Það eru tólf ráð­herrar í rík­is­stjórn­inni og 38 þing­menn í stjórn­ar­flokk­un­um. Hafa þau ekk­ert um þetta að segja? Fylgja þau bara geð­þótta for­ingj­anna þriggja?“ spyr hann í færsl­unni.

„Ár­inni kennir illur ræð­ari“

Sig­mundur Davíð Gunn­laugs­son for­maður Mið­flokks­ins segir á Face­book-­síðu sinni að rík­is­stjórnin við­ur­kenni að hún hafi gert mis­tök við einka­væð­ingu Íslands­banka en geri það með því að leggja niður Banka­sýsl­una.

„Þau hafa lík­lega leitað að lausn í páska­eggi og fengið máls­hátt­inn „ár­inni kennir illur ræð­ar­i“,“ skrifar hann.

Telur fjár­mála­ráð­herra bera ábyrgð

Helga Vala Helga­dóttir þing­flokks­for­maður Sam­fylk­ing­ar­innar segir á Twitter að ábyrgð Bjarna Bene­dikts­sonar fjár­mála­ráð­herra sé ótví­ræð og bundin í lög. „Hafi hann van­rækt skyldur sínar um yfir­ferð yfir til­lögur Banka­sýslu um söl­una, aðferð og til­boð ber honum að gang­ast við þeirri hand­vömm og víkja úr emb­ætt­i,“ skrifar hún.

„Hafi hann með fullri með­vit­und sam­þykkt hvert ein­asta skref sem tekið var, eins og honum ber að gera ber hann einnig óskor­aða ábyrgð og ber að víkja úr emb­ætti. Það er ljóst að almenn­ingur hefur orðið fyrir óaft­ur­kræfu og mjög kostn­að­ar­sömu tjóni vegna verka fjár­mála­ráð­herra.“

Hún segir að þetta verði rík­is­stjórnin að við­ur­kenna. „Annað er óboð­leg­t.“

Þor­björg Sig­ríður Gunn­laugs­dóttir þing­maður Við­reisnar tjáir sig einnig um málið á Twitt­er. Hún spyr: „Er verið að leggja Banka­sýsl­una niður fyrir að ... fram­fylgja ákvörð­unum fjár­mála­ráð­herra?“ Hún segir jafn­framt að rík­is­stjórnin loki pásk­unum með því að kross­festa Banka­sýsl­una. „Halda svo áfram í páska­frí­inu og sleppa rík­is­stjórn­ar­fundi í dag.“