Ríkisstjórnin hefur ákveðið að leggja niður Bankasýslu ríkisins

Ríkisstjórn Íslands segir að upp hafi komið spurningar, álitamál og gagnrýni um framkvæmd sölunnar á 22,5 prósent hlut í Íslandsbanka sem nauðsynlegt sé að rannsaka og upplýsa almenning um.

Formenn stjórnarflokkanna þriggja.
Formenn stjórnarflokkanna þriggja.
Auglýsing

Rík­is­stjórn Íslands hefur ákveðið að leggja það til við Alþingi að Banka­sýsla rík­is­ins verði lögð niður og inn­leitt verði nýtt fyr­ir­komu­lag til að halda utan um eign­ar­hluta rík­is­ins í fjár­mála­fyr­ir­tækj­um. „Þar verður lögð áhersla á rík­ari aðkomu Alþingis og að styrk­ari stoðum verði skotið undir að tryggja gagn­sæi, jafn­ræði, lýð­ræð­is­lega aðkomu þings­ins og upp­lýs­inga­gjöf til almenn­ings. Frum­varp þessa efnis verður lagt fyrir Alþingi svo fljótt sem auðið er.“ 

Þetta er meðal þess sem fram kemur í yfir­lýs­ingu sem birt var á vef Stjórn­ar­ráðs Íslands í morgun vegna sölu á eign­ar­hlutum rík­is­ins í Íslands­banka.

Í yfir­lýs­ing­unni segir að for­menn stjórn­ar­flokk­anna þriggja, þau Katrín Jak­obs­dóttir for­sæt­is­ráð­herra, Bjarni Bene­dikts­son,. fjár­mála- og efna­hags­ráð­herra, og Sig­urður Ingi Jóhanns­son inn­við­a­ráð­herra, séu sam­mála um fram­kvæmd söl­unnar á 22,5 pró­sent hlut rík­is­ins í Íslands­banka þann 22. mars hafi ekki staðið „að öllu leyti undir vænt­ingum stjórn­valda, m.a. um gagn­sæi og skýra upp­lýs­inga­gjöf.“ Þá var hlut­ur­inn seldur í lok­uðu útboði með svoköll­uðu til­boðs­fyr­ir­komu­lagi til 207 fjár­festa með 2,25 millj­arða króna afslætti frá mark­aðs­verði.

Auglýsing
Meðal ann­ars hefur verið gagn­rýnt að margir smærri fjár­festar hafi fengið að kaupa á þessum kjörum, en alls 59 þeirra sem tóku þátt keyptu fyrir minna en 30 millj­ónir króna og 79 fyrir minna en 50 millj­ónir króna. Þá voru aðilar á meðal kaup­enda sem eru í virkri lög­reglu­rann­sókn eða sem voru á meðal stærstu eig­enda banka fyrir hrun.

Í yfir­lýs­ing­unni segir að upp hafi komið spurn­ing­ar, álita­mál og gagn­rýni um fram­kvæmd söl­unnar sem fór fram sem nauð­syn­legt sé að rann­saka og upp­lýsa almenn­ing um. „Rík­is­end­ur­skoðun hefur þegar hafið úttekt á því hvort salan hafi sam­rýmst lögum og góðum stjórn­sýslu­hátt­um. Þá hefur fjár­mála­eft­ir­lit Seðla­bank­ans hafið rann­sókn á til­teknum þáttum tengdum söl­unni. Komi fram þörf fyrir frek­ari rann­sóknir þegar nið­ur­stöður Rík­is­end­ur­skoð­unar og Seðla­bank­ans liggja fyrir muni rík­is­stjórnin beita sér fyrir slíku á vett­vangi Alþing­is.“

Þeir ann­markar sem í ljós hafi komið við und­ir­bún­ing og fram­kvæmd sölu á eign­ar­hluta rík­is­ins í fjár­mála­fyr­ir­tækjum hafi leitt í ljós þörf­ina fyrir end­ur­skoðun á lagaum­gjörð og stofn­ana­fyr­ir­komu­lagi. „Rík­is­stjórnin hefur því ákveðið að leggja það til við Alþingi að Banka­sýsla rík­is­ins verði lögð niður og inn­leitt verði nýtt fyr­ir­komu­lag til að halda utan um eign­ar­hluta rík­is­ins í fjár­mála­fyr­ir­tækj­um. Þar verður lögð áhersla á rík­ari aðkomu Alþingis og að styrk­ari stoðum verði skotið undir að tryggja gagn­sæi, jafn­ræði, lýð­ræð­is­lega aðkomu þings­ins og upp­lýs­inga­gjöf til almenn­ings. Frum­varp þessa efnis verður lagt fyrir Alþingi svo fljótt sem auðið er.“

Ekki verður ráð­ist í sölu á frek­ari hlutum í Íslands­banka að sinni en ríkið á enn 42,5 pró­sent í bank­an­um. Þegar ný lög­gjöf liggi fyrir mun ákvörðun um mögu­lega sölu á hlut rík­is­ins í Íslands­banka verða tekin fyrir á Alþingi.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiInnlent