Icelandair til­kynnti í dag upp­sögn á lána­línu með rík­is­á­byrgð sem hefur gilt frá sept­em­ber árið 2020. Þetta kemur fram í til­kynn­ingu á vef Stjórn­ar­ráðs­ins, en flug­fé­lagið sendi einnig frá sér til­kynn­ingu þess efnis fyrr í dag.

Líkt og kemur fram á vef stjórn­ar­ráðs­ins var lána­lín­an, sem nam allt að 16,5 millj­örðum króna, ætluð sem lán­veit­ing til þrauta­vara fyrir flug­fé­lagið ef ske kynni að það ætti í lausa­fjár­vand­ræð­um. Þessi lán­veit­ing var ekki nýtt, en Icelandair segir að ábyrgð rík­is­ins á lána­lín­unni hafi verið nauð­syn­legur þáttur á fjár­hags­legri end­ur­skipu­lagn­ingu félags­ins. Þessi end­ur­skipu­lagn­ing gerði Icelandair kleift að varð­veita þekk­ingu og við­halda nauð­syn­legum innviðum til að geta brugð­ist hratt við þegar mark­aðs­að­stæður batna, sam­kæmt Icelanda­ir.

Lána­línan átti að gilda í tvö ár, eða til sept­em­ber 2022. Hins vegar segir flug­fé­lagið að vel hafi gengið í upp­bygg­ingu félags­ins und­an­farna mán­uði eftir krefj­andi tíma síð­ast­liðin tvö ár og að fjár­hags­staða þess hafi verið sterk við síð­ustu árs­lok og því hafi verið ákveðið að segja henni upp.