Íslensk stjórn­völd ætla að beita sér fyrir því að draga úr losun gróð­ur­húsa­loft­teg­unda um 40 pró­sent fyrir árið 2030. Þetta kemur fram í yfir­lýs­ingu Sig­mundar Dav­íðs Gunn­laugs­sonar for­sæt­is­ráð­herra, sem flutt var síð­degis á leið­toga­fundi Sam­ein­uðu þjóð­anna um ný heims­mark­mið um sjálf­bæra þróun fyrir tíma­bilið 2015 til 2030, en við­mið­un­ar­árið í mark­mið­unum er 1990.

Mark­miðið með áætl­un­inni er að útrýma, eða draga veru­lega úr, fátækt í heim­inum fyrir árið 2030, vernda umhverfið og nátt­úru jarðar eins og best er unnt, og stuðla að efna­hags­legri vel­megun og félags­legri þró­un.

Árni Finns­son, for­maður Nátt­úru­vernd­ar­sam­taka Íslands, seg­ist fagna þess­ari yfir­lýs­ingu stjórn­valda. „Nú hefur for­sæt­is­ráð­herra tekið af skar­ið. Draga skal úr losun gróð­ur­húsa­loft­teg­unda hér á landi um 40% fyrir 2030. Þess­ari yfir­lýs­ingu ber að fagna enda tekur Ísland þá ábyrgð til jafns við aðrar þjóðir í Evr­ópu,“ segir í yfir­lýs­ingu sem birt hefur verið á vef Nátt­úru­vernd­ar­sam­taka Íslands.

Nán­ari útfærslur á því hvernig þessum mark­miðum verður náð, liggja ekki fyr­ir, en ljóst er að það verður krefj­andi verk­efni.