Ísland fellur um eitt sæti í vísitölu Blaðamanna án landamæra

Samtökin Blaðamenn án landamæra hafa birt fjölmiðlafrelsisvísitölu sína fyrir árið 2021. Ísland fellur um eitt sæti á listanum, niður í það sextánda. Herferðar Samherja gegn trúverðugleika fréttamanna á síðasta ári er getið í umfjöllun samtakanna.

Ísland fellur í fjölmiðlafrelsisvísitölu Blaðamanna án landamæra fjórða árið í röð.
Ísland fellur í fjölmiðlafrelsisvísitölu Blaðamanna án landamæra fjórða árið í röð.
Auglýsing

Ísland fellur um eitt sæti í árlegri fjölmiðlafrelsivísitölu samtakanna Blaðamanna án landamæra og situr nú í 16. sæti, eftir að hafa verið í 15. sæti í fyrra.

Herferð sjávarútvegsfyrirtækisins Samherja gegn blaða- og fréttamönnum sem fjallað hafa um málefni fyrirtækisins er sérstaklega nefnd í umfjöllun samtakanna um stöðu fjölmiðla á Íslandi.

Þetta er fjórða árið í röð sem Ísland fellur niður listann, eftir að hafa verið í 10. sæti árið 2017, en hin norrænu ríkin raða sér efst á lista.

Noregur er sem fyrr í efsta sæti vísitölunnar, fimmta árið í röð, þrátt fyrir að í umfjöllun Blaðamanna án landamæra komi fram að fjölmiðlar þar í landi hafi kvartað undan því að fá lítinn aðgang að gögnum hins opinbera um heimsfaraldurinn. Finnland er í öðru sæti, Danmörk í þriðja sæti og Svíþjóð í fjórða sæti.

Í umfjöllun samtakanna um Ísland segir, rétt eins og nokkur undanfarin ár, að starfsumhverfi blaðamanna hafi farið versnandi árum saman þar sem samskipti stjórnmálamanna og fjölmiðla hafi súrnað.

Auglýsing

Þá segir að efnahagshrunið árið 2008 hafi haft mikil áhrif á fjölmiðla, grafið undan rekstrarforsendum þeirra og sömuleiðis getu þeirra til þess að standast þrýsting frá hagsmunahópum.

Á sama tíma hafi traust til fjölmiðla þó aukist og hlutverk þeirra sem stoðir lýðræðis styrkst. Íslensk löggjöf verndi blaðamenn og tjáningarfrelsið, en meginvandamál íslenskra fjölmiðla haldi áfram að vera skortur á fjármagni. Þess er getið að verið sé að ræðja nýja löggjöf um styrki til einkarekinna fjölmiðla.

Fjallað er um Samherjamálið sérstaklega og segir í umfjöllun samtakanna að sjávarútvegsfyrirtækið hafi árið 2020 farið af stað með fjölmiðlaherferð sem miðaði að því að draga úr trúverðugleika fréttamanna sem fjölluðu um málið.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira úr sama flokkiInnlent