Hagn­aður Íslands­banka á öðrum árs­fjórð­ungi nam 5,9 millj­örðum króna, sem þýðir að hagn­aður hans á fyrstu sex mán­uðum árs­ins nam 11,1 millj­arði. Bank­inn hagn­að­ist um rúm­lega tveimur millj­örðum meira á fyrstu sex mán­uðum árs­ins en hann gerði í fyrra.

Arð­semi eigin fjár bank­ans nam 11,7 pró­sentum á öðrum árs­fjórð­ungi, sem er bæði yfir fjár­hags­legum mark­miðum bank­ans og spám grein­ing­ar­að­ila. Í til­kynn­ingu eru helstu ástæður góðrar afkomu sagðar vera sterk tekju­mynd­un, aðhald í rekstri og jákvæð virð­is­breyt­ing útlána.

Hreinar vaxta­tekjur bank­ans juk­ust um 21,8 pró­sent á öðrum árs­fjórð­ungi miðað við sama tíma­skeið í fyrra og er sú hækkun sögð skýr­ast af hærra vaxtaum­hverfi og stækkun inn- og útlána­safns bank­ans. Vaxta­munur bank­ans var 2,9 pró­sent á tíma­bil­inu, en 2,4 pró­sent á sama tíma í fyrra.

Kostn­að­ar­hlut­fall bank­ans, kostn­aður hans sem hlut­fall af tekj­um, var 42,7 pró­sent sem er lægri kostn­að­ar­hlut­fall en bank­inn ein­setur sér að hafa. Eigið fé bank­ans nam 203,7 millj­örðum króna í lok júní 2022 og var eig­in­fjár­hlut­fall hans 21,5 pró­sent, miðað við 25,3 pró­sent í lok síð­asta árs.

Í til­kynn­ingu frá bank­anum er haft eftir Birnu Ein­ars­dóttur banka­stjóra að Íslands­banka­fólk geti sann­ar­lega verið ánægt með nið­ur­stöð­una á öðrum árs­fjórð­ungi.