Banda­ríski vís­is­sjóð­ur­inn Menlo Ventures leiðir 3 milljón Banda­ríkja­dala fjár­fest­ingu í íslenska hug­bún­að­ar­fyr­ir­tækið Frac­tal 5, sem stofnað var af Guð­mundi Haf­steins­syni, fyrrum yfir­manni vöru­þró­unar hjá Google. Þetta kemur fram í frétta­til­kynn­ingu sem barst fjöl­miðlum fyrr í dag.

Sam­kvæmt til­kynn­ing­unni tekur íslenski fjár­fest­inga­sjóð­ur­inn Crowberry Capi­tal einnig þátt í fjár­fest­ing­unni, sem er ígildi 384 millj­óna króna.

Frac­tal 5 var stofnað árið 2020 og þar starfa nú fjórir starfs­menn, en fyr­ir­tækið seg­ist búast við að bæta við fleiri starfs­mönnum á næst­unni. Gert er ráð fyrir því að frum­út­gáfa af hug­bún­að­ar­lausn fyr­ir­tæk­is­ins fari í próf­anir innan skamms, en hún á að fela í sér tækni til að auð­velda fólki að eiga í sam­skiptum við ein­stak­linga og hópa sem það vill rækta sam­band við, að því er kemur fram í til­kynn­ing­unni.

Með­stofn­andi Guð­mundar í Frac­tal 5 er Björg­vin Guð­munds­son. Í um 13 ár starf­aði hann í fjöl­miðlum á Íslandi, síð­ast sem rit­stjóri Við­skipta­blaðs­ins. Í byrjun 2014 keypti hann ásamt fleirum KOM ráð­gjöf og starf­aði þar sem ráð­gjafi fram til árs­ins 2020. Þá lét hann af dag­legum störfum fyrir KOM og tók við sem stjórn­ar­for­maður fyr­ir­tæk­is­ins.

Ásamt Guð­mundi og Björg­vin starfa Sara Björk Más­dóttir og Krist­ján Ingi Mika­els­son hjá Frac­tal 5. Sara flutti frá Kís­ildalnum í Kali­forníu í ágúst 2020 og hóf þá strax störf hjá fyr­ir­tæk­inu. Krist­ján Ingi er fyrr­ver­andi fram­kvæmda­stjóri Raf­mynta­ráðs Íslands, en hann gegndi því starfi frá 2018 til síð­asta árs.

Frá rit­stjórn: Guð­mundur Haf­steins­son á 4,83 pró­senta hlut í Kjarn­an­um.