Við lifum sögu­lega tíma, ekki aðeins hér á landi, heldur ekki síðar erlend­is. Rit­stjórn Kjarn­ans fylgist vel með gangi mála, og má hér að neðan finna umfjall­anir sem að mati rit­stjórnar eru vand­að­ar, áhuga­verðar og skemmti­leg­ar, hver með sínum ólíka hætti.

„Snill­ing­ur­inn“ John Nash

„Þessi náungi er snill­ing­ur.“ Þetta var það eina sem stóð í með­mæla­bréfi John Nash, þegar hann sótt­ist eftir því að kom­ast inn í hag­fræði­deild Princeton háskól­ans. Nash og kona hans Alicia, lét­ust í bílslysi, 24. maí síð­ast­lið­inn. Nash var 86 ára gam­all og kona hans 82 ára. Nash glímdi í ára­tugi við geð­klofa, en hann fékk Nóbels­verð­launin í hag­fræði 1994 fyrir kenn­ingar sínar í leikja­fræði stærð­fræð­inn­ar. Kvik­myndin A Beauti­ful Mind, sem fékk Ósk­arsverð­launin 2002, fjallar um ævi Nash, hæfi­leika hans á sviði stærð­fræði og bar­átt­una við geð­klofa. John Mori­ar­ty, pró­fessor við Manchester háskóla, skrifar um Nash á vef breska rík­is­út­varps­ins BBC, þar sem hann segir að vinna Nash nýt­ist dag­lega við hin ýmsu úrslausn­ar­efni, meðal ann­ars þegar kæmi að því að leysa vanda Grikk­lands.

Merki­legur maður sem fjallað er um með áhuga­verðum hætti.

Leik­stjórn­and­inn hættur

Xavi Hern­andéz, leik­stjórn­and­inn frá­bæri hjá Barcelona, hefur leikið sinn síð­asta heima­leik fyrir félag­ið. Hann hefur leikið 826 leiki fyrir félagið á sautján keppn­is­tíma­bil­um, og vann 25 titla með félag­inu, auk þess hefur hann tvisvar orðið Evr­ópu­meist­ari með Spáni og einu sinni Heims­meist­ari. Tveir leikir eru enn eftir af tíma­bil­inu, úrslit í Spán­ar­bik­arnum og Meist­ara­deild Evr­ópu. Síð­asti heima­leikur Xavi var 2-2 jafn­tefli gegn Deporti­vo. Árið 2011 birt­ist ítar­legt við­tal við Xavi í The Guar­dian, þar sem hann fjall­aði um sýn sína á lífið og til­ver­una, og vita­skuld fót­bolt­ann. Hann hefur alla tíð verið mik­ill aðdá­andi Paul Scho­les, og segir að reita­bolti sé besta æfingin af öll­um.

Ótrú­legur fer­ill og magnað við­tal við frá­bæran leik­mann.

This is how Xavi received the Liga 2014/15 trophy #camp­ions­FCB #6raciesXavi pic.twitt­er.com/a­POq6pX3S4

— FC Barcelona (@FCBarcelona) May 23, 2015

Þeir launa­hæstu

New York Times tók saman upp­lýs­ingar um launa­hæstu for­stjóra Banda­ríkj­anna setti upp með graf­ískum hætti. Upp­lýs­ing­arnar sýna glögg­lega svim­andi háar töl­ur, og einnig hvernig þær skipt­ast í grunn­laun, bónusa og kaup­rétti. Aðeins ein kona kemst á lista yfir launa­hæsta fólk­ið, það er Marissa A. Mayer, for­stjóri Yahoo.

Góð graf­ísk fram­setn­ing.