Rík­is­stjórnir Ung­verja­lands, Írlands og Eist­lands hafa allar til­kynnt að þær muni sam­þykkja inn­leið­ingu 15 pró­senta alþjóð­legs lág­marks­skatts á stór­fyr­ir­tæki, verði hann að veru­leika. Með þessum yfir­lýs­ingum er lík­legt að Evr­ópu­sam­bandið sam­þykki inn­leið­ing­una í heild sinni, þar sem löndin þrjú voru helstu and­stæð­ingar slíkrar skatt­lagn­ing­ar. Þetta kemur fram í frétt New York Times frá því fyrr í dag.

Fjár­mála­ráð­herra Írlands, Pascal Donohue, til­kynnti í gær að rík­is­stjórnin myndi skrifa undir stuðn­ings­yf­ir­lýs­ingu frá OECD um skatt­lagn­ing­una, en fyr­ir­tækja­skattur þar í landi nemur aðeins 12,5 pró­sentum þessa stund­ina. Sam­kvæmt Donohue er fyr­ir­hug­aða skatt­lagn­ingin mynd sann­gjörn mála­miðlun á hug­mynd­inni, en ein­ungis fyr­ir­tæki með tekjur sem nema yfir 750 millj­örðum evra þurfa að greiða skatt­inn.

Mathias Cor­mann, aðal­rit­ari OECD, til­kynnti svo á Twitt­er-­síð­unni sinni í gær að Eist­land, sem er einnig lág­skatta­land, hafi einnig skrifað undir yfir­lýs­ing­una. Sam­kvæmt New York Times und­ir­rit­aði eist­neska rík­is­stjórnin eftir að hafa full­vissað sig um að skatt­lagn­ingin myndi ekki koma sér illa fyrir sprota­fyr­ir­tæki í land­inu.

Fyrr í dag til­kynnti svo Viktor Orbán, for­sæt­is­ráð­herra Ung­verja­lands, að rík­is­stjórnin þar myndi einnig sam­þykkja skatt­lagn­ing­una, að því gefnu að þeir fengju tíu ár til að inn­leiða skatt­inn í stað fimm ára. Núgild­andi fyr­ir­tækja­skattur þar í landi nemur ein­ungis níu pró­sent­um.

Búist er við því að samn­ingur um skatt­lagn­ing­una verði full­gerður í næstu viku í Was­hington, þegar fjár­mála­ráð­herrar G20-­ríkj­anna koma sam­an. Sam­kvæmt New York Times er svo lík­legt að samn­ing­ur­inn verði und­ir­rit­aður á ráð­stefnu ríkj­anna í Róm í lok mán­að­ar­ins.