Lágur smitfjöldi talinn mikilvægur fyrir heilsu og hagsmuni ferðaþjónustu

Ótti við að lenda á rauðum listum sóttvarnayfirvalda í Evrópu og Bandaríkjunum var tekinn inn í heildarhagsmunamat ríkisstjórnarinnar varðandi nýjar sóttvarnaráðstafanir innanlands. Á morgun verður mannlífið heft á ný vegna veirunnar.

Ferðamenn við Skógafoss.
Ferðamenn við Skógafoss.
Auglýsing

Nýjar sótt­varna­ráð­staf­anir sem snerta dag­legt líf lands­manna taka gildi á mið­nætti og eiga að vera í gildi til 13. ágúst, sam­kvæmt reglu­gerð heil­brigð­is­ráð­herra. Þrátt fyrir að for­sæt­is­ráð­herra hafi sagt við Frétta­blaðið fyrr í vik­unni að ekki væri „hægt að draga bara sömu aðgerðir upp úr poka“ eru þær aðgerðir sem verða í gildi frá og með morg­un­deg­inum kunn­ug­legar öllum lands­mönn­um.

Fjölda­tak­mark­anir munu mið­ast við 200 manns í hverju hólfi, bæði úti og inni og eins metra nánd­ar­regla hefur verið tekin upp. Þá verður krám og veit­inga­stöðum meinað að selja áfengi eftir kl. 23 á kvöldin og þurfa að vera búin að vísa gestum sínum út og skella í lás fyrir mið­nætti. Grímu­skylda verður tekin upp að nýju í þeim aðstæðum inn­an­húss þar sem ekki er hægt að tryggja eins met­ers fjar­lægð á milli fólks. Einnig verður grímu­skylda í almenn­ings­sam­göng­um.

Óvissa um vörn við­kvæmra gegn alvar­legum veik­indum

Þórólfur Guðna­son sótt­varna­læknir segir í minn­is­blaði sínu til ráð­herra, þar sem aðgerð­irnar voru lagðar til, að erlendar upp­lýs­ingar sýni að þau bólu­efni sem notuð eru á Íslandi virð­ist vernda um 60 pró­sent full­bólu­settra gegn smiti af völdum delta-af­brigðis veirunnar og yfir 90 pró­sent vernd gegn alvar­legum veik­ind­um.

Auglýsing

„Nýjar upp­lýs­ingar frá Ísr­ael benda hins vegar til að vernd bólu­efnis Pfizer geti jafn­vel verið enn minni en að framan greinir bæði gegn öllu smiti og alvar­legum veik­ind­um,“ segir jafn­framt í minn­is­blaði Þór­ólfs. Sótt­varna­lækn­ir­inn segir að afleið­ingar þess að smit ber­ist í við­kvæma hópa hér­lend­is, bólu­setta og óbólu­setta, séu ófyr­ir­séðar og hætta sé á „al­var­legum afleið­ing­um.“ Fjórir eru í dag inn­lagðir á sjúkra­hús með COVID-19.

Þórólfur Guðnason sóttvarnalæknir. Mynd: Almannavarnir

Bjarni Bene­dikts­son fjár­mála­ráð­herra sagði við Stöð 2 eftir rík­is­stjórn­ar­fund­inn á Egils­stöðum í gær að sterk rök hefðu þurft að liggja fyrir því að grípa til hertra aðgerða inn­an­lands og hverfa þannig frá þeirri aflétt­ing­ar­á­ætlun sem kynnt var á vor­mán­uðum og lauk fyrir mán­uði síðan með algjöru afnámi allra tak­mark­ana á dag­legt líf lands­manna, í ljósi góðs gangs bólu­setn­inga.

„Þau eru komin fram að hálfu sótt­varna­yf­ir­valda með vísan í vöxt smita og óvissu með það hversu greiða leið þau smit eiga inn í við­kvæma hópa. Við tökum mark á því nún­a,“ sagði Bjarni við Stöð 2. Hann sagð­ist horfa á aðgerð­irnar nú sem „var­úð­ar­ráð­stöf­un“ og að við þyrftum að átta okkur á því að hversu alvar­legar fylgdu því að bólu­settir væru að smit­ast af delta-af­brigð­inu.

Hags­munir af því að lenda ekki á rauðum listum

Í umræð­unni und­an­farna daga hefur all­víða verið kallað eftir því að stjórn­völd horfi til heild­ar­hags­muna við ákvarð­anir um nýjar sótt­varna­ráð­staf­anir inn­an­lands. Það er, ekki ein­ungis til mögu­legrar óvissu af heilsu­fars­legum afleið­ingum far­ald­urs heldur einnig til þeirra áhrifa sem tak­mark­anir inn­an­lands hafa á efna­hags­líf­ið.

Ljóst er að margir verða fyrir fjár­hags­legu tjóni nú þegar ákveðið hefur verið að banna fjöl­mennar sam­komur fólks og stytta opn­un­ar­tíma skemmti­staða.

Sú staða er þó uppi ferða­þjón­ustan á Íslandi, sem orðið hefur fyrir miklum skakka­föllum í far­aldr­in­um, hefur ríka hags­muni af því að böndum verði komið á útbreiðslu smita inn­an­lands. Í Morg­un­blað­inu í dag er rætt við þrjá aðila í ferða­þjón­ustu sem segja allir í kór að það skipti miklu máli að Ísland lendi ekki á rauðum listum varð­andi stöðu far­ald­urs­ins inn­an­lands.

Ferðamenn við Jökulsárlón.

Alls 95 smit greindust í gær og 14 daga nýgengi smita inn­an­lands á hverja 100 þús­und íbúa er nú komið upp í 111. Ekki þarf marga daga með slíkum tölum til við­bótar til þess að Ísland lendi verði rautt á korti sótt­varna­yf­ir­valda í Evr­ópu og á lista stjórn­valda í Banda­ríkj­unum yfir ríki sem ekki ætti að ferð­ast til.

„...ef Ísland verður allt í einu rautt og talið vera háá­hættu­svæði þá myndi það hafa miklar afleið­ing­ar. Það stoppar frekar fólk að kom­a,“ segir Stein­grímur Birg­is­son for­stjóri Bíla­leigu Akur­eyrar og Hölds í sam­tali við blað­ið. Davíð Torfi Ólafs­son fram­kvæmda­stjóri Íslands­hót­ela tekur í svip­aðan streng og segir að það sé „lita­kóð­inn sem þetta allt snýst um í raun og veru,“ því ef við hættum að vera „græn“ á kort­inu megi fólk frá vissum löndum ekki ferð­ast hing­að.

Katrín Jak­obs­dóttir for­sæt­is­ráð­herra nefndi í sam­tali við RÚV í gær að ein af ástæð­unum fyrir því að rík­is­stjórnin hefði tekið ákvörðun um að grípa til tak­mark­ana inn­an­lands nú væri að það væri mik­il­vægt að Ísland lenti ekki á rauðum lista.

„Við erum að horfa til þess að það skipti miklu máli að halda þessum smit­fjölda niðri. Það er líka mik­il­vægt, ekki bara fyrir sam­fé­lagið og heilsu okkar allra, heldur líka það að Ísland lendi ekki á rauðum lista,“ sagði Katrín.

Ráð­legg­ingar sótt­varna­yf­ir­valda og hags­munir ferða­þjón­ust­unnar virð­ast því, ef til vill í fyrsta sinn síðan far­ald­ur­inn hófst í upp­hafi árs 2020, ganga hönd í hönd, hvað þessar nýju sótt­varna­ráð­staf­anir inn­an­lands varð­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Utanríkisráðherra Bandaríkjanna, Antony Blinken, á blaðamannafundi með utanríkisráðherra Þýskalands, Annalena Baerbock, fyrr í dag.
Hvað gerist ef Rússland ræðst inn í Úkraínu?
Bandaríkjaforseti gerir nú ráð fyrir að rússneski herinn muni ráðast inn í Úkraínu. Evrópusambandið, Bretland og Bandaríkin hóta því að grípa til harðra aðgerða, verði innrásin að veruleika.
Kjarninn 20. janúar 2022
Hinrik Örn Bjarnason er framkvæmdastjóri N1.
N1 Rafmagn biðst velvirðingar og ætlar að endurgreiða mismun frá 1. nóvember
„Við störfum á neyt­enda­mark­aði og tökum mark á þeim athuga­semdum sem okkur ber­ast og biðj­umst vel­virð­ingar á því að hafa ekki gert það fyrr,“ segir í yfirlýsingu frá N1 Rafmagni, sem hefur verið gagnrýnt fyrir tvöfalda verðlagningu á raforku.
Kjarninn 20. janúar 2022
Þorbjörn Guðmundsson
Katrín, kemur réttlætið kannski á næsta ári eða þar næsta ári?
Kjarninn 20. janúar 2022
Arndís Anna Kristínardóttir Gunnarsdóttir þingmaður Pírata er fyrsti flutningsmaður frumvarpsins.
Þeir sem fá dvalarleyfi hér á landi á grundvelli mannúðarsjónarmiða verði heimilt að vinna
Þingmenn fjögurra stjórnarandstöðuflokka vilja að útlendingar sem hafa fengið dvalarleyfi á grundvelli mannúðarsjónarmiða eða vegna sérstakra tengsla við Ísland verði undanþegnir kröfu um tímabundið atvinnuleyfi hér á landi.
Kjarninn 20. janúar 2022
Þórdís Lóa Þórhallsdóttir er formaður borgarráðs Reykjavíkurborgar.
Borgin skoðar að selja Malbikunarstöðina Höfða sem er að flytja í Hafnarfjörð
Á fundi borgarráðs í dag var samþykkt að láta skoða sölu á malbikunarstöð sem borgin hefur átt í meira en 80 ár og hefur lengi verið þyrnir í augum margra. Stöðin var með 91 prósent markaðshlutdeild í malbikun í höfuðborginni um tíma.
Kjarninn 20. janúar 2022
Framleiðni eykst með meiri fjarvinnu
Aukin fjarvinna hefur bætt framleiðni skrifstofustarfsmanna vestanhafs um fimm til átta prósent. Búist er við að bandarískir vinnustaðir leyfi að meðaltali tvo fjarvinnudaga í viku að faraldrinum loknum.
Kjarninn 20. janúar 2022
Einungis tveir ráðherrar til svara á þingi – Vonbrigði, óforskammað og óásættanlegt
Stjórnarandstaðan var ekki sátt við ráðherra ríkisstjórnarinnar á Alþingi í morgun en tveir ráðherrar af tólf voru til svara í óundirbúnum fyrirspurnatíma. „Þetta minnir mig á það andrúmsloft sem var hér fyrir hrun þegar ráðherraræðið var algjört.“
Kjarninn 20. janúar 2022
Jónas Þór Guðmundsson stjórnarformaður Landvirkjunar og fyrrverandi formaður kjararáðs er einn þriggja sem sækjast eftir dómaraembættinu í Strassborg.
Stjórnarformaður Landsvirkjunar og tvö til sækjast eftir dómaraembætti við MDE
Þrjár umsóknir bárust frá íslenskum lögfræðingum um stöðu dómara við Mannréttindadómstól Evrópu. Þing Evrópuráðsins tekur ákvörðun um skipan í embættið. Stjórnarformaður Landsvirkjunar er á meðal umsækjenda.
Kjarninn 20. janúar 2022
Meira úr sama flokkiInnlent