Ný þjóð­hags- og verð­bólgu­spá Lands­bank­ans fyrir næstu þrjú árin gerir ráð fyrir að 800 þús­und erlendir ferða­menn komi til lands­ins í ár. Þetta eru með bjart­sýn­ustu spám um fjölda ferða­manna sem íslenskir grein­ing­ar­að­ilar hafa gefið út.

Sam­kvæmt spánni mun lands­fram­leiðsla aukast um 4,9 pró­sent í ár, að mestu leyti vegna vaxtar í útflutn­ingi. Í síð­ustu hag­spá Lands­bank­ans, sem kom út í októ­ber í fyrra, var gert ráð fyrir komu 650 þús­und ferða­manna. Þar var einnig búist við tölu­vert minni hag­vexti, eða 3,4 pró­sent­um, og var það að stórum hluta vegna minni fjölda ferða­manna.

Í síð­ustu þjóð­hags­spá Íslands­banka, sem kom út í lok jan­ú­ar, var hins vegar gert ráð fyrir að 700 þús­und ferða­menn myndu sækja landið heim í ár í lík­leg­ustu sviðs­mynd­inni. Bank­inn birti þó einnig bjart­ari sviðs­mynd, þar sem gert var ráð fyrir að ein milljón ferða­manna kæmi til lands­ins og svart­ari sviðs­mynd þar sem gert var ráð fyrir komu 450 þús­und ferða­manna.

Seðla­bank­inn bjóst einnig við komu 700 þús­und ferða­manna í síð­ustu Pen­inga­málum bank­ans, sem komu út í febr­ú­ar. Bank­inn hafði þá fært niður vænt­ingar sínar um ferða­manna­fjölda frá nóv­em­ber­spá sinni, þar sem hann taldi að 750 þús­und þeirra kæmu til lands­ins í ár.