Landsbankinn hagnaðist um 14,1 milljarð á fyrri helmingi árs

Landsbankinn hagnaðist um 6,5 milljarða króna á öðrum ársfjórðungi. Bankastjórinn segir uppgjör bankans á fyrri helmingi árs hafa verið afar gott og bankinn sé vel í stakk búinn til að mæta áframhaldandi COVID-óvissu.

Hagnaður Landsbankans á fyrri helmingi árs nam 14,1 milljarði króna.
Hagnaður Landsbankans á fyrri helmingi árs nam 14,1 milljarði króna.
Auglýsing

Landsbankinn hagnaðist um 6,5 milljarða króna á öðrum ársfjórðungi og því alls um 14,1 milljarð króna á fyrri helmingi ársins. Á sama tímabili í fyrra tapaði bankinn 3,3 milljörðum króna.

Þetta kemur fram í uppgjöri bankans, sem birt var í hádeginu í dag. Arðsemi eigin fjár bankans á fyrstu 6 mánuðum ársins hefur verið 10,8 prósent á ársgrundvelli, en var neikvæð um 2,7 prósent á sama tímabili árið 2020. Eigið fé bankans var 267,9 milljarðar þann 30. júní og eiginfjárhlutfallið hans var 25,1 prósent.

Bankinn segir frá því að kostnaður sem hlutfall af tekjum hafi verið 43,7 prósent á fyrri helmingi ársins og hagkvæmni í rekstri bankans, sem er í fullri eigu íslenska ríkisins, hafi haldið áfram að aukast. Rekstrarkostnaður bankans nam 13 milljörðum króna á fyrri helmingi árs og hafa laun og launatengd gjöld lækkað um 153 milljónir króna frá fyrri helmingi ársins 2020.

Auglýsing

Markaðshlutdeild bankans á einstaklingsmarkaði slagar upp í tæp 39 prósent og hefur aldrei verið hærri, samkvæmt uppgjörstilkynningu bankans.

Í góðri stöðu til að bregðast við áframhaldandi óvissu

Lilja Björk Einarsdóttir bankastjóri Landsbankans segir uppgjörið afar gott og rekur að heimsfaraldurinn hafi ekki valdið bankanum eins miklum skakkaföllum og ef til vill var útlit fyrir síðasta vor.

Fram kemur í árshlutareikningi bankans að þó hafi bókfært virði útlána með virk greiðslufrestunarúrræði numið 90,5 milljörðum króna þann 30. júní. Þar af voru 71,6 milljarða króna útlán til fyrirtækja í ferðaþjónustu.

„Um mitt ár 2020 settum við verulegar fjárhæðir í varúðarsjóð vegna mögulegra útlánatapa en vegna betri stöðu í efnahagslífinu og fárra vanefnda eru virðisbreytingar útlána nú jákvæðar og varúðarsjóður lækkar á árinu. Bankinn er eftir sem áður í góðri stöðu til að takast á við áframhaldandi óvissu og bregðast við áhrifum Covid-19-faraldursins,“ er haft eftir Lilju Björk í fréttatilkynningu frá bankanum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Sajid Javid heilbrigðisráðherra Bretlands tók við af Matt Hancock fyrr í sumar.
Biðst afsökunar á að hafa sagt fólki að hætta að „hnipra sig saman“ andspænis veirunni
Sajid Javid heilbrigðisráðherra Bretlands segist hafa notað óheppilegt orðfæri til að lýsa því hvernig landar hans þyrftu að fara að lifa með veirunni, í ljósi útbreiddra bólusetninga.
Kjarninn 25. júlí 2021
DÓTTIR er stuttmynd um ást, þráhyggju og brotna sjálfsmynd.
Stuttmyndin DÓTTIR er „ástarbréf til Íslands“
Sofia Novakova, leik- og kvikmyndagerðarkona frá Slóvakíu, er þessa dagana að taka upp stuttmyndina DÓTTIR hér á landi. Safnað er fyrir útgáfu myndarinnar á Karolina Fund.
Kjarninn 25. júlí 2021
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Meira úr sama flokkiInnlent