Hag­fræði­deild Lands­bank­ans og Grein­ing Íslands­banka spá því að stýri­vextir Seðla­bank­ans muni hækka um 0,75 pró­sentu­stig á mið­viku­deg­inum í næstu viku. Þetta kemur fram í grein­ingum þeirra sem birt­ust núna í morg­un.

Sam­kvæmt Íslands­banka munu þrír þættir vega þungt í næstu stýri­vaxta­á­kvörðun pen­inga­stefnu­nefndar Seðla­bank­ans: Versn­andi verð­bólgu­horf­ur, hækkun verð­bólgu­vænt­inga og ágætar efna­hags­horf­ur. Þó telur grein­ing­ar­deildin að nefndin muni vænt­an­lega líka horfa til áhrifa á skuld­sett heim­ili og við­kvæmar atvinnu­grein­ar.

Líkt og Kjarn­inn hefur áður greint frá telur Íslands­banki að stýri­vextir muni hækka all­veru­lega á næstu miss­erum, en hann gerir ráð­fyrir að þeir verði 3,25 pró­sent í lok árs­ins. Eftir tvö ár er svo búist við að vext­irnir verði komnir upp í lang­tíma­jafn­vægi í fjórum pró­sent­um.

Í hag­sjá Lands­bank­ans segir að kjöl­festa verð­bólgu­vænt­inga hafi veikst tölu­vert á síð­ustu mán­uð­um. Nú búast heim­ili við því að verð­bólgan eftir fimm ár verði 3,5 pró­sent, en fyr­ir­tæki gera ráð að verð­bólgan verði fjögur pró­sent í árs­lok. Sam­kvæmt bank­anum er sér­stak­lega mik­il­vægt að halda verð­bólgu­vænt­ingum fyr­ir­tækja í skefj­um, þar sem fyr­ir­tækin ákveða verð á allri vöru og þjón­ustu.