Lárus Weld­ing, fyrr­ver­andi for­stjóri Glitnis banka, hefur skrifað bók sem ber heitið „Upp­gjör banka­manns“ og kemur út í lok þess­arar viku. Greint er frá þessu í Morg­un­blað­inu í dag. Þar segir að í kynn­ingu á bók­inni segi að það hafi ekki legið fyrir þegar Lárus var ráð­inn for­stjóri Glitnis að „fram undan væri rúm­lega ára­tugar löng bar­átta í íslenska rétt­ar­kerf­inu þar sem ákæru­valdið gekk mjög hart fram á meðan Lárus gaf allt sitt í vörn­ina“.

Um er að ræða fyrstu bók­ina sem æðsti stjórn­andi eins þeirra banka sem féllu í banka­hrun­inu haustið 2008 gefur út. Áður höfðu stórir eig­endur slíkra banka þó gefið út bækur þar sem þeir lýsa sinni hlið. Þar er um að ræða Jón Ásgeir Jóhann­es­son, fyrr­ver­andi aðal­eig­anda Glitnis sem gaf út bók­ina „Málsvörn“ í byrjun árs í fyrra, og Björgólf Thor Björg­ólfs­son, sem gaf út „Billions to Bust – and Back“ alþjóð­lega árið 2014.

Lárus var ákærður í fjórum hrun­mál­um. Hann var sýkn­aður í svoköll­uðu Vafn­ings­máli í Hæsta­rétti í febr­úar 2014 en sak­felldur í mark­aðs­mis­notk­un­ar­máli gagn­vart nokkrum stjórn­endum Glitnis í hér­aðs­dómi í mars 2018 og áfrýj­aði ekki þeirri nið­ur­stöðu. Þá var hann end­an­lega sýkn­aður í svoköll­uðu Aur­um-­máli í Lands­rétti í októ­ber 2018 en sak­felldur í svoköll­uðu Stím-­máli í Lands­rétti í júní 2020. Síð­asti dóm­ur­inn í hrun­máli gegn Lárusi féll því næstum tólf árum eftir að Glitnir féll í októ­ber 2008.

„Ís­lend­ing­ar, einir þjóða, fóru mark­visst á eftir starfs­mönnum bank­anna“

Lárus sætti gæslu­varð­haldi um tíma á árinu 2011 eftir að hafa verið hand­tek­inn í tengslum við meint brot í tengslum við störf hans hjá Glitni. Upp­haf­lega var hann dæmdur í fimm ára fang­elsi fyrir hlut sinn í Stím mál­inu og í hér­aði fékk hann eins árs dóm fyrir Aur­um-­mál­ið, en refsiramm­inn fyrir efna­hags­brot er sex ár. Þegar þriðja nið­ur­staðan féll á fyrsta dóm­stigi, í mark­aðs­mis­notk­un­ar­mál­inu, var honum því ekki gerð frek­ari refs­ing. Þeirri nið­ur­stöðu ákvað Lárus að una. 

Hann var svo, líkt og áður sagði, sýkn­aður í Lands­rétti í Aurum mál­inu og þegar Lands­réttur dæmdi hann sekan í Stím-­mál­inu var fimm ára refs­ing hans gerð skil­orðs­bundin þar sem mála­rekst­ur­inn hafði dreg­ist úr hömlu. Því var Lárusi á end­anum ekki gert að sæta fang­els­is­vist utan þess tíma sem hann sat í gæslu­varð­haldi.

Lárus var ein­ungis þrí­tugur þegar hann var ráð­inn for­stjóri Glitnis vorið 2007. Hann hafði áður starfað sem fram­kvæmda­stjóri hjá Lands­banka Íslands í London og hjá Íslands­banka-FBA.

Í frétt Morg­un­blaðs­ins um útgáfu bók­ar­innar kemur fram hún gefi mik­ils­verða sýn þeirra sem störf­uðu í fjár­mála­kerf­inu og að Lárus varpi ljósi á efna­hags­hrunið og tengsl þess við hina alþjóð­legu fjár­málakreppu. „Í bók­inni fjallar Lárus um ýmis­legt sem aflaga fór innan íslenska rétt­ar­kerf­is­ins í tengslum við eft­ir­leik hruns­ins en Íslend­ing­ar, einir þjóða, fóru mark­visst á eftir starfs­mönnum bank­anna. Fram kemur í bók­inni að Lárus hafði rétt­ar­stöðu sak­born­ings í rúman ára­tug. Hann segir þar frá upp­lifun sinni af því þegar hann sætti gæslu­varð­haldi, hler­un­um, hús­leit­um, margra vikna yfir­heyrslum og loks fjórum ákær­um.“