Evr­ópska mark­aðs­verðið fyrir eitt kíló af laxi nemur nú tæpum 1.600 íslenskum krónum og hefur það ekki verið hærra í að minnsta kosti fimm ár. Fisk­ur­inn, sem kost­aði undir þús­und krónur kílóið í byrjun árs, hefur hækkað um rúm 60 pró­sent í verði frá febr­ú­ar­lok­um. Þetta kemur fram í tölum frá evr­ópska fisk­mark­aðnum Fis­hpool, sem nálg­ast má hér.

Hæg og stöðug hækkun fyrri árin

Sam­kvæmt töl­unum hefur mark­aðs­verðið á laxi hækkað nokkuð á síð­ustu árum, en þó með til­tölu­lega stöð­ugum hætti. Árið 2018 var það komið upp í tæpar 700 krónur kíló­ið, en ári seinna mæld­ist það í rúmum 800 krónum.

Þró­un­ina má sjá á mynd hér að neð­an, sem er unnin út frá gögnum Fis­hpool og geng­is­skrán­ingum Seðla­bank­ans. Líkt og sést á henni nam kíló­verðið um 900 krónum árið 2020, en var svo komið upp í um 940 krónur í byrjun árs 2021. Um síð­ustu ára­mót var lax­inn svo orð­inn átta pró­sentum dýr­ari og kost­aði kílóið af honum rúm­lega þús­und krón­ur.

Sam­hliða þess­ari verð­hækkun högn­uð­ust ýmis lax­eld­is­fyr­ir­tæki tölu­vert. Þeirra á meðal var Icelandic Salmon, móð­ur­fé­lag Arn­ar­lax á Vest­fjörð­um, en hagn­aður fyr­ir­tæk­is­ins jókst um tæpan helm­ing á milli áranna 2020 og 2021, úr 407 millj­ónum í 563 millj­ónir íslenskra króna. Í frétta­til­kynn­ingu sam­hliða birt­ingu árs­reikn­ings fyrr í vik­unni sagði félagið aukn­ing­una meðal ann­ars vera til­komna vegna hag­stæðra mark­aðs­að­stæðna fyrir laxa­af­urð­ir.

Spreng­ing eftir inn­rás­ina

Í byrjun þessa árs hélst kíló­verðið á laxi á Fis­hpool nær óbreytt í nær tvo mán­uði. Á síð­ustu dögum febr­ú­ar­mán­að­ar, skömmu eftir inn­rásar Rúss­lands í Úkra­ínu, tók það svo að hækka hratt. Frá mars­byrjun hefur verðið svo að með­al­talið hækkað um sex pró­sent á viku og er það nú komið í um 1.600 krónur kíló­ið.

Björn Hem­bre, for­stjóri Icelandic Seafood, sagð­ist ekki búast við að yfir­stand­andi verð­hækk­anir myndu halda lengi áfram. Lík­legt væri að verðið myndi jafna sig og jafn­vel lækka eitt­hvað þegar líður á árið.