Léleg einkunn frá Samtökunum ‘78 þýðir ekki að flokkar standi gegn hinsegin fólki

Samkvæmt svörum frá öllum flokkum til Samtakanna '78 vilja þeir styðja við réttindabaráttu hinsegin fólks. Stefnur flokkanna fengu þó afar ólíkar einkunnir í huglægu mati stjórnar samtakanna. Engin stig voru gefin fyrir almennar stefnur um mannréttindi.

Samtökin '78 birtu mat sitt á stefnu flokkanna í málefnum hinsegin fólks á fimmtudaginn. Mynd úr safni.
Samtökin '78 birtu mat sitt á stefnu flokkanna í málefnum hinsegin fólks á fimmtudaginn. Mynd úr safni.
Auglýsing

Stjórn Samtakanna ‘78 kynnti á fimmtudag mat sitt á stefnu flokkanna með tilliti til málefna hinsegin fólks, en um var að ræða huglægt mat stjórnarinnar á þeim stefnum sem flokkarnir hafa birt opinberlega, kosningastefnur og aðrar ályktanir.

Flokkarnir komu afar misjafnlega út úr því mati. Samfylkingin, Píratar, Vinstri græn, Viðreisn og Sósíalistaflokkurinn skoruðu á bilinu 77-55 prósent á kvarðanum, sem náði upp í 100, á meðan að Flokkur fólksins, Framsóknarflokkurins og Frjálslyndi lýðræðisflokkurinn fengu allir 0 prósent, Miðflokkurinn 3 prósent og Sjálfstæðisflokkurinn 18 prósent.

Þorbjörg Þorvaldsdóttir formaður Samtakanna '78.

Kjarninn heyrði í Þorbjörgu Þorvaldsdóttur, formanni Samtakanna ‘78 til þess að fá útskýringar á aðferðafræðinni að baki matinu og hvernig ætti að túlka niðurstöðurnar.

Þorbjörg segir að tilgangur matsins hafi fyrst og fremst verið að rýna í það hvort flokkarnir væru með sértækar stefnur í málefnum hinsegin fólks. Hún segir að um huglægt mat stjórnarinnar hafi verið að ræða og farið hafi verið yfir stefnur hvers einasta flokks með 23 áhersluatriði í huga. Flokkarnir fengu síðan 0-5 stig fyrir hvert áhersluatriði.

Almennar mannréttindastefnur fengu 0 stig

Hún segir að stjórnin hafi reynt eftir fremsta megni að gæta samræmis á milli þess hvernig flokkarnir voru metnir eftir framlögðum stefnum sínum. Formaðurinn leggur áherslu á að léleg einkunn, jafnvel 0 prósent, þýði síður en svo að flokkarnir séu einhverjir hómófóbar eða standi gegn réttindum hinsegin fólks. Þvert á móti þýði 0 stig í matinu einfaldlega að ekki sé sérstaklega minnst á hinsegin fólk í stefnu flokks.

Almennt orðaðar stefnur um mannréttindi allra fengu þannig engin stig í mati Samtakanna ‘78, heldur einungis þau áhersluatriði í stefnum flokkanna sem töluðu um málefni hinsegin fólks með sértækum hætti.

Leyfðu flokkunum að gera athugasemdir

Þorbjörg segir að stjórn samtakanna hafi sent öllum flokkunum niðurstöðu matsins um síðustu helgi og leyft þeim að koma með athugasemdir og ábendingar, ef stjórninni hefði yfirsést eitthvað í stefnunum sem taka ætti tillit til.

Auglýsing

„Við fengum athugasemdir sem við tókum tillit til og einnig einhverjar sem við tókum ekki til greina,“ segir Þorbjörg og vísar á ný til þess að engin stig hafi verið gefin fyrir að fjalla um mannréttindamál með almennum hætti.

Þverpólitísk sátt um stuðning við réttindabaráttu

Auk þess að greina stefnu flokkanna sendi stjórn samtakanna spurningar á hvern og einn flokk um afstöðu til baráttumála hinsegin fólks. Þorbjörg segist ánægð með þau svör sem þaðan bárust, enda hafi þau sýnt að allir flokkar segist styðja réttindabaráttu hinsegin fólks.

„Mér finnst rosalega mikilvægt að það sé þverpólitísk sátt um þessi málefni á Íslandi,“ segir Þorbjörg.

„Þung mál“ sem brenna á fólki

Samhliða kynningu kosningakvarðans stóðu Samtökin '78 á fimmtudagskvöld fyrir opnum pallborðsumræðum með fulltrúum þeirra flokka sem bjóða fram á landsvísu.

Þorbjörg segir að fundurinn hafi verið gagnlegur og þar hafi verið settar fram „erfiðar spurningar“ um „þung mál sem brenna á hópum innan okkar samfélags, um heilbrigðisþjónustu og hatursglæpi og aðbúnað hinsegin hælisleitenda.“

Hægt er að horfa á streymi frá fundinum í heild sinni hér

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdragandi alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Steinar Frímannsson
Góð, en stundum þokukennd stefna – Umhverfisstefna Viðreisnar
Kjarninn 19. september 2021
Tugir innherjasvikamála órannsökuð þegar Fjármálaeftirlitið hætti rannsóknum
Fyrrverandi rannsakandi á verðbréfasviði Fjármálaeftirlitsins eftir hrun bankakerfisins segir sögu sína í bók sem brátt kemur út í Bretlandi og Bandaríkjunum. Hann segir stór mál enn hafa verið órannsökuð þegar FME slaufaði rannsóknarteymum sínum.
Kjarninn 19. september 2021
Meira úr sama flokkiInnlent