Leynigögn frá Pentagon varpa nýju ljósi á loftárásir Bandaríkjahers

Drónaárásir Bandaríkjahers þar sem fyllstu nákvæmni átti að vera gætt voru í raun margar byggðar á gölluðum upplýsingum, ónákvæmum ákvörðunum og mun fleiri dauðsföllum almennra borgara en upp hefur verið gefið. Þetta sýna leynileg gögn frá Pentagon.

drónaárásir
Auglýsing

Sam­kvæmt upp­lýs­ingum frá banda­rískum her­mála­yf­ir­völdum hafa 1.417 almennir borg­arar látið lífið í loft­árásum gegn íslamska rík­inu (IS­IS) í Sýr­landi og Írak frá 2014 og frá 2018 hafa 188 almennir borg­arar látið lífið í árásum í Afganist­an. Rann­sókn blaða­manna NY Times sýnir hins vegar fram á að dauðs­föllin séu mun fleiri og að stjórn­völd hafi van­metið tölu lát­inna í árásum ítrek­að. Leyni­legu gögnin frá Penta­gon, varn­ar­mála­ráðu­neyti Banda­ríkj­anna, sem blaða­menn NY Times fóru yfir skipta þús­undum og við rann­sókn­ar­vinn­una heim­sóttu þeir einnig yfir hund­rað skot­mörk dróna­árása.

Dæmi um árás þar sem fjöldi dauðs­falla var van­met­inn var til að mynda í árás á Tokhar í Sýr­landi. Rétt fyrir klukkan 3, aðfara­nótt 19 júlí 2016, réðst banda­ríski her­inn á þrjár bæki­stöðvar ISIS í útjaðri smá­þorps­ins Tokh­ar. 85 liðs­menn sam­tak­anna létu­st, að sögn banda­ríska hers­ins, en 24 almennir borg­ar­ar. Leyniskjölin frá Penta­gon sýna hins vegar fram á að yfir 120 almennir borg­arar féllu í árásinni. Í skjöl­unum kemur einnig fram að skot­mörk árás­ar­innar voru hús þar sem fjöl­skyldur höfðu leitað skjóls.

Auglýsing

Fjöl­skylda talin bíl­sprengja og „óþekktur þungur hlut­ur“ reynd­ist vera barn

Dæmin eru fjöl­mörg. Snemma árs 2017 skaut banda­rísk her­flug­vél á dökklit­aðan bíl í Wadi Hajar-hverf­inu í vest­ur­hluta Mósúl í Írak þar sem talið var að um bíl­sprengju var að ræða. Engin sprengja reynd­ist hins vegar í bílnum heldur fjöl­skylda. Majid Mahmoud Ahmed sat við stýrið og með honum í bílnum voru eig­in­kona hans og tvö börn, en þau voru að flýja átök í nágrenn­inu. Þau létu öll lífið í árásinni, auk þriggja ann­arra almennra borg­ara.

Gögnin skipta þúsundum.

Í nóv­em­ber 2015 veitti banda­ríski her­inn manni eft­ir­tekt sem hafði drösl­ast með „óþekktar þungan hlut“ inn á svæði sem ISIS hefur nýtt í hern­að­ar­að­gerðum sínum í Ramadi í Írak. Mað­ur­inn var felldur í árás. Í Penta­gon-skjöl­unum kemur fram að hlut­ur­inn var í raun „smá­byggð mann­eskja,“ eða öllu held­ur: Barn. Barnið lést í árásinni.

Reglur mögu­lega brotnar í einni árás af 1.317

Allar árásir eru yfir­farnar af banda­ríska hernum en í dæm­unum sem hér hafa verið nefnd taldi her­inn að ekki hafi verið um mis­gerðir að ræða eða ranga ákvarð­ana­töku. Aðeins í einu dæmi af 1.311 komst her­inn að þeirri nið­ur­stöðu að mögu­lega hefðu reglur verið brotn­ar. Þá voru bætur aðeins greiddar vegna tíu árása.

Yfir­völd í Banda­ríkj­unum hafa heitið gagn­sæi þegar kemur að loft­árás­um. Barack Obama hóf loft­árásir í Írak, Sýr­landi og Afganistan í sinni valda­tíð og héldu þær áfram í for­seta­tíð Don­alds Trump og voru yfir 50 þús­und tals­ins frá 2014-2020. Rann­sókn NY Times bendir til þess að loft­árásir Banda­ríkja­hers hafi verið byggðar á göll­uðum upp­lýs­ing­um, óná­kvæmri ákvarð­ana­töku og leitt til dauða þús­unda almennra borg­ara, þar á meðal margra barna.

Nið­ur­staða rann­sókn­ar­innar stang­ast á við full­yrð­ingar Banda­ríkja­stjórnar þar sem því hefur verið heitið að dróna­árásir tryggi gagn­sæi og að „stór­kost­leg tækni“ Banda­ríkj­anna myndi tryggja að settu mark­miði sé ávallt náð, það er að ná skot­mark­inu en kom­ast hjá því að drepa börn og almenna borg­ara.

Hér má nálg­ast frétta­skýr­ingu New York Times í heild sinni, sem verður í nokkrum hlutum og hér má nálg­ast öll leyniskjölin frá Penta­gon.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Mette Frederiksen, Ursula van der Leyen forseti framkvæmdastjórnar ESB, Olaf Scholz kanslari Þýskalands, Mark Rutte forsætisráðherra Hollands og Alexander De Croo forsætisráðherra Belgíu hittust í Esbjerg.
Tíu þúsund risastórar vindmyllur
Á næstu árum og áratugum verða reistar 10 þúsund vindmyllur, til raforkuframleiðslu, í Norðursjónum. Samkomulag um þessa risaframkvæmd, sem fjórar þjóðir standa að, var undirritað í Danmörku sl. miðvikudag.
Kjarninn 22. maí 2022
Jódís Skúladóttir þingmaður VG.
Segir náin tengsl á milli hatursglæpa, vændis, kvenhaturs og útlendingahaturs
Þingmaður Vinstri grænna segir að hinsegin fólk sem fellur undir hatt fleiri minnihlutahópa sé útsettara fyrir ofbeldi en annað hinsegin fólk og því sé aldrei hægt að gefa afslátt í málaflokkum sem viðkoma þessum hópum.
Kjarninn 21. maí 2022
Hanna Katrín Friðriksson þingmaður Viðreisnar.
„Hvernig stendur á þessari vitleysu?“
Þingflokksformaður Viðreisnar telur að líta þurfi á heilbrigðiskerfið í heild sinni og spyr hvort það sé „í alvöru til of mikils ætlast að stjórnvöld ráði við það verkefni án þess að það bitni á heilsu og líðan fólks“.
Kjarninn 21. maí 2022
Framsóknarflokkurinn í Mosfellsbæ er í lykilstöðu um myndun meirihluta bæjarstjórnar.
Viðræðum Framsóknarflokksins og Vina Mosfellsbæjar slitið
Framsóknarflokkurinn í Mosfellsbæ tilkynnti Vinum Mosfellsbæjar skömmu fyrir áætlaðan fund þeirra í morgun að ákveðið hefði verið að slíta viðræðum. Líklegast er að Framsókn horfi til þess að mynda meirihluta með Samfylkingunni og Viðreisn.
Kjarninn 21. maí 2022
Gísli Pálsson
„Svartur undir stýri“: Tungutak á tímum kynþáttafordóma
Kjarninn 21. maí 2022
Horft frá toppi Úlfarsfells yfir Blikastaði
Blikastaðir eru „fallegasta byggingarland við innanverðan Faxaflóa“
„Notaleg“ laxveiði, æðardúnn í eina sæng á ári og næstu nágrannar huldufólk í hóli og kerling í bæjarfjallinu. Blikastaðir, ein fyrsta jörðin sem Viðeyjarklaustur eignaðist á 13. öld, á sér merka sögu.
Kjarninn 21. maí 2022
Selur í sínu náttúrulega umhverfi.
Ætla að gelda selina í garðinum með lyfjum
Borgaryfirvöld fundu enga lausn á óviðunandi aðstöðu selanna í Húsdýragarðinum aðra en að stækka laugina. Þeir yngstu gætu átt 3-4 áratugi eftir ólifaða. 20-30 kópum sem fæðst hafa í garðinum hefur verið lógað frá opnun hans.
Kjarninn 21. maí 2022
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Meira úr sama flokkiErlent