Lýsa áhyggjum af „skuggasundum“ og dimmum íbúðum á Heklureit

Tveir arkitektar gagnrýna þéttleika byggðar á hinum svokallaða Heklureit við Laugaveg og segja athugasemdir sínar raunar geta átt við um fleiri þéttingarreiti í borginni. Þeir segja þéttingu byggðar meðfram legu Borgarlínu ekki mega bitna á gæðum íbúða.

Á hinum svokallaða Heklureit sem stendur við Laugaveg stendur til að byggja fjölmargar íbúðir á næstu árum.
Á hinum svokallaða Heklureit sem stendur við Laugaveg stendur til að byggja fjölmargar íbúðir á næstu árum.
Auglýsing

Tveir arki­tektar hjá arki­tekta­stof­unni Glámu Kími segja að það sé „ekki við hæfi á 100 ára afmæl­is­ári fyrstu skipu­lags­lag­anna að stað­festa við­mið líkt og þau sem sett eru fram í deiliskipu­lags­til­lögu fyrir Heklu­reit“ og gera við skipu­lagið all­nokkrar athuga­semd­ir. Þeir segja fyr­ir­hug­aðan þétt­leika íbúða­byggðar of mik­inn og fyrir það muni gæði íbúða og götu­rýmis líða.

Þetta má lesa í umsögn þeirra Jóhann­esar Þórð­ar­sonar og Sig­björns Kjart­ans­sonar við breyt­ingar sem verið er að gera á aðal­skipu­lagi Reykja­víkur fram til árs­ins 2040, en umsagn­ar­frestur við skipu­lags­breyt­ing­arnar rann út í lok ágúst og fékk Kjarn­inn þær afhentar fyrir skemmstu.

Athuga­semdir geti átt við um fleiri reiti

Arki­tekt­arnir tveir segja að þrátt fyrir að athuga­semd­irnar sem þeir setji fram lúti að Heklu­reitnum sér­stak­lega, gætu mörg atriði einnig átt við Orku­reit­inn svo­kall­aða á mörkum Suð­ur­lands­brautar og Grens­ás­vegs og einnig nokkur svæði í nýjum borg­ar­hluta í Elliða­ár­vogi og Ártúns­höfða, sem á að verða eitt helsta vaxt­ar­svæði Reykja­vík­ur­borgar á kom­andi árum, með þéttri byggð í grennd við borg­ar­línu­stöðv­ar.

„Und­an­farin ár hefur verið bent á galla sem hafa komið fram við upp­bygg­ingu fjöl­býl­is­húsa á þétt­ing­ar­reitum hér og þar í borg­inni. Þar virð­ist sem alúð og metnað skorti við að ná fram lág­marks­þörfum um sól­ar­ljós og dags­birtu svo öllum sé gert jafn­hátt undir höfði. Það hafa byggst upp íbúð­ar­kjarnar þar sem stór hluti gólf­flatar margra íbúða fær litla dags­birtu og sólar nýtur jafn­vel ekki við. Skuggi frá aðliggj­andi húsum eða hús­hlutum móta dimm inni­rými sem geta ekki talist við­un­andi. Götur eru nán­ast án sól­ar­ljóss með til­heyr­andi yfir­bragði og drunga. Léleg­ustu íbúð­irnar lenda oftar en ekki hjá þeim sem minnst hafa fjár­ráð og minnsta mögu­leika eiga á að eign­ast eða búa í íbúðum sem geta talist góð­ar. Slíkt fellur ekki undir félags­legan jöfn­uð,“ segir í umsögn arki­tekt­anna.

Borg­ar­lína skálka­skjól?

Í umsögn­inni velta arki­tekt­arnir því upp hvort Reykja­vík­ur­borg sé að fjölga íbúðum og byggðum fer­metrum á hvern hekt­ara á þétt­ing­ar­reitum til að fjár­magna strax þann útlagða kostnað sem Borg­ar­lína krefst. Þeir Jóhannes og Sig­björn segja mik­il­vægt að í aðal­skipu­lag­inu sé skil­greindur rammi fyrir þróun vist­vænna sam­gangna, en það megi ekki vera „á kostnað gæða borg­ar­rýma og íbúða“.

„Í seinni tíð hefur mikið verið talað um hvernig einka­bíl­ism­inn hafði mót­andi áhrif á aðal­skipu­lag Reykja­víkur upp úr miðri síð­ustu öld og leiddi af sér ofvaxin gatna­kerfi, óáhuga­verð borg­ar­rými og lélega land­nýt­ingu. Tíma­bært er að snúa frá þeirri stefnu; en það væri illa ráðið að nota fyr­ir­hug­aða bygg­ingu Borg­ar­línu sem skálka­skjól til að heim­ila upp­bygg­ingu lélegra íbúða- og borg­ar­rýma í þeim til­gangi að auka arð­semi af fjár­fest­ingum við hana,“ segir í umsögn arki­tekt­anna tveggja.

Auglýsing

Þeir Jóhannes og Sig­björn segja að „því miður virð­ist sem að sé hið háa bygg­ing­ar­magn sem sett er fram á Heklu­reit sé rétt­lætt með því að greiða þurfi fyrir Borg­ar­línu með miklu bygg­ing­ar­magni“ og vísa í því sam­hengi til við­tals við einn höf­unda deiliskipu­lags­ins í útvarps­þætt­inum Flakk á Rás 1 í sum­ar.

Þar sagði arki­tekt hjá Yrki arki­tekt­um, sem stóðu að gerð deiliskipu­lags­ins, að mikið væri lagt upp úr þétt­leik­anum á reitnum af hálfu borg­ar­innar til þess að að borgin geti „rekið þessa Borg­ar­lín­u,“ og svo tryggja mætti að hið nýja sam­göngu­kerfi höf­uð­borg­ar­svæð­is­ins bæri sig.

Þröngar og skugg­sælar götur

Í erindi þeirra Jóhann­esar og Sig­björns til borg­ar­innar lýsa þeir því að breidd gatna á jarð­hæð Heklu­reits­ins verði frá 9,5 metrum upp í 10 metra, með einni und­an­tekn­ingu þar sem gatan verði um 12,6 metr­ar. Þetta segja arki­tekt­arnir að segi þó ekki alla sög­una, þar sem skil­málar í deiliskipu­lagi heim­ili allt að tveggja metra útkrag hús­hliða sem snúa að göt­um.

Mynd: Yrki/Úr deiliskipulagstillögu

„Í raun getur það þýtt að það verði 5,5 til 8,5 metrar á milli húsa fyrir ofan aðra hæð. Svo mjó gata milli hárra húsa verður skugga­sund á okkar breidd­argráðu,“ segir í erindi arki­tekt­anna, þar sem einnig segir að svo virð­ist sem „ekk­ert fag­legt mat hafi verið lagt á áhrif vinds (einkum norð­an­átt­ar) á hverfið og gæði mann­lífs í götu­hæð“, einkum á göt­unum sem liggja norð­ur­-­suður og við Lauga­veg.

„Það ber að harma,“ skrifa Jóhannes og Sig­björn, og bæta því við að birtu­skil­yrði í göt­unum bendi ekki til þess að gróður komi þar með að búa við kjörað­stæð­ur, en honum sé sam­kvæmt grein­ar­gerð með skipu­lag­inu ætlað að slá á vind­hvið­ur.

Gagn­rýna að gömul hús verði látin hverfa

Arki­tekt­arnir segja einnig að í húsa­könnun fyrir Heklu­reit­inn hafi verið ein­dregið mælt með því að nokkur mann­virki fengju að njóta vernd­ar, en þrátt fyrir það sé stefnt að nið­ur­rifi þeirra, án þess að nokkur rök séu sett fram fyrir því í deiliskipu­lags­til­lög­unni.

Þetta segja þeir reyndar að hafi „í mörgum til­vikum verið til siðs, og jafn­vel þótt sjálf­sagt“ við útfærslu þétt­ingu byggð­ar, einkum á reitum þar sem fyrir var iðn­aður eða atvinnu­starf­semi.

Í nið­ur­lagi umsagnar sinnar segja þeir Jóhannes og Sig­björn að þétt­ing­ar­stefnan verði að snú­ast um „lífs­gæði, bætt almenn­ings­rými, metn­að­ar­fulla hönn­un, félags­legan jöfnuð og ábyrga umhverf­is­stefnu“ en mega ekki vera frítt spil fyrir fjár­festa og bygg­ing­ar­verk­taka né snú­ast um að fjár­magna Borg­ar­línu á kostnað gæða.

„Við hvetjum til þess að við hönnun nýrra hverfa verði tekið mið af sögu stað­ar­ins, veð­ur­fari, vist­kerfi og bygg­ing­ar­hefð­u­m,“ ­skrifa þeir Jóhannes og Sig­björn.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Eldgosið í Meradölum er mikið sjónarspil, en nú bannað börnum yngri en 12 ára.
Umboðsmaður Alþingis vill fá skýringar frá lögreglustjóra á barnabanninu við eldgosið
Umboðsmaður Alþingis hefur sent bréf á lögreglustjórann á Suðurnesjum með ósk um útskýringar á umdeildu banni við umferð barna yngri en 12 ára upp að gosstöðvunum í Meradölum. Lögreglustjóri hefur sagt ákvörðunina reista á ákvæðum almannavarnarlaga.
Kjarninn 11. ágúst 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Ekki allur munurinn á að kaupa af bankanum eða byggja jafn dýrt hinu megin við götuna
Fjármála- og efnahagsráðherra segir að þegar upp sé staðið þá haldi hann að nýjar höfuðstöðvar Landsbankans, á dýrasta stað í borginni, muni vel geta staðið undir sér. Hann sjái þó ekki neina rökbundna nauðsyn á því að höfuðstöðvar bankans rísi þar.
Kjarninn 11. ágúst 2022
Meira úr sama flokkiInnlent