Maður og kona giftast í Svíþjóð - gagnrýni vinsamlegast afþökkuð

h_52003233-1.jpg
Auglýsing

Þetta hljómar eins og hand­rit að kvik­mynd. Ungur maður situr á kaffi­húsi með vini sínum þegar tvær konur ganga fram­hjá. Sú fyrri þekkir vin­inn en hin horfir feimn­is­lega á unga mann­inn sem starir á móti og heilsar vand­ræða­lega. Þetta var ást við fyrstu sýn og síðan þá hafa þau verið óað­skilj­an­leg – prins­inn og almúga­stúlk­an. Auð­vitað hlaut þetta að vera prins því ann­ars væri sagan ekki jafn góð og auð­vitað er hún húð­flúrað nekt­ar­módel sem hefur tekið þátt í raun­veru­leika­þætti. Nú vantar bara Juliu Roberts í hné­háum leð­ur­stíg­vélum í aðal­hlut­verk­ið, já eða ein­hverja yngri því Julia er komin langt fram yfir síð­asta sölu­dag.

Stundum er raun­veru­leik­inn furðu­legri en kvik­mynd eða kannski eru það bara fjöl­miðl­arnir sem gera ósköp eðli­lega sögu að ein­hverri sýn­ingu. Í gær kvænt­ist Karl Fil­ippus, Sví­a­prins, unnusti sinni Sofiu Hellqvist á björtum og fal­legum sól­ar­degi í Stokk­hólmi. Hann er þriðji í röð­inni að krún­unni á eftir systur sinni Vikt­oríu krón­prinsessu og dóttur hennar Estelle.

Eins og venju­lega þegar um er að ræða stóra atburði í kon­ungs­fjöl­skyld­unni var margra klukku­tíma bein útsend­ing í sænska sjón­varp­inu og dag­blöð og tíma­rit hafa verið full af fréttum af und­ir­bún­ingnum síð­ustu daga og vik­ur. Talið er að brúð­kaupið kosti um 10 millj­ónir sænskra króna eða rétt tæp­lega 160 millj­ónir íslenskra, en þar af er beinn kostn­aður skatt­greið­anda aðeins litlar fjórar millj­ónir sænskra, sem þykir víst vel slopp­ið. Ein af þessum millj­ónum fellur reyndar á lög­regl­una vegna kostn­aðar við lög­gæslu, sem er aðeins brot af þeim 17 millj­ónum sem lög­reglan þurfti að punga út vegna brúð­kaups Vikt­oríu fyrir nokkrum árum.

Auglýsing

Brúðhjónin láta vel hvort að öðru í vitna viðurvist. Mynd: EPA Brúð­hjónin láta vel hvort að öðru í vitna við­ur­vist. Mynd: EPA

Goð­sögnin um jákvæð áhrif og fleiri ferða­menn



Þegar rætt er um kostn­að­inn við brúð­kaupið og reyndar kon­ungs­fjöl­skyld­una alla eru stuðn­ings­menn hennar fljótir að minn­ast á þau jákvæðu áhrif sem hún hefur á ferða­mennsku og ímynd Sví­þjóð­ar. Visit Sweden er eins konar Íslands­stofa Svía og þar vilja menn meina að brúð­kaupið hafi góð áhrif á allt mark­aðs­starf. Fram­kvæmda­stjór­inn sagði í við­tali við SVT að ferða­menn kaupi vörur og þjón­ustu fyrir um 100 millj­arða sænskra króna á ári og að fleiri gestir þýði auknar tekj­ur. Hann pass­aði sig reyndar á því að nefna aldrei beinar tölur í sam­bandi við brúð­kaupið enda skutu þeir langt yfir markið í spá­dómum sínum fyrir brúð­kaup krón­prinsessunn­ar.

Þá var mikið rætt um það hversu góð áhrif brúð­kaupið myndi hafa á ferða­manna­iðn­að­inn og auknar tekjur fyrir fyr­ir­tæki í Stokk­hólmi. Þegar árið var gert upp kom í ljós að það var engin aukn­ing í kringum brúð­kaupið og að meintur hagn­aður var nán­ast upp á krónu sá sami og á venju­legum laug­ar­degi í borg­inni.

Engu að síður mátti lesa fréttir í gær um mann­fjöld­ann sem safn­að­ist saman og beið þess að sjá brúð­hjónin aka frá kirkj­unni að höll­inni þar sem veislan var hald­in. Fólk mætti snemma til að ná bestu stöð­unum og innan um heima­menn mátti sjá hressa Finna sem þurfa víst að láta sér nægja þjóð­kjör­inn for­seta. Þegar frétt­irnar eru lesnar er auð­velt að álykta sem svo að tölu­vert stór hópur hafi safn­ast saman og að þús­undir hafi fyllt göt­urnar til að hylla brúð­hjón­in. En það var bara ekki þannig.

Þegar sá sem þetta skrifar gekk fram­hjá kon­ungs­höll­inni um það leyti sem athöfnin hófst var ekki hægt að sjá að fleira fólk væri á ferli en á venju­legum sól­ar­degi í Stokk­hólmi. Og þótt fólk hafi staldrað við og fylgst með hest­vagni brúð­hjón­anna virt­ust flestir á leið inn í H&M eða aðrar búð­ir.

Klappað í kirkj­unni



Brúð­hjónin hafa verið opin og ein­læg í við­tölum og óhrædd að sýna ást sína á opin­berum vett­vangi. Athöfnin sjálf var því nokkuð ólík hefð­bundnum kon­ung­legum brúð­kaupum því parið var ákveðið í að gera athöfn­ina per­sónu­lega. Helst var það tón­list­ar­valið sem kom á óvart, meðal ann­ars sænskar útgáfur af Cold­play lag­inu Fix You og lag­inu Umbrella með Rihönnu en það vakti óskipta athygli þegar gospel­söngv­ar­inn Samuel Ljung­blahd bað fólk um að klappa með í lag­inu Joy­ful Joy­ful.

Veislan um kvöldið þótti einnig óvenju afslöpp­uð. Prins­inn hélt fal­lega ræðu þar sem hann sagði að það krefð­ist hug­rekkis að velja ást­ina þótt veg­ur­inn væri grýttur og Sofia samdi ljóð til brúð­gumans sem flutt var af þekktum tón­list­ar­mönnum í veisl­unni. Kvöld­verð­inum lauk um ell­efu en þá tók við veisla fram á nótt og var sér­stak­lega tekið eftir því að kon­ungs­hjónin fóru ekki úr partý­inu fyrr en um hálfsex um morg­un­inn. Af myndum má ráða að fólk hafi skemmt sér vel og meðal ann­ars mátti sjá Silvíu drottn­ingu á svið­inu þykj­ast syngja í míkra­fón eins og fólk gerir í góðum veisl­um.

Húð­flúr og nafla­hringur



Eins og minnst var á hér að framan er for­tíð Sofiu ekki beint hefð­bundin fyrir prinsessu. Hún vakti fyrst athygli á sér þegar hún var kjörin ung­frú Slitz árið 2004 af les­endum brjósta­blaðs­ins en þar sat hún ber­brjósta fyrir á myndum með stórri slöngu. Árið síðar tók hún svo þátt í raun­veru­leika­þætt­inum Para­d­ise Hotel sem helst virð­ist ganga út á að láta ungt fal­legt fólk líta út fyrir að vera enn vit­laus­ara en það er.

Þegar Sofia og Karl tóku að stinga saman nefjum urðu margir ákaf­lega hneyksl­að­ir, ekki bara út af mynd­un­um, heldur líka út af nafla­hring og húð­flúrum verð­andi Sví­a­prinsessu. Það tók líka nokkuð langan tíma að fá sam­þykki kon­ungs­fjöl­skyld­unnar og til þess að prins­inn fengi að kvæn­ast Sofiu þurfti kon­ung­ur­inn faðir hans að veita til þess form­legt leyfi.

Fjöl­miðlar hafa skil­merki­lega fjallað um kröfur kon­ungs­fjöl­skyld­unnar varð­andi nafla­hring­inn sem skyldi fjar­lægður fyrir brúð­kaup­ið. Enda ganga prinsessur ekki um með hringi í nafl­anum eins og allir vita. Hins vegar var erf­ið­ara að ráða við húð­flúrin sem eru ekki bara eitt og ekki tvö og mátti meðal ann­ars sjá eitt þeirra þegar brúð­ur­inn tók af sér slæð­una. Sofia seg­ist ekki skamma sín fyrir for­tíð­ina. Hún hafi lært af þessu og vilji nú ein­beita sér að góð­gerð­ar­störfum og því að gera prins­inn að ham­ingju­samasta manni í heimi.

Konunglegu brúðhjónin heilsa upp á mannfjöldann. Mynd: EPA Kon­ung­legu brúð­hjónin heilsa upp á mann­fjöld­ann. Mynd: EPA

Hefð­bundin blaða­mennska tekur sér frí vegna brúð­kaups



Um­ræðan um kon­ungs­fjöl­skyld­una er nokkuð klofin í Sví­þjóð. Ann­ars vegar eru þeir sem telja hana mik­il­vægt sam­ein­ing­ar­tákn og nauð­syn­legan hluta af sögu lands og þjóð­ar, en hins vegar þeir sem skilja ekki hvaða hlut­verki hún gegnir í lýð­ræð­is­sam­fé­lagi nútím­ans. ­Kon­ung­leg brúð­kaup ættu að vera kjörin tæki­færi til að ræða þetta hlut­verk enda leggst stór hluti útgjald­anna á skatt­greið­end­ur.

Hins vegar er eins og hefð­bundin blaða­mennska falli niður þessa daga og vikur og gagn­rýn­is­raddir fá lítið pláss. Rit­höf­und­ur­inn Jan Guillou orðar það þannig í viku­legum pistli að vit­ræn umræða fari í leyfi við kon­ung­leg brúð­kaup. Vissu­lega má sam­fagna brúð­hjón­unum enda völdu þau sér ekki for­eldra. Það breytir því þó ekki að það eina sem gerð­ist í Stokk­hólmi í gær var að kona gift­ist manni… unn­ust þau bæði vel og lengi, áttu börn og burur, grófu rætur og mur­ur; köttur úti í mýri, setti upp á sér stýri, úti er ævin­týri.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rannsóknir eru þegar hafnar á virkni og öryggi bóluefnis AstraZeneca fyrir börn og segir Jóhanna það mikið fagnaðarefni.
Ef börn verði ekki bólusett gæti faraldur brotist út á meðal þeirra
Þegar faraldur fær að ganga óáreittur um ákveðna næma hópa fara sjaldgæfir atburðir að eiga sér stað. „Sjaldgæfir alvarlegir atburðir sem við viljum ekki sjá,“ segir Jóhanna Jakobsdóttir líftölfræðingur.
Kjarninn 27. febrúar 2021
Samherji Holding hefur enn ekki skilað ársreikningi fyrir árið 2019
Hálfu ári eftir að lögboðinn frestur til að skila inn ársreikningum rann út þá hefur félagið sem heldur utan um erlenda starfsemi Samherja, meðal annars allt sem snýr að Namibíuumsvifum þess, ekki skilað inn sínum fyrir árið 2019.
Kjarninn 27. febrúar 2021
Langflest hagsmunagæslusamtök landsins, sem reyna að hafa áhrif á hvernig löggjöf og aðrar ákvarðanir innan stjórnmála og stjórnsýslu þróast, eru til heimilis í Hús atvinnulífsins við Borgartún 35.
Búið að skrá 27 hagsmunaverði og birta vefsvæði með upplýsingum um þá
Tilkynningum á hagsmunaverði sem reyna að hafa áhrif á stjórnmál og stjórnsýslu í starfi sínu, og áttu samkvæmt lögum að berast um áramót, hefur rignt inn síðustu daga eftir að forsætisráðuneytið sendi ítrekun.
Kjarninn 27. febrúar 2021
Ásthildur Lóa Þórsdóttir, formaður Hagsmunasamtaka heimilanna, er ein þeirra sem skráð voru sem hagsmunaverðir á vegum samtakanna.
Hagsmunasamtök heimilanna þau einu sem hafa tilkynnt hagsmunaverði
Ekkert stóru hagsmunasamtakanna í landinu hefur tilkynnt starfsmenn sína sem vinna við að hafa áhrif á ákvarðanir stjórnvalda sem hagsmunaverði, þrátt fyrir að lög sem krefjist þess hafi tekið gildi fyrir tveimur mánuðum.
Kjarninn 26. febrúar 2021
Þorsteinn Vilhjálmsson
Sprautur, siður og réttur
Kjarninn 26. febrúar 2021
Símon Sigvaldason
Dómsmálaráðherra gerir tillögu um að skipa Símon Sigvaldason í Landsrétt
Áslaug Arna Sigurbjörnsdóttir vill að Símon Sigvaldason verði skipaður í eina lausa stöðu við Landsrétt. Það þýðir að Jón Finnbjörnsson, sem er í leyfi og sótti um endurskipun, fær hana ekki.
Kjarninn 26. febrúar 2021
Magnús Ragnarsson framkvæmdastjóri hjá Símanum.
Býst við að Viaplay hækki verðið þegar íþróttapakkinn stækkar
Magnús Ragnarsson framkvæmdastjóri hjá Símanum býst við því að Viaplay hækki verðið á áskriftum sínum þegar íþróttapakkinn þeirra stækkar. „Annað væri bara skaðleg undirverðlagning,“ sagði Magnús í nýjum þætti af Tæknivarpinu.
Kjarninn 26. febrúar 2021
Sambærilegum smáhýsum hefur þegar verið komið upp í Gufunesi.
Smáhýsi fyrir heimilislausa í Laugardalnum þokast nær
Áform um smáhýsi fyrir heimilislausa á borgarlandi milli Suðurlandsbrautar og Fjölskyldu- og húsdýragarðsins hafa verið samþykkt í skipulags- og samgönguráði. Íþróttafélög, fasteignafélagið Reitir og fleiri lögðust gegn þessari staðsetningu smáhýsanna.
Kjarninn 26. febrúar 2021
Meira úr sama flokkiErlent
None