Mar­grét Erla Maack, hefur verið ráðin einn umsjón­ar­manna Íslands í dag. Frá þessu er greint á Vísi.is. Þar mun hún starfa með nýráðnum rit­stjóra þátt­ar­ins, Andra Ólafs­syni, og tveimur nýjum umsjón­ar­mönnum sem ekki hefur verið greint frá hverjir eru.

Mar­grét hefur skrifað Kjaftæð­ispistla á Kjarn­ann um nokk­urt skeið og mun halda þeim skrifum áfram sam­hliða nýju starfi. Hún starf­aði áður við Kast­ljós hjá RÚV og var dóm­ari og spurn­inga­höf­undur í Gettu bet­ur. Mar­grét er einnig einn stofn­enda Sirkus Íslands.

Í frétt Vísis er haft eftir Andra að enn frek­ari breyt­ingar séu í vændum á rit­stjórn, efn­is­tökum og áherslum Íslands í dag. Hið nýja Ísland í dag mun líta dags­ins ljós 31. ágúst, eða eftir slétta viku.

Kjarn­inn greindi nýverið frá því að Ísland í dag yrði stokkað upp í annað sinn á skömmum tíma.  Í byrjun apríl síð­ast­lið­ins var til­kynnt um miklar breyt­ingar á þætt­in­um. Í þeim fólst meðal ann­ars að þætt­irnir yrðu að að jafn­aði lengri en áður, eða um 40 mín­útur að lengd, og þeir gerðir í meiri sam­vinnu við frétta­stofu 365. Auk þess yrðu sér­stakir þættir um stjórn­mál, efna­hags­mál og við­skipta­líf undir hatti Íslands í dag. Þannig átti þátt­ur­inn alltaf að fjalla um mál­efni líð­andi stundar og tengj­ast betur þjóð­mála­um­ræð­unni en hann hafði gert und­an­farin ár.

Áhorf á hið nýja Ísland í dag hefur ekki staðið undir vænt­ing­um. Í lok febr­úar var með­al­á­horf á þátt­inn yfir 16 pró­sent og viku áður en breyt­ingar á honum voru inn­leiddar horfðu 14,1 pró­sent á hann. Sam­kvæmt mæl­ingum Gallup horfðu tólf pró­sent á Ísland í dag fyrstu vik­una eftir breyt­ingar og 8,8 pró­sent vik­una eftir það. Í síð­ustu viku júní­mán­aðar var áhorfið sjö pró­sent.  Á meðal þeirra sem hverfa á braut er Heiða Kristín Helga­dótt­ir, sem stýrði þjóð­mála­þætt­inum Umræð­unni, en samn­ingur hennar við 365 miðla rann út í lok júní.