Vísi­talan The Stoxx Europe 600 lækk­aði um 1,8 pró­sent í þess­ari viku, sem er mesta lækkun það sem af er ári. Mesta lækk­unin var í Grikk­landi og nágranna­ríkj­um, en nú er raun­veru­leg hætta talin vera á því að Grikk­land muni ekki geta staðið við skuld­bind­ingar sínar í lok mán­að­ar­ins og verða gjald­þrota, í þeim skiln­ingi.

Sam­kvæmt fréttum Reuters þarf gríska ríkið að kafa djúpt í alla vasa rík­is­ins til þess að geta staðið við skuld­bind­ingar upp á tvo millj­arða evra um mán­að­ar­mót­in, jafn­virði tæp­lega 300 millj­arða króna, gagn­vart sínum eigin þegnum og lána­drottn­um.

Wall Street Journal segir mik­inn titr­ing á fjár­mála- og hluta­bréfa­mörk­uð­um, á það við um bæði Evr­ópu og Banda­rík­in. Fjár­festar séu að búa sig undir að Grikkir lendi í vand­ræð­um, og að bakslag komi í efna­hags­batann í Evr­ópu.

Eins og greint var frá fyrr í dag,, meðal ann­ars í frétt Kjarn­ans, er vandi Grikkja mál mál­anna á fundi Alþjóða­gjald­eyr­is­sjóðs­ins í Was­hington. Christine Lag­ar­de, fram­kvæmda­stjóri sjóðs­ins, lét hafa eftir sér í þriðju­dag að ekki kæmi til greina að gefa neitt eftir þegar kæmi að skuldum Grikkja við sjóð­inn, enda myndi það aðeins gera stöð­unni erf­ið­ari.