Með 5,6 milljónir á mánuði og á hlut í Síldarvinnslunni sem er metinn á um milljarð

Laun Gunnþórs Ingvasonar, forstjóra Síldarvinnslunnar, hækkuðu um 18,5 prósent í fyrra. Eitt prósent hlutur félags sem hann á 60 prósent á móti tveimur öðrum í er metinn á um 1,6 milljarð króna. Þeir borguðu 32 milljónir fyrir hlutinn.

Gunnþór Ingvason, forstjóri Síldarvinnslunnar.
Gunnþór Ingvason, forstjóri Síldarvinnslunnar.
Auglýsing

Launa- og líf­eyr­is­sjóðs­greiðslur til Gunn­þórs Ingva­son­ar, for­stjóra Síld­ar­vinnsl­unn­ar, hækk­uðu um 18,5 pró­sent á síð­asta ári. Miða greiðslur til hans á mán­uði voru 5,6 millj­ónir króna á árinu 2021 en 4,7 millj­ónir króna árið 2020. Laun Gunn­þórs og mót­fram­lag í líf­eyr­is­sjóð hækk­uðu um 880 þús­und krónur á mán­uði að með­al­tali í fyrra. 

Þetta kemur fram í árs­reikn­ingi Síld­ar­vinnsl­unnar sem birtur var í gær. 

Laun hans eru við með­al­tal launa for­stjóra skráðra félaga, sem voru tæp­lega 5,7 millj­ónir króna á mán­uði að teknu til­liti til launa­hækk­unar Gunn­þór­s. 

Rekstur Síld­ar­vinnsl­unnar gekk vel í fyrra. Hún hagn­að­ist um 11,1 millj­­arða króna, ef miðað er við með­­al­­gengi Banda­­ríkja­dals en félagið gerir upp í þeirri mynt. Af þeirri upp­­hæð féllu um þrír millj­­arðar króna til vegna sölu­hagn­aðar sem mynd­að­ist þegar SVN eigna­­fé­lag, stærsti eig­andi trygg­inga­­fé­lags­ins Sjó­vár, var afhentur fyrri hlut­höfum Síld­­ar­vinnsl­unnar í fyrra­vor.

Auglýsing
Stjórn Síld­­ar­vinnsl­unnar leggur til við aðal­­fund að greiddur verði arður til hlut­hafa vegna reikn­ings­ár­s­ins 2021  upp á 3,4 millj­­arða króna. 

Félagið greiddi 531 millj­­ónir króna í veið­i­­­gjöld í fyrra og tæp­­lega 2,1 millj­­arð króna í tekju­skatt. Því námu sam­an­lagðar greiðslur vegna veið­i­­gjalds og tekju­skatts í rík­­is­­sjóð um 2,6 millj­­örðum króna, eða 76 pró­­sent af þeirri upp­­hæð sem til stendur að greiða hlut­höfum í arð og 23 pró­­sent af hagn­aði Síld­­ar­vinnsl­unnar vegna síð­­asta árs. 

Miðað við nýjasta birta lista Fiski­­­­stofu um þær afla­heim­ildir sem hvert fyr­ir­tæki heldur á þá er Síld­­­­ar­vinnslan, ásamt dótt­­­­ur­­­­fé­lög­um, í þriðja sæti yfir þær útgerðir sem ráða yfir mestum kvóta með 9,41 pró­­­­sent hans. Þá keypti Síld­­­ar­vinnslan útgerð­­­ar­­­fyr­ir­tækið Berg Hug­inn á árinu 2020 en það heldur á 1,03 pró­­­sent af öllum úthlut­uðum kvóta.

Hafa hagn­ast um 1,6 millj­arð króna á því að kaupa hlut

Síld­ar­vinnslan var skráð á markað í maí í fyrra. Í skrán­ing­­ar­lýs­ingu Síld­­ar­vinnsl­unnar kom fram að Gunn­þór, Axel Ísaks­­son og Jón Már Jóns­­son, sem allir eiga sæti í fram­­kvæmda­­stjórn Síld­­ar­vinnsl­unnar væru eig­endur félags­ins Hraun­lóns. Þeir keyptu félagið í lok árs 2020 á 640 millj­ónir króna en Hraun­lón átti þá 27,5 millj­ónir hluta í Síld­ar­vinnsl­unni.

Þegar Síld­ar­vinnslan var skráð á markað hafði virði hlut­ar­ins hækkað upp í 1.595 millj­ónir króna á fjórum mán­uð­um, eða um 955 millj­ónir króna. 

Í hluta­fjár­út­boði sem fór fram í aðdrag­anda skrán­ingar Síld­ar­vinnsl­unnar á markað ákvað Hraun­lón að selja 37 pró­sent af bréfum sín­um. Fyrir það fékk félagið 608 millj­ónir króna. Því má segja, þegar kaup­verðið á heild­ar­hlutnum í lok árs 2020 er dregið frá því sem fékkst fyrir það selt var í hluta­fjár­út­boð­inu í fyrra­vor, að eig­endur Hraun­lóns hafi greitt 32 millj­ónir króna fyrir þann hlut sem þeir halda á í dag.

Það er sem stendur um eitt pró­sent hlutur í Síld­ar­vinnsl­unni sem met­inn er á um 1,6 millj­arð króna, en mark­aðsvirði félags­ins hefur hækkað um 41 pró­­sent frá skrán­ing­u. 

Þar munar mestu um þá aukn­ingu sem varð á virði félags­­ins eftir að til­­kynnt var um stór­auk­inn loðn­u­kvóta í fyrra­haust, en Síld­­ar­vinnslan og tengd félög fengu næst mest allra útgerða af hon­um, eða 18,49 pró­­sent. Um var að ræða stærstu úthlutun í loðnu í næstum tvo ára­tugi en engum loðn­u­kvóta hafði verið úthlutað í tvö ár á und­­an.

Virðið tífald­að­ist

Hraun­lón var áður í jafnri eigu Ein­­ars Bene­dikts­­son­­ar, fyrr­ver­andi for­­stjóra Olís, og Gísla Bald­­urs Garð­­ar­s­­sonar lög­­­manns. Sam­herji fjár­­­festi í Olís árið 2012 þegar þeir tveir áttu félagið að fullu og árið 2017 voru þeir að öllu leyti keyptir út úr Olís, meðal ann­­ars af Sam­herj­­a. Olís rann síðar saman við smá­­söluris­ann Haga.

Hraun­lón skil­aði ekki árs­­reikn­ing á árunum 2010 til 2015. Á síð­­­ara árinu er komin inn eign­­ar­hlutur í öðru félagi, Síld­­ar­vinnsl­unni, sem met­inn var á 213 millj­­ónir króna. Í árs­reikn­ingi 2020 var hlut­ur­inn enn verð­met­inn á þá tölu, eða þriðj­ung af því sem hlut­ur­inn var seldur á í lok þess árs.

Þegar það verð sem nýir eig­endur fengu fyrir 37 pró­sent af eign­inni í hluta­fjár­út­boð­inu í fyrra vor er lagt við mark­aðsvirði eft­ir­stand­andi eitt pró­sent hlutar í Síld­ar­vinnsl­unni nú er virði þess hlutar sem Hraun­lón átti í lok árs 2020 um 2,2 millj­arður króna, eða tíu sinnum meira en bók­fært virði hlut­ar­ins var fyrir rúmum 14 mán­uð­u­m. 

Því hafa Gunn­þór, Axel og Jón Már hagn­ast um tæp­lega 1,6 millj­arð króna á því að kaupa Hraun­lón í lok árs 2020, nokkrum mán­uðum áður en Síld­ar­vinnslan var skráð á mark­að.

Þorri þess hagn­aðar lendir hjá Gunn­þóri. Í árs­reikn­ingi Síld­ar­vinnsl­unnar kemur fram að Gunn­þór eigi 60 pró­sent hlut í L1197 ehf. sem á 100 pró­sent hlut í Hraun­lóni. Því er beinn hlutur Gunn­þórs í Hraun­lóni 940 millj­óna króna virði. Auk þess á hann 100.306 hluti í eigin nafni í Síld­ar­vinnsl­unni, en mark­aðsvirði þeirra er rúm­lega níu millj­ónir króna.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Sonur mannsins með leppinn: „Svona flúði ég vígasamtök föður míns“
Dakota Adams, sonur leiðtoga vígasamtakanna the Oath Keepers, ólst upp við að heimsendir væri í nánd og að öruggast væri að klæðast herklæðum og eiga sem flestar byssur. Dakota tókst að frelsa móður sína og yngri systkini frá heimilisföðurnum.
Kjarninn 5. desember 2022
Pétur Krogh Ólafsson hefur verið ráðinn í nýtt starf hjá Veitum.
Aðstoðarmaður borgarstjóra ráðinn, án auglýsingar, í nýja yfirmannsstöðu hjá Veitum
Pétur Krogh Ólafsson hefur verið ráðinn í nýtt starf þróunar- og viðskiptastjóra hjá Veitum, dótturfélagi Orkuveitu Reykjavíkur. Starfið var ekki auglýst, samkvæmt svari sem Kjarninn fékk frá Orkuveitunni.
Kjarninn 5. desember 2022
María Heimisdóttir.
María hættir – Vill ekki taka ábyrgð á vanfjármagnaðri stofnun
María Heimisdóttir hefur sagt upp störfum sem forstjóri Sjúkratrygginga Íslands. Hún segist ekki vilja taka ábyrgð á vanfjármagnaðri stofnun.
Kjarninn 5. desember 2022
Samtal við samfélagið – English
Samtal við samfélagið – English
Samtal við samfélagið – Migration and Integration in the Era of Climate Change
Kjarninn 5. desember 2022
Samtal við samfélagið
Samtal við samfélagið
Samtal við samfélagið – Fólksflutningar og samþætting á tímum loftslagsbreytinga
Kjarninn 5. desember 2022
Helga Árnadóttir hannar og myndskreytir Lestar Flóðhesta
Lestrar Flóðhestar eru fjölskylduverkefni
Lestrar Flóðhestar eru ný spil fyrir börn sem eru að taka sín fyrstu skref í lestri. „Okkur fannst vanta eitthvað fjörugt og skemmtilegt í lestrarúrvalið fyrir byrjendur,“ segir Helga Árnadóttir sem hannar og myndskreytir spilin.
Kjarninn 5. desember 2022
Guðmundur Björgvin Helgason ríkisendurskoðandi á fundi stjórnskipunar- og eftirlitsnefndar.
„Þetta er bara eins og að fara með rangt barn heim af róló“
Guðmundur Björgvin Helgason ríkisendurskoðandi skaut föstum skotum að forsvarsmönnum Bankasýslunnar á fundi stjórnskipunar- og eftirlitsnefndar og sakaði Lárus Blöndal um að hafa talað gegn betri vitund er hann sjálfur kom fyrir nefndina.
Kjarninn 5. desember 2022
Þórður Snær Júlíusson
Er Tene nýju flatskjáirnir eða eru kerfin og þeir sem stjórna þeim kannski vandamálið?
Kjarninn 5. desember 2022
Meira úr sama flokkiInnlent